ueu365

Egungo mundu egituran, eta momentuz, AEBko gailentasuna zalantzarik gabeko errealitate bat da.
Hala ere, hainbat herri indartsuen agerpenak, epe ertain zein luzean egoera hau zalantzan jar dezake.

Herri bakoitzaren egoeraren errealitateari eginiko errepasoak, hurrengo hamarkadetan izango den munduaren diseinua aurreikusten ahalbidetuko digu. Parte bakoitzaren nahiak, lehiak eta tentsioak munduaren norabidea baldintzatuko dute. Inperioa, globalizazioa, polo bakarreko mundua, hegemonia… etorkizuneko nazioarteko harremanetan desagertu daitezkeen terminoak dira, edota, indar handiagoz koka daitezkeenak.

Guzti hau aztertzeko UEUk Nafarroako eskaintzaren barruan ikastaro bat antolatu du.

Ezaugarriak:

IRAKASLEA: Txente Rekondo, GAINeko kidea.

DATAK: 2008 ko Otsailaren  7, 14, 21 eta 28an. Martxoaren 6, 13 eta 27an.

ORDUTEGIA: 18:00- 20:00

ORDU-kopurua: 14 ordu

Izen-emate epea zabalik egongo da  urtarrilaren 25era arte.

Atzo, hilak 22, UEUren ikasturte akademikoa aurkezteko aitzakiarekin Geneen manipulazioaren inguruko tertulia interesgarria izan zen Abando hotelean.

Lore Erriondok, UEUren zuzendariak aipatu zuen moduan, ikasturte honetan ELKARLANA, KALITATEA, BERRIKUNTZA eta ERREFERENTZIALTASUNAk markatu dute jarduera akademikoaren iparra. Eta horren adibide izan zen antolatutako gosari akademikoa: elkarlanean oinarritutakoa, kalitatezkoa, formato berria eta gaurkotasun handiko gaiarekin eta  euskarazko goi mailari lotutakoa.

Bertan izan ginenok benetan  gustura egon ginen.  Erabat gertua,  eskerrak Ana Zubiaga eta Itziar Alkortak erabilitako maila dibulgatiboari, oso ongi egituratua, Pili Kaltzada kazetariari esker, eta benetan giro gozoan aurrera eramandakoa.

Tertuliaren izenburua: GENEEN MANIPULAZIOA. NOBEL SARIETATIK ITXAROPEN TERAPEUTIKORA.



Parte hartzaileak:

• Lore Erriondo, UEUren Zuzendaria
• Pili Kaltzada, kazetaritzan aditua
• Ana Zubiaga, Genetikan aditua
• Itziar Alkorta, Zuzenbidean aditua

Guztira, ordu betez egon ginen, beraz, eta praktikotasunera jotzeko, hona Gosari Akademikoa atalka entzuteko:

Gosari akademikoa

Hitzaldiaren sarrera: Sarrera jaitsi

Gaiaren kokapena: Gaiaren kokapena jaitsi

Tertulia

• Tertuliaren lehengo zatia jaitsi
• Tertuliaren bigarren zatia jaitsi

Larrabetzuko Literatura Eskolako kideak, UEUko Literatura Saila lagunduta, literaturaren inguruko hainbat saio antolatu dituzte.

Larunbatetan batuko dira, hilean behin, goizeko 10:00etan hasi eta 14:00ak bitartean.

Hona asteburu honetarako zita:

Gaia:     "1960-2000 bitarteko euskal poesia"
Hizlaria:  KOLDO IZAGIRRE
Data:     azaroaren 17an, goizeko 10etan
Tokia:    Gasteizen, Alde Zaharreko "Landatxo" gizarte etxean.
Sarrera:  irekia

 

 

Azken urteotan UEUk bere jarduera akademikoa asko zabaldu du, Udako Ikastaroak dira ezagunenak, baina urte osoan zehar ikastaroak ematen ditugu, Euskal Herri osoan, EAEn, Nafarroan zein Ipar Euskal Herrian.

Jarduera akademiko hori gauzatzeko, irakasleak behar izaten ditugu. Horregatik, 2006.urtean IRAKAS(L)ARI UEUn irakasle aritzeko lan poltsa abiatu genuen. Lan poltsa honetan, UEUrekin lan egin nahi duen orok eman dezake izena.

Izen ematea: UEUren web gunearen bidez egiten da, ikusi hemen

• Irakasleen datu basean sartzeak ez du UEU ezertara konprometitzen.
• Emandako datuak barne erabilerarako dira, ez dira zabalduko ezta banatuko ere.

Deialdiak: Posta elektronikoz egiten dira.

Urtean behin, IRAKAS(L)ARI lan poltsaren zabalkundea egingo dugu, gure ikastaroetan ikasle/irakasle egondakoei, internet bidez, etab. Dena dela, urte osoan zehar irekita dago izen ematea.

Dagoeneko 193 lagunek izena eman dute, ANIMATU ZAITEZ ZU ERE!

Gaur egun UEUk EHUko bi master ofizialetan parte hartzen du laguntzaile edo sustatzaile lanetan.

Horietako batek master ofiziala bihurtzearekin batera izenburua ere aldatu du: Euskarazko Komunikazioa eta Hizkuntza Gutxituak. Eta hala ere, masterra aurreko urtetan doktorego programa bezain arrakastatsua izan da, 10 ikasle bilduz.

Hilaren 18an masterraren irekiera-ekitaldia izan zen.
Bertan EHUko Fisika eta Kimikan katedraduna den Jesus Mari Ugalde izan zen,  ondoko hitzaldiarekin: "Zientziaren dibulgazioa gaur egun".

Josi Sierraren Hezkuntza Telebista Blogak hainbat albiste eta bideo argitaratu ditu hitzaldi honen harira, denak benetan interesgarriak.

• hitzaldiaren berri
• hona Jesus mari Ugaldek emandako hitzaldia: Zientzia Berriak Berrietan
• hona Jesus Mari Ugalderi egindako elkarrizketa: Zientzia Ezagutzeko Grina, Zientzia komunikatzea beharrezkoa da
  

Haurreskolen Partzuergoan lanean diharduten hezitzaileentzako UEUk diseinatu duen formazioa da APATXIN! egitasmoa.

                       

Hilabete honetan abiatu da proiektu hau lehenbiziko aldiz, eta ikasturte honetan guztira 39 ikastaro eskainiko ditugu, ondoko gaiekin:

* Haur Eskola eta familiaren arteko harremana
* Psikomotrizitatea 0-2
* Haur kantak eta Jolasak
* Ordenadorea, teknologia berriak eta biok: baietz ados jarri!

Gutxi aztertu da Bigarren Mundu Gerraren eragina egungo gatazketan, batez ere egun pilpilean den inguru musulmanean. Gako historikoen hausnarketan sakontzea egungo nazioarteko zenbait aldagai ulertzeko liteke ikastaro honen asmoa.

Nazioarteko tailerraren dinamika irekia eta dinamikoa erabiliz saioz saio arlo historikoa eta egungo egoera eguneratua txertatzea liteke gure eginbeharra.

3 asteartetan zehar ondoko gaiak jorratuko dira Markeskoan Gabirel Ezkurdiak zuzenduko duen ikastaroan:

• II. Mundu Gerra eta Musulmanak.
• II. Mundu Gerra eta Irak.
• II. Mundu Gerra eta Palestina (Israel barne).
• II. Mundu Gerra eta IMagreb
• II. Mundu Gerra eta Balkanak.

Ahozko ipuinak hobeto ulertzeko modu bat sailkapena da, eta ez alferrik, munduaren buelta osoko kulturetan ipuinek mekanika bat eta bera erabiltzen baitute. Berdintzen dituen ezaugarri horrez gain, desberdintzen dituzten moldeak dauzkate, zaletasun propioak, asmatutako moldeak eta oihartzun zaharrak...

Sailkapen unibertsal ospetsuak daude, ez ordea euskal ipuinen sailkapen izena merezi duenik. Gu hutsune hori estaltzen saiatuko gara ikastaroan, W. Websterrek bildu zituen laurogeita bost ipuinak aitzakia hartuta.

Ipuinen mekanika ulertzen saiatuko gara, giza geografia aztertuko dugu, ipuinak eredu nagusietan multzokatuko ditugu, heroiak hartzen duen (irten)bideaz hitz egingo dugu, eta zein sentimendu hanpatu nahi den ipuinarekin. Eta hori guzti hori, Websterren eta bildumagile esanguratsuenen errepasoa eginez.

Ikastaroa Markeskoan izango da, azaroan.

Podcasta audio eta bideo edukiak zabaltzeko era berritzaile bat da. Edukien sindikazioak erabiliz audio eta bideo edukiak hedatzeko eta hauetara harpidetza egiteko aukera ematen du.

Komunikatzeko era berri honek gure informazioa eduki multimedietan hedatzeko eta erabiltzaileak eduki horietara harpidetzeko aukera ematen du. Elkarte, enpresa, talde, pertsonen komunikazioa gauzatzeko tresna berri bat da.

Irratia.com, podcast-a euskaraz, adibidea: hemen.

Gorka Julio izango da ikastaro honen irakaslea, eta Eibarren burutuko da, azaroan.

Zer da barrea? Erantzun mekanikoa edo fisiologikoa? Ala barneko emozioak agerrarazten dituen jarduera psikologiko baten ondorioa? Zerk sortzen digu barrea? Txiste edo txantxa umoretsu bat entzuteak, albokoak estropezu egiteak, norbera agerian gelditzeak, kilimak jasotzeak....
Barre egitea mesedegarria dela ziurra da; are gehiago, zenbait sendagileren ustean, gaixotasunak uxatzeko metodo merke eta eraginkorra da.

Ikastaro hau bigarren aldiz gauzatuko da UEUn, lehenengo edizioak izan zuen arrakasta ikusita.

Hona sortu zuten BARRE MAKINA:




Ikastaroa azaroko 3 larunbatetan izango da, Eibarren. Ba al dago asteburua osasuntsuago edo alaiago hasteko beste modurik?

ANIMATU!!

Udako oporrak bukatu, egokitzapen prozesua arrakastaz bukatu eta ikasturteko planari ekin diogu berriro.

Ikastaroak, hitzaldiak, mintegiak... 2007-2008 ikasturterako egiten dugun eskaintza zabala da, bai formato zein antolaketari dagokionez.

Egon adi!!
Hurrengo egunotan informazio guztia biltzen saiatuko gara...

Euskarazko komunikazioan 700 bat profesional eta 250etik gora hedabide aritzen dira gaur egun. Horietan asko, eskarmentu handiko profesional eta hedabideak dira egun; gehienak, baina, jarduera honetan arestian hasiak: azken hauek bizi dugun hamarkadan herriz herri eta sektorez sektore sortzen joan den hedabide txiki eta ertainen sare zabala osatzen dute.

Bereziki hasi berriek, eta neurri apalagoan bada gehiago arituek ere, pairatzen dituzte egun komunikazioen esparruan euskaraz aritzeko dauden eskasiak eta oinarrizko premiak. Eskasia eta premia horiek ikertu behar dira, eta ikerketatik ondorioztatzen diren arazoei aurre egiteko jarraibideak proposatu behar dira. Azken hori da hain zuzen ere master honen egitasmo nagusia: egungo euskarazko komunikazioaren diagnosia egin asmo dugu, aipatu eskasietan eta premietan sakondu ahal izateko.

Horrekin batera, ikasleari eman nahi zaio jarduera profesionala euskaraz egin ahal izateko behar duen trebakuntza osagarria.

 

Masterra 6 nahitaezko ikasgai eta 11 hautazko ikasgaiez osatuta dago.

Masterraren sustatzaile den UEU , beste erakunde hauekin topatuko duzue masterra aurrera eramateko orduan:Aldaketa hamasei , ARGIA , berria , EiTB , Elhuyar Fundazioa , Eusko Ikaskuntza eta Goiena Komunikazio Zerbitzuak .

Izen ematea uztailaren 13ra arte dago zabalik.

Informazio gehiago eta izena emateko argibideak, Masterraren web orrian aurkituko dituzue.

Propaganda egiteko bideo bat sortu dute: BIDEOA

 

UEU Eibarren burutzen ari den Udako Ikastaroen barne, Informatika eta Emakumearen inguruko SAIO OSAGARRIA izango da.

Saioa "e-makumeak" izeneko taldeak antolatu du. 
Talde hau kezka  baten ondorioz sortu zen; informatika ikasten gero eta neska gutxiago dago.

Joera horren aurka egitearren, DVD bat sortu dute zeinetan Informatikako 
ikasketak aurkeztu, informatikan eragin handia izan duten emakumeen 
historia azaldu eta informatikari emakumezko batzuei egindako 
elkarrizketa erakusten duen.

Bihar, arratsaldeko 16:30etan UEUren Eibarko egoitzan talde honek 
"Informatika eta emakumea" izeneko DVD emanaldia eta solasaldia egingo du.

Sarrera irekia izango da.

Animatu zaitez!

Arkeologiaren inguruko ikasketak sendotzeko asmoz, 2005-2006 ikasturtean UEUk eta Aranzadi Zientzi Elkarteak elkarlanean Arkeologiari buruzko Ikastaro Praktikoa antolatu zuten.

Bai ikasle eta antolatzaileek ikastaroaren balorazio oso positiboa egin zuten, eta hori dela eta ikasturte honetarako ildo horretatik abiatuta beste ekimen bat antolatu dute:


Iazko ikastaroaren arlo praktikoa Amaiurko gazteluan burututako indusketa arkeologikoek osatu zutenez, aurten indusketa horietan parte hartzeko deialdia luzatu dute. Oraingo honetan, 15 egunez Aranzadiko arkeologo-talde batekin aritu eta ikasteko aukera izango dute bertara apuntatzen diren ikasleek.

Prezioa nahiko merketu den arren, ikastaroa guztiz praktikoa izango da, indusketez gain hitzaldi eta tutorizazioak barne. Indusketetan zehar elkarrekin bizi eta tasedenaldietan hitzaldiak, aurkikuntzen inguruko azterketak, eta irteerak burutuko dituzte. Amaiurreko herrian bertan bizi eta lan egingo dutenez, gure historiarekin inplikatzeko aukera paregabea izango dute.

Izen ematea uztailaren 15era arte zabalik egongo da.
Indusketak uztailaren 30etik abuztuaren 12ra izango dira.
Prezioa 150 €.

Informazio gehiago hemen

Animatu!!

Urtero lez UEUn Udako Ikastaroak antolatu ditugu, aurten baina, berrikuntza ugarirekin: ez dugu elkarrekin lo egingo...(!), formato ezberdineko ikastaro, mintegi eta jardunaldiak izango ditugu,
Eibarren bi astez egongo gara...

Ez dakigu berrikuntza guzti hauen ondorioa izan den, baina matrikulatutako jende kopurua askoz altuagoa da aurten...

eta hona gure galdera: uda iritsi eta ikastera animatzen da jendea... zergatik?
eta zergatik aurten gehiago?

gure balorazio galdeketan galdera txertatu beharrean egitasmo berria jarri dugu martxan: Zer-OH!

eta zer da Zer-OH!?

Zergatik Orain eta Hemen?


Galdera majikoa, galdera bikoitza, akademiko eta ludikoa, oso ludikoa izan daitekena...

GARATU Programa, Irakasleen etengabeko formaziorako Hezkuntza Sailaren plangintza da.

Orain dela 10 urte hasi zen UEU GARATU programaren barruan ikastaroak antolatzen.
Eta oraingo honetan UEUk 2007-2008 ikasturterako ondoko ikastaroak eskaintzen ditu:

• 0-6 urte bitarteko haurren eboluzio-ezaugarriak eta horien inplikazio ebolutiboa
• 0-6 urte bitarteko haurren eboluzio-ezaugarriak eta horien inplikazio ebolutiboa
• Jolasa eta haurraren garapena
• Jolasa eta haurraren garapena
• Jolasa eta haurraren garapena
• Jolasa eta Hezkuntza Premia Bereziak
• Portfolioa: DBHn
• Portfolioa: DBHn
• Demokraziaren funtsak: gizarte zientziak, Geografia eta Historiaren irakaskuntzan
• GPS sistema baliabide didaktiko moduan
• Zientzia bizia: Biologia eta Geologia
• Musikarako Informatika I
• Europako Erreferentzi Markoaren ekarpenak eta Portfolioa
• Europako Erreferentzi Markoaren ekarpenak eta Portfolioa
• Musika eta multimedia
• GIS libreen erabilera irakaskuntzan
• Etxeko sukaldean... kimika laborategia!!
• Kanta dezagun!!

2007/2008 ikasturteari begira jarrita gaude eta UEUk, dagoeneko, IRALE-Irakasleak hizkuntza gaitasunez gaitzeko Hezkuntza Sailaren programa-  plangintzaren barruan hitzartu ditu hainbat ikastaro.

Berauen informazio guztia gure webgunean aurkituko duzue: Etengabeko Prestakuntza

Bitartean hona prestatutako ikastaroak:

• Nola irakatsi euskara, bigarren hizkuntza dela
• Curriculumaren Euskal dimenstisoa, Euskal Curriculuma, zertaz ari gara?
• Irratia eskolan interneten bitartez
• Gure historia, euskal literatur lanen argitan
• Blog-ak: oinarriak, esperientziak eta praktika.
• Ordenagailu eta interneten erabilera musika gelan
• Hizkuntza lanabesak amaraunean
• Soziolinguistika nola irakatsi?
• Kontatzetik mintzatzera: ipuina, hitz egiteko baliabidea
• Kontuz, otsoa datorrela! Edo erdarakaden hatsa garondoan sentitzen dugunean
• Euskal literatura sarean
• Azken urteotako narratiba laburra: motzean handi
• «Definiciónetik definiziora: ikasmaterialen itzulpena»
• Jende aurrean hizkera jasoan mintzatzeko gaitasuna nola landu.
• Kanta dezagun!!
• Komunikazio pertsonala eta profesionala eraginkorra
• Ipuin tailerra.

Uda hurbiltzen den heinean, edo ikasturteko nekea metatzen doan neurrian, udako planak egiteari heltzen diogu. Batzuk.

Beste batzuk, ohiko galderei erantzun ezinik ibiltzen dira/gara eta leku exotiko, berezi, cool eta interesgarririk bisitatzeko asmorik ez dutela/dugula, udaren inguruko eztabaidetatik ihes egiten saiatzen dira/gara.

Mendialdera?
Hondartzara?

Herriko jaietan presente?
minutu bakar bati uko egin barik, opor guztiak ausente?

Gairen bat eskegita gelditu zaizula eta ikasteari ekin beharko diozula?

Auzolandegiak, hizkuntzak ikastera, deskantsatzeko tartea, ordu luzetako gabak erretzeko aukera...

Uda aurpegi anitzetako ispilua da. Urte osoan metatutako behar eta gogoei heltzeko ispiluen gela bihurtu dugu. Batean islatu eta beste gainontzekoetan irudi biderkatua jasotzeko egiten ditugu planak.

Udan zure neurrirako planak egiteko enpresak ugaldu dira azkenaldi honetan.

Eta bakarra da 200€ baino gutxiago kobratuta,  30 plan baino gehiago eskaintzen dizuna.


Hondartza? Baiona...
Mendia? Orbaitzeta...

Uda zure neurrira egokitu, egun gutxi dira eta...

Yogaren helburua kontzientzia da, kontzientzia suspertzea: Yoga = jabe; Yoga teknikak kontzientzia suspertzeko tresnak ditugu.Oteitzaren hausnarketa izpiritualak gure aurre.indo.europar sustraietara garamatza. "Hutsa" dio Oteitzak: "ezer ez den huts.etik, oro den huts.era" (taza hutsetik, kafe hutsera bezala).

Datorren urtean, 2008ko urriaren 21ean hain zuzen, beteko dira 100 urte Jorge Oteitza Orion jaio zenetik.

Bere omenez eta gure osasun fisiko eta izpiritualerako, aurtengo udako ikastaroan Yoga ariketak egiteaz gain, Oteitzaren "Ejercicios espirituales en un tunel" liburuan proposatutako ariketak egingo ditugu, bere etxean bertan Alzuzako museoan.

Ikaslegoari dagokionez, barne lasaitasun bila dabilen edozeinentzako aproposa da ikastaro hau. bai eta Oteitza zale zein jakin-minez daudenei.Edo Yoga ezagutu zein praktikatu nahi duen edozeini. Artea iraultza moduan bizi nahi duten guztiei. Nor bere buruaren jabe izateko bidea egin nahi dutenei.

Ez da inolako titulaziorik behar; gogoa, murgiltzeko gogoa, ezinbestekoa da.

Psikologian generoaren inguruko ikerketak eta lanak ugaritzen ari diren arren, ikerketa-lerro desberdinetako ekarpenak bilgune komunean jartzearen falta sumatzen da. Horrenbestez, zenbait esparrutan (psikologia sozialean, garapeneko psikologian, psikologia klinikoan, kirolaren psikologian) hainbat profesionalek eginiko lanak plazaratuko dira, gaiaren inguruko komunikazioa areagotzeko eta eztabaida gizarteratzeko.

Ikastaro hau Psikologian eta generoaren ikasketetan interesa duen orori dago zuzenduta, eta bereziki gomendagarria izan daiteke genero ikuspegitik azterketan interesa dutenentzat. Psikologoei, irakasleei, gizarte-hezitzaileei, soziologoei, zein ikasketa hauetako ikasleei zein gaiaren interesa duen orori dago zuzenduta.

Non: Iruña
Noiz: uztailak 17 eta 18

Ahozko ipuinak hobeto ulertzeko modu bat sailkapena da, eta ez alferrik, munduaren buelta osoko kulturetan ipuinek mekanika bat eta bera erabiltzen baitute. Berdintzen dituen ezaugarri horrez gain, desberdintzen dituzten moldeak dauzkate, zaletasun propioak, asmatutako moldeak eta oihartzun zaharrak...

Sailkapen unibertsal ospetsuak daude, ez ordea euskal ipuinen sailkapen izena merezi duenik. Gu hutsune hori estaltzen saiatuko gara ikastaroan, W. Websterrek bildu zituen laurogeita bost ipuinak aitzakia hartuta.
Ipuinen mekanika ulertzen saiatuko gara, giza geografia aztertuko dugu, ipuinak eredu nagusietan multzokatuko ditugu, heroiak hartzen duen (irten)bideaz hitz egingo dugu, eta zein sentimendu hanpatu nahi den ipuinarekin. Eta hori guzti hori, Websterren eta bildumagile esanguratsuenen errepasoa eginez.

Ikastaro honen bitartez ipuinak aztertzen trebatuko da ikaslea. Irakurri eta esan egingo ditu ipuinak, ez beti osoak ez beti taldeko belarri guztientzat, baina jakingo du ipuin bat birkontatzeko arreta non jarri behar duen.Halaber ikasleak ezagutuko ditu Euskal Herriko ahozko ipuinen bildumak, noiz jasoak diren eta nortzuk diren bildumagileak. Bereziki W. Webster eta bere bilduma ezagutuko ditu.

Ikastaroa Iruñean izango da, UEUko Udako Ikastaroen barruan, 3 egunez.

Ipuin zaleen festa ikaragarria izango dela dinoe...

Ajax (Asynchronous JavaScript and XML) programazio-lengoaiak berebiziko indarra hartu du azken urteetan. Web bidezko aplikazioak eta zerbitzuak eskaintzeko oso ezaugarri interesgarriak eskaintzen ditu hainbat teknologia biltzen dituelako: CSS, Javascript, XML, HTML, XSLT...Hainbat produktu garatu dira teknologia hori erabiliz: Gmail, Filckr, Google Maps... Euskal Herrian ere erabiltzen ari da: zabaldu.com, ztcorpusa.net...

Ikastaroak helburu bi betetzea bilatzen du:

Aeronautika gero eta garrantzi handiagoa izaten ari da Euskal Herrian. Zoritxarrez aeronautika gaien inguruko ezagutza maila oso mugatua da eta zer esanik ez euskarazko terminologia eta kultura aeronautikoa. Ez da exisitzen. Etorkizuneko gaia denez eta bide luzea egiteke dagoenez, lehen pausoa delakoan planteatzen dugu ikastaro hau.

Ikastaroak 3 helburu bete nahi ditu:

• Lehenik eta behin, jendearen indar eta interesen balorazioa egitea.
• Bigarrenik, terminologia eta gai desberdinak pixkanaka-pixkanaka lantzea.
• Azkenik, kultura aeronautikoa sustatzen hasi eta material didaktikoa sortzea.

Ikastaroa Iruñan izango da,  3 egunez.

Txikitan, bizitzan moldatzeko balio izan digun modu bat, rol bat, komunikatzeko era bat ikasi genuen, (adibidez: lotsatia, liderra, kanporakoia edo barnerakoia, esanekoa eta abar). Eta beharbada guk rol hori "ontzat" emanen dugu. Baina ona hoberenaren etsaia izan ohi da. Ontzat edo nahikotzat jotzen dugun horrek, era berean, konformismoan harrapatzen gaitu eta lortzen ditugun emaitzak hobetzea galarazten digu.

Mintegi edo tailer hau praktikoa da funtsean. Bertan, parte-hartzaileak bere muga zaharrak identifikatuko eta komunikazio modu berriak ikasiko ditu, ariketa arin, ugari, dinamiko, eta giro dibertigarrian.

Ahalik eta naturaltasun, argitasun eta jario handienarekin hitz egiteko teknika erraz eta baliotsuak ikastea da ikastaro honen helburua, besteek hobeki ulertzea ahalbidetuz, lanean denbora eta eraginkortasuna aurreztuz, gatazkak konponduz, autoestimua ere hobetuz eta gainerakoekin ditugun harremanetan kalitate handiagoa lortuz eta, ondorioz, horrekin guztiarekin, baita emaitza hobeak eta bizi-kalitate hobea ere.

Ikastaroa Iruñan izango da, uztailaren 16tik 20ra, UEUko Udako Ikastaroen barruan.

Abiapuntua literatura izanik, hitzen eta irudien arteko harremanez hausnarketa egitea da ikastaroaren helburua.

Garai hauetan kontagintzak hartu dituen forma berriez gogoeta egiteko, funtsezkoa da literatura harremanetan jartzea gero eta pisu handiagoa duen kultura bisualarekin eta horretan ahaleginduko da ikastaro hau.

Xede horrekin, hainbat azpiatal landuko dira: komikia, ilustrazioa, zinemagintza eta gidoigintza. Azken urteotan alor hauetan izan da sormen lan interesgarririk gurean eta izan dute diziplina hibrido hauek goraldirik (komikigintzak, edo literaturatik zinemarako egokitzapenek, kasu) eta sortzaile nahiz sormen lan horiei plaza eskaintzea eta haiei buruzko gogoeta egitea ditu ikastaroak helburu, maiz kritikaren eta literatur zirkuituetan bazterrean geratzen diren gaiak baitira.

Ikastaroa Baionan izango da, uztailaren 10etik 13ra.

Spiderman eta Catwoman bertan egongo ote dira?

XX. mendearen 70eko hamarkadan, Gizarte Zientzietako zientifikoek zein hainbat argazkilarik, pixkanaka-pixkanaka, argazkien esanahiei heldu zieten oinarrizko mekanismo psikologikoen isla zirelakoan.

Esaten dutenez, argazkietan bi elementu nagusi bereizten ziren: batetik, argazkiaren egilea; beste alde batetik, argazki baten protagonista (subjektua, objektua, paisaia, talde bat, etab.). Egileari dagokionez, argazkigintzaren atzean gerta daitezkeen eskema kognitiboak, emozioen proiekzioa eta pentsamendu inkontzienteak prozesu psikologikotzat hartu direla literaturan zehar (Akeret, 1973; Spence, 1986). Argazki baten protagonista gisara, ordea, ez dago hainbeste adostasunik norberari (self-report) dagozkion prozesu psikologikoen inguruan

Ikertzaile amerikarrak azken urteetan bildutako tekniketan (analisi tematikoa, aske asoziazioa, atribuzio prozesuak, artikulazio mailak, errealitatearen ilusioa, etab.) oinarrituta hainbat baliabide praktiko izango ditugu hizpide ikastaro honetan. Horretaz gain, Akeretek (1973) abiatutako photoanalysis-teknikaz ere ariko gara, familia eta pertsona arteko dinamikak aztertzeko.


Ikastaro hau Psikologiako ikasle zein lizentziatuentzat prestatu bada ere, beste arloetako ikasleentzat (Kazetaritza, Pedagogia, Antropologia, Filosofia, Gizarte Zientziak) eta gaiaren inguruan interesa duen edonorentzat erabilgarria izan daiteke.

Ikastaroa Baionan izango da uztailaren 10 eta 11an, UEUko udako ikastaroen barruan.

Ia guztiok izaten dugu drogekin nolabaiteko harremana bizitzan zehar, eta onurak eta kalteak ekar ditzaketela jakin arren, gehiengoak ez daki hori baino askoz gehiago haiei buruz.

Ikastaroaren lehen egunetan, droga-menpekotasunaren oinarri neurobiologikoak, droga ezberdinen eragin farmakologikoak gure gorputzean, eta drogak uzteko dauden tratamendu medikuak azalduko dituzte gaian lanean diharduten zenbait adituk. Ikastaroaren bukaeran, honek gizartean duen eragina eta droga-menpekotasunaren beste aspektu batzuk landuko ditugu.

Drogei buruzko ezagutza handitzea da ikastaro honen helburua, eta aurrerago egingo den droga-menpekotasunari buruzko graduondokoaren sarreratzat ere har dezakegu.

Gaian interesa eduki dezaken edonori zuzenduta dagoen ikastaro hau Baionan izango da, uztailaren 9tik 13ra bitartean.

... eta batzuk dagoeneko "beteta" kartela eskegi dute!!!

Atzo, Iruñean Udako ikastaroen prentsaurrekoa eman zuten Irati (Udako Ikastaroen arduraduna), Saioa (Nafarroako arduraduna) eta Lore (UEUko zuzendaria).

 

Hemendik aurrera Udako ikastaroen berri "Uda neurrira" blogean izango dugu.
Jakin dugunez hauek dira berirtasunik nabarienak:


Berrikuntza nabarienak hauxek dira:

1. Iraupena. Lehen aldiz, Eibarren bi aste jarraian burutuko dira ikastaroak. Baionan eta Iruñean aste batez.
2. Egoitza aldaketa. Baionan Bernat Etxepare lizeoan egingo dira ikastaroak eta Iruñean Hizkuntza Eskola Ofizialean.
3. Ostaturik ez da eskainiko.
4. Eibar, Iruña eta Baionan ezezik Lizarran ere hitzaldiak eskainiko ditu UEUk, bertako Udalaren laguntzarekin.
5. Inoiz baino dirulaguntza gehiago daude.


Matrikulazioa eta informazio gehiago UEUren webgunean...

Adi! Plaza mugatuak dira hainbat ikastarotan...

Gaur egun, terapia osagarriak gero eta indar handiagoa hartzen ari direnean, oso zaharra den terapia bati buruz hitz egiteari oso interesgarri deritzogu. Valentziako Bicorp herrian dauden historiaurreko margoek adierazten digute gizakia gutxienez 8000 urtean erleekin kontaktuan egon dela. Garai haietatik, eztiaren, polenaren, propoliaren, argizariaren eta pozoiaren onurak izan ditu gizakiak. Ikastaro honetan erleen ekoizkinak nondik datozen, nola sortzen diren, nolako konposaketa biokimikoa duten eta zein erabilera terapeutiko dituzten ikusi eta ikasiko dugu.Apiterapiak oso emaitza onuragarriak eskaintzen ditu eta gainera epe ertain eta luzera ez du bigarren mailako eragin kaltegarririk; hori dela eta, gero eta erabiliagoa da.

Ikastaro honen helburua Apiterapia zer den, zeintzu produktu, nola eta zertarako erabiltzen diren azaltzea izango da. Arlo honetan egindako azken ikerketa-lanak ere azalduko dira, biokimika, farmakologia eta medikuntzari dagozkienak.

Ikastaroa 12 ordutakoa da, 2 egunetan gauzatuko da, Baionan.

Merleau Pontyk dioen bezala, sexualitatearen eta giza izaeraren artean harremana dago, sexualitatea da gure izate osoa, izaera horrek jaiotzetik hil arte iraungo du, hau da, bizitza osoko prozesua. Izaera horrek aldaketa ugari izango ditu gertaera ezberdinen eta gizartearen eraginez. Jaiotzez, naturaltasuna, jakin-mina, plazerraren bilaketa... nagusitzen badira ere, nerabezarotik aurrera eta gure gizartearen moral sexuala dela-eta, norberak bere mugei, lotsei, beldurrei... aurre egin beharko die.Ikastaro honen bitartez, norberak prozesu hau albait hobekien bizitzeko aukera zabaltzea dugu helburu.

Ikastaro praktikoa da, talde dinamikan oinarritutakoa, Banakako lanak, talde lanak, elkarrizketak, jolasak eta ariketa praktikoak uztartuko dira.

Sormena lantzeko ikastaroa da hau. Ikus-entzunezkoetan, irudiak lehentasuna du soinuaren gainetik. Irudi batek mila hitzek baino gehiago adierazten omen du.

Eta zergatik ez soinu batek?

Irudirik gabeko film bat egingo dugu ikastaro honetan. Horretarako soinuaren adierazpen-baliabideak landuko ditugu, baita Europan zehar egiten ari diren irrati-artearen proposamenak ezagutu ere. Praktikan, teknologia berriez baliatuta, istorio bat azaldu beharko du ikasle bakoitzak, 5-10 minutukoa, eta, ondoren, guztion eskura jarri webean.

Ikastaroa 2 egunetakoa izango da, uztailean, Baionan.

Antzerkilari, dantzari, zuzendari... eta gorputza eta akzio eszenikoaz interesa duten guztiei zuzendutako ikastaroa izango da Baionan, uztailak 9tik 13ra.