- Euskara? Ume, gazte, heldu eta nagusientzat

Mezua: Euskara? Ume, gazte, heldu eta nagusientzat

2007-07-17

16:52:19, Atalak: udaneurrira, 92 hitz

Euskara? Ume, gazte, heldu eta nagusientzat

Astearte eta asteazkeneko lana dute soziolinguistika maite dutenek. Iruñean daude, hizkuntza-plangintzen inguruan sakontzen. Soziolinguistika Klusterreko lagunek antolatu dute ikastaroa, eta teorian eta praktikan, euskararen normalizaziorako planak zelan egin ikasten izango dira.

Lionel Joly ikastaroko antolatzailearekin solasaldia izan dugu. Plangintzen lehentasuna euskararen erabilera dela esan digu, eta berau adin tarte guztietan lortu behar dela. Gazteen inguruan Jolyren ustez alor hori bakarrik lantzea akats handia da: "Euskara umeen hizkuntza bihurtzen ari da hainbat jarrerengatik eta helduengana ere zabaldu behar da, bestela, gazteak nagusitzean beti erabiliko baitute erdara, helduen hizkuntza delakoan".