ueu365

25 urte dira dagoeneko Euskal Autonomia Erkidegoan euskararen ezagutza eta erabilera arautzeari ekin zitzaiola.Handik hona gauza asko aldatu dira, lege eta erakunde ezberdinak sortu dira, egoera soziolinguistikoa aldatu da...

Nafarroa, Iparraldea...
Ezagutza/erabilera...
Hizkuntza ereduak irakaskuntzan...
Bai Euskarari...
Helduen alfabetatzea...
Esuakararen normalizazioa...

Urte hauetan urratutako bidearen inguruan hausnartzeko beta hartzeko garaia dela uste dugu eta horretarako, euskara zabaltzeko eta normalizatzeko helburuarekin lanean diharduten erakunde eta elkarte eragileei hitza eman eta hizkuntza politikak gizartean duen oihartzunaz hitz egitera gonbidatu ditugu.

Jardunaldia KURSAALen izango da, MARTXOAREN 23an, egun osoz.

Izena emateko epea Martxoaren 20an bukatuko da, baina ADI!: plaza mugatuak izango dira....!!!

Informazio gehiago UEUren webgunean.

Idaztea gure esku -guztion esku- dagoen artelana da. Idazmenaren bitartez gure baitan dabiltzan sentimenduak izendatzen ditugu eta izendatzearekin batera, hein handi batean, sentimendu horiek ulertzeko prozesua zabaltzen dugu.

Tailer honetan zentzumenak eta gorputza erabiliko ditugu idazmena lantzeko: hitzetara heltzeko gure tresnak usaimena, ukimena, ikusmena, entzumena eta dastamena izango dira.

Tailer honek norberaren izatearen eta idaztearen bilgune izan nahi du.

Epairik gabeko idazkera landuko dugu. Estilo eta forma literarioak gaindituz, norberaren baitako istorioak eta oroitzapenak gailenduko dira.

Izena emateko epea: 2007ko otsailaren 8tik 23ra

Txikitan, bizitzan moldatzeko balio izan digun modu bat, rol bat, komunikatzeko era bat ikasi genuen, (adibidez: lotsatia, liderra, kanporakoi edo barnerakoi, esanekoa eta abar). 

Eta beharbada guk rol hori “ontzat” ematen dugu. Baina ona hoberenaren etsaia izan ohi da. Ontzat edo nahikotzat jotzen dugun horrek, era berean, konformismoan harrapatzen gaitu eta lortzen ditugun emaitzak hobetzea galarazten digu.

Mintegi edo tailer hau praktikoa da funtsean. bertan, parte-hartzaileak bere muga zaharrak identifikatu eta komunikazio modu berriak ikasiko ditu, ariketa arin, ugari, dinamiko eta giro dibertigarrian.

Izena emateko epea: 2007ko otsailaren 8tik 23ra.

Jendearen arreta guztia zugan dagoenean zer sentitzen duzu? Nolakoa da zure gorputzarekiko harremana? Zeintzuk dira zure beldurrak, blokeoak, lotsak? Hau dena dantza teknika baten bidez, hain zuzen striptease teknikaren bidez, lantzeko aukera izango dugu, era dibertigarri eta emakumez osaturiko giro gozoan. Dantza pausoak ikasteaz gain, ariketa terapeutiko ezberdinak tartekatuko dira.

Adin eta egoera guztietako emakumeei zuzenduta dago, ez da gorputz edo gaitasun berezirik behar.

Izena emateko epea: 2007ko otsailaren 8tik 23ra.

Hainbat azterketek dinoenez, azkeneko hamarkadetako bizi-itxaropenaren gehikuntza dela eta, gero eta adineko gehiago bizi da.

Egoera hori positiboa den arren, bere alde negatiboa ere badu. Izan ere, biztanleriaren zahartzeak minus-baliotasun eta dependentzia egoerak eragin ditzake. Horien artean, dementziek adierazten duten arazo sozial, psikologiko zein funtzional larria aipatu behar da. Bereziki, Alzheimer motako dementziak adineko pertsonaren bizi-kalitatean eragin ezkorra izan dezake gaixoaren gaitasun kognitiboen endekapena gertatzen baita, bizitzako hainbat alor kaltetuta suertatuz.

Ikastaro honetan, adineko pertsonengan Alzheimer motako dementziaren eta familiaren inguruan ezagutza teorikoak zein praktikoak eskainiko dira. Horretarako, behar diren ezagutza teorikoen eta praktikoen trebakuntzan arituko gara.

Izena emateko epea: 2007ko otsailaren 8tik 23ra