Tximintx elkartearen bloga

Tximintx euskara elkartearen bloga urtebete egingo du martitzenean. Abentura bezala hasi zena, egunak pasa ahala sendotze joan da eta azkenean errealitate bihurtu. Bloga dugu eta gainera oso pozik gaude egindako lanarekin.

Urtebete honetan 80 artikulu igo ditugu blogera (hauxe da 80.a). Trakbakak eta erantzunak ere izan ditugu, baina seguruenik ez gura beste. Hala ere, hasierako erantzunak kriston ilusioa egin zigun (baita harridura ere).

Estatisitikei dagokienez, azaroaren 29tik abenduaren 28 arte batez beste 285 bisita izan ditu gure blogak egunero. Aste barruan nabarmen handiagoa da bisita kopurua eta asteburuetan apaltzen da. Bisita gehien jaso dugun eguna abenduaren 16a izan da: 420 bisita.

Baina ez hori bakarrik. Blogzkatun 40 pertsonek eman dute gure blogaren gaineko iritzia eta batez bestekoa 3,2koa da (5etik). Technoratiren arabera, 11 harpidetza ditu gure blogak.

Web 2.0n ere sartu dugu muturra: wikipedian, flickr-en (63 argazki), tagzanian, bildun, ... Zabaldun ere gure blogeko hiru artikulu zabaldu egin dira. Agian, esparru honetan jorratu ez dugun bide bakarra youtube da. Dena den, asmoa badago horri ere oratzeko.

Urtebete abentura hau hasi zenetik. Pozgarria izan da benetan urtea. Ea datorren urtean artikuu gehiago, bisita gehiago eta, batez ere, erantzun eta trakbak gehiago ditugun. Urte barri on.