zuhaitzgurru blog
Mezua: Bihotzesa
Bihotzesa
Iparrorratz erratu hau hego haize xaloz maiz zuzendu duena.
Negar malkoen bustia hitz goxoz lehortzen une oro aurrena.
Artisau bazina lez,buztin ta lur berriz moldatzen joan nauena.
Zuhaitz ihar hau lorez apaindu ohi duen udaberri leiala.
Bi gorputzen arteko lotura behinena etetzeaz batera,
betiereko batuz besarkatu ziren arimak gure baitan.
Bizitzaren bidai hontan erruz zaindu nauen argizari sutua.
Zulo beltzean izanik fedez eutsi dudan soka sendo leuna.
Ilunetan ikarak uxatu dizkidan argi dirdiratsua.
Ene sekretu ororen ganberako giltza noiznahi izan duena.
Fideltasun kantu hau ordainsari gisa eskeini nahi dizut gaur,
maitasun eternoa zinez zor diodan bihotzeko printzesa.
Ez jainko,ez herririk,zugatikan soilik emanen nuke bizia,
maitasun eternoa zinez zor diodan bihotzeko printzesa.
Zabaldu
Bildu
Twitter
Erantzunak:
Ze politxa! Ez naiz aspertzen irakurtzen eta lantzian lantzian entzun ere eitxen dot. Baina "copyrighta" zurea dala ipini bikozu, bestela..... 
2007-11-30 @ 10:36 
Ba nik badut hitz hoien doinua entzuteko gogoa. Beste lauzpabost gehiagorekin, diskoa hi!!
2007-12-01 @ 11:51 
Ezautzen hautenek ezagutzen haute, baina ezautzen ez haugunok, ez haugu ezautzen. Logikoa ezta? Poema horiekin itsutzeraino maiteminduta hagoela garbi zegok, baina zein duk printsesa hori? Doinuak jartzen dizkiok hitzei? Entzun zitezkek? Nun? Eta hoixe, ni re azalduko nauk hire pelotari erantzutera tarteka...eutsi!
2007-12-30 @ 23:01 
zapata!! Liburua...ondik ez det irakurri!!! esq azkenaldian sorteo danetan irabaztet!!!jajasjajTa letra hoien doinuak...zuhaitzek erantzun baino lehen... www.myspace.com/zuhaitzgurru
2007-12-31 @ 19:19 Erantzun: