ueu365

Historikoki, Euskal Herriko biztanleri gehienak, zenbait herrik gatazkak gainditzeko bizi izan duten edo bizitzen ari diren esperientziak ezagutzeko oso jarrera baikorra erakutsi du. Hemen aplikatu daitekeen eredu baten bila aritu gara, hortik datoz “bideak” deiturikoak, Irlandar, Kosovoar, Palestinar, Kolonbiar, Hego Afrikar bideak...

Azken urte hauetan munduan zehar dauden zenbait gatazka, konponketa ala geldialdi fase desberdinetan sartzen ari dira eta suertatzen ari diren gertaerak direla eta, aditu talde handi bat “bakearen prozesuaz” hitz egitera daramate.

Zenbait gatazketan nazio arteko analista bezala agertzeak eman digun esperientziarengatik, egoeraren definizio eta azterketetan akatsak aurkitu ditzakegula uste dugu. Azterturiko gatazka gehienetan, “baketze jardunbidea” benetazko “bake auzibidea” baino gehiago jorratzen ari dela esan dezakegu.

Ikastaro honetan aurreko guztia baieztatzeko eta herrialde ezberdinen eskenatokiak aztertu ahal izateko, argi bide orokorrak plazaratuko ditugu.

Ikastaroaren inguruan informazio gehiago jasotzeko UEUren weborrira jo behar duzu.

 

 

Udaberria iritsi ahala, eta biurtetik behin, informatikari euskaldunak Gipuzkoa aldean biltzen dira, eta euren ohitura eta bizipenetaz hitz egiteko aitzakiarekin, eguna elkarrekin ematen dute.

2007a elkartze-unea izango da eta bilkura dagoeneko prestatzen hasi gara.

Une berezi horren protagonista izan nahi duzu?

Jakin ezazu orduan, dagoeneko aurkezpenak egiteko deialdia ireki dela.
Ze nolako aurkezpenak?

• Web 2.0 esperientziak (15 minutu)
  
• Software produktuak

Formularioak eta informazio gehiago Informatikarien Bilkurarako prestatu den blogean aurkituko dituzu.

Adi!!

Laburpenak edo proposamenak bidaltzeko azken eguna: 2007-01-29

atu zen Sareko Euskarazko Produktuen Katalogoa.

Bertan Interneten dauden euskarazko produktuei buruzko informazioa biltzen da.


Eta egia esan... gure eskutara iritsi arte ez dugu jakin katalogo honetan zer biltzen zen zehazki.
Ikusi ahal izan dugunean, benetan ideia ona izan dela iruditu zaigu.

Bai, bai..., gazteentzat pentsatua dago, baina bertan erabilgarri eta gomendagarri diren hainbat EUSKARAZKO helbide biltzen dira, denontzat interegarriak:

• Softwarea eta baliabideak euskaraz biltzen dituzten webguneak
  
• Blogak euskaraz egiteko tresnak eta blog komunitateak
  
• jokoak, jolasak, denbora-pasarako baliabideak Interneten
  
• sakelako telefonoentzat erremintak
  
• euskaraz txateatzeko guneak
  
• musikaren inguruko guneak
  
• Kirola, mendi ibilbideak... biltzen dituzten euskarazko webguneak
  
• Eta abar luuuuze bat!

Egitasmoaren sustatzaileak Bizkaiko 13 udaletako Euskara Zerbitzuak eta baita 2 Mankomunitate izan dira. Udako Euskal Unibertsitateak osatu du kaleratzen den informazioa,  Euskaltelek babestu du.Ekimena eta Eusko Jaurlaritza, Bizkaiko Foru Aldundia eta Alkarbideren laguntzaz kaleratu da.


Ale bat eskuratzeko... Euskaraz bizitzen laguntzeko asmoz egindako katalogoa Bizkaiko 15 udalerritan banatuko da. Alde batetik, Amorebieta-Etxano, Arrigorriaga, Basauri, Berriz, Etxebarri, Gernika-Lumo eta Markina-Xemeingo 7.000 gazteei bidaliko zaie katalogoa. Bestetik, Alonsotegi, Berango, Enkarterriko Udalen Mankomunitatea, Erandio, Getxo, Gordexola, Urduña eta Uribe Kostako Zerbitzu Mankomunitateak bideratuko dituzte beste 8.800 ale. Guztira, katalogo honen 18.000 ale banatuko dira.

Sartu sarean eta gozatu Internet-en dugun euskarazko eskaintzaz!