Aste guztian Euskal Hiria historian zehar nolakoa izan den ikasi dute gure historiako lagunek. Baina iritsi da eskema guztiak apurtzeko Bernardo Atxaga Markeskoara. Ikastaroko parte hartzaileez gain, UEUk egindako deialdiari ere ondo erantzun dio jendeak.

Bere hiri utopikoaren azalpena eman digu, baina hori baino lehen begirada poetikoaz hitz egin du. Gaztea zenean nola sentitu zen euskalduna izateagatik eta nola gizartean sortzen diren klase eta zirkulu desberdinak. Begirada poetikoa esan duenean, ez dio esan nahi positiboa bakarrik eman. Poetikoa ez baita beti polita, izan baitaiteke satirikoa, iluna, tristea...

Orain dela berrehun urteko administrazio politikoarekin ezin omen da berak amesten duen hiri kosmopolita eta homogeneoa sortu.

Pesimista azaldu da Atxaga, ilun. Baina ez omen da modu dramatikoan hartu behar, berak azaldu duena errealitatea delako. Gauzak hobetzekotan ekin egin behar zaio.

>

TRAD" style="font-size: 12pt; font-family: "Arial Narrow"">

Gatazken tartean egotea, hori da euren lana. Banaketa prozesuetan egiten dute batez ere beharra bitartekari familiarrek. Lan mota horren nondik norakoak aztertu dituzte Bitartekaritza Familiarraren Hastapenak ikastaroan, Eli Moreno psikologo, pedagogo eta bitartekari familiarrekin.

Bitartekoak gatazken erdian egon ohi dira. Baina ez bakeak egiteko, ez, gatazkan dauden alde biei komunikatzen eta akordio batera heltzen laguntzeko baino. Negoziazioaren bidean, inplikatuek bestearen sentimenduak onargarriak direla onartzen ikasi beharko dute, eta arazoa kanporatu egin beharko dute. Azken finean, arazoa norberarengan dagoela pentsatzen badugu zaila izaten da arazoa konpontzea eta, menperatu egiten gaitu.

Amaitu da bertso lantegia. Markeskoan nabari da bertsolarien falta. Denek zintzo bete zituzten balorazio orriak baina gure blogean ere ikastaroan egindakoari buruz zuen iritzia jaso nahiko genuke. Bertso lantegia benetan LANTEGIA izan al da? Lanik egin al duzue? Zer moduz joan dira zuen arratsalde eta gauetako bertso saioak? Zuen neurrikoa izan al da?

Hemen dituzue puntuak erantzuteko, bakoitzak nahi eta hala duen neurrian erantzuteko.

 Guggenheim museoak Bilbon hamar urte pasa ditu, baina ez da hori Euskal Hiria historian zehar antolatzeko arrazoia izan. Hiriak aspaldi hasi ziren aldatzen eta aurrerantzean ere aldatuko dira. Horretan dabiltza gure historiako sailak antolatutako ikastaroko parte hartzaileak.

Euro Hiria ere puri purian dagoen hitza da, nahiz eta askok ez jakin zer den. Mesederako izan daiteke, kalterako izan daitekeen beste. Puntu estrategiko bat omen da eta estrategia guztiek bezala marketing-ak indartzen du.

Eguerdi aldera Eibartik osteratxoa, Eibarrek ere bere hiri historia baduelako. Ezin baitira ahaztu bertan dauden Erdi Aroko aztarnak, ezta industrializazio garaia ere.

Oraindik bihar arteko tartea dute Euskal Hiria historian zehar aztertzeko, baina ostiralean Bernardo Atxaga dator Euskal Hiria ez dagoela inon esatera.

Erne ibili Euskal Hiria ez dagoela inon, Euskal Hiriaren historian sartu daitekeelako UEUren ikastaro honetan.

Irati Iciar udako ikastoroko arduradunarekin berbetan izan gara, eta ikastaroek izan duten harrerarekin pozik, udako ikastaroek 35 urtetan ikasleen artean nolako aldaketa egon den ulertzen lagundu digu: “Orain dela 35 urte, euskaraz ikasteko aukera bakarra hau zen, udako ikastaroetan. Jendea euskaraz zirelako bakarrik etortzen zen, eta Iruñean mila pertsona elkartu ere izan ginen. Jendea ikastaro batetik bestera joaten zen hitzaldirik hitzaldi. Orain berriz, belaunaldi berriek ikastolatik hasi eta unibertsitatera arte euskaraz ikasi dute, eta ez dute lehengoen grina bera euskararekiko. Gai baten matrikulatzen dira, bertan emango dena ikasteko.” Momentuko gizarteari erantzunez moldatu izan dira ikastaroak.

Urterik urte gero eta jende gehiago izaten da ikastaroetan. Baina askok, gura bai, baina ezin izaten dute etorri, uztaila ez delako une egokia izaten eurentzako. Horregatik, etorkizun ez oso urrun baten ikastaroen aldia luzatzea aztertzen ari dira. 

Euskal Hiria historian zehar ikastaroaren baitan Bernardo Atxaga izango dugu hizlari Euskal Hiria ez dago inon hitzaldiarekin.

Ekitaldi hau interesa duen edonorentzat irekia izango da.

• Uztailak 6, ostirala.
• Eibarko UEUren egoitza akademikoa (Markeskoa).
• Ordua: 11:30etatik 13:00etara.

ANIMATU ZAITEZ!