Zertzeladak

Batzuk adinean zertxobait aurrera joandakoan gara. Eta seme-alabak ere baditugu. Eta sarritan euskaltegietan ikasleekin izaten ditugun arazoak etxera heldutakoan berriro ditugu. Horietako bat irakarkurtzearena. Garai txarrak hauek liburuarentzat. (Malos tiempos para la poesia).Euskaltegietan ikasleek ez dute irakurtzen. Ez dute irakurri nahi. Guk agintzen dieguna ez dute irakurri nahi izaten, behintzat. Etxean berdin gertatzen zaigu. Seme-alabek gorrotoa diote irakurtzeari.

Orokorrean hitz egiten ari naiz. (Idazten). Batzuei ez zaizue horrelakorik gertatuko zuen ikasle eta seme-alabekin. Zoriontzuok zuek!

Ana Fernández Martínez-ek lan bikaina sareratu du. Interesgarria eta osoa. Ikasleak (araututako ikaskuntzakoak, egia da) irakurtzera eramateko teknikak, estrategiak eta baliabideak eskaintzen dizkigu. Euskaltegietan gabiltzanontzat ez da baliagarria izango bere osotasunean. Baina aurkezten dituen hainbat eta hainbat ideia oso erabilgarriak dira dauden-daudenean edo aldaketatxoren bat eginda.

Zer esanik ez gurasoak garenontzat.

Hala ere izan beti gogoan honako hau: ikasi nahi ez duenari irakasten aritzea landugabeko lurrean ereitea bezalaxe da. (Ez horregatik!) (Lore guztiek dute beren arantzatxoa).

Uste nuen egun hauetan (neguko solstizioko egun hauetan, neguko tenporak duela gutxi izan ditugun egun hauetan, udaberrian erein eta landatu eta udan jasotako uztaz gozatzeko egun hauetan, ...) inork ez zuela sarean ibiltzeko ohiturarik.

Baina ez da horrela. Hortik zehar nenbilela, Zibereskola gunean Migel Agirregabiriak idatzitako artikulu baten aipu baten atzetik joanda blogak ikasleen artean erabiltzeko, beste batzuek nola erabili izan dituzten, ideiak jasotzeko parada izan dut. EDUTEKAn sareratua. rtikulu laburra. Zenbait atal ezagunak eta agian soberan ere egon daitezkeenak batentzat edo gehiagorentzat. Baina, bese atal batzuk interesgarriak. Batez ere egindako edo izandako esperientziei erreferentzi egiten dieten atalak. On egin. Garai hauetako oturuntzak baino hobea da.

Ez naiz hasiko oraingo honetan software askearen aldeko arrazoiak ematen. Entzun edo irakurri nahi dituenarentzat badira sobran dagoeneko emanda. Eta gehiago eman behar badira badira ni baino askoz ere hobeto emango dituzten asko.

Hala ere, ipuinen garai hauetan (zer dira, bada, egun nazkagarri hauek ipuinen garai baino?) Xavier de Blas Foix irakasleak ipuin itxura duen testu luze batean software askearen aldeko aldarrikapena egiten digu.

Zoriontsu izan benetako ipuin hau irakurtzen duzuen bitartean.

Aspaldi izan nuen irakasle F. Muñoz. Eta egia esateko berak murgildu ninduen IKTen mundu eder honetan. Bere bloga hurbiletik segitzen dut, sarritan idazten dituen gauza asko gustatzen ez bazaizkit ere. Larregi aritzen da erretenetik kanpo. Eta batzuetan euskara eta euskaldunon inguruan botatzen dituenak erretenetik oso urruti daudela esatea baino ez zaigu geratzen.

Baina oraingoan eta, eta beste hainbat aldiz gertatu zaidan bezala, berari esker topatu dut honako harribitxia. Harribitxia edo harritzarra, galanta eta luzea baita. Lola Torres Ríos irakasleak idatzitako testu luzea eskaintzen digu. Blogen erabileraz aritzen da, eta izan edo burutu dituen eskarmentuak ezagutarazten dizkigu. Ez dut irakurri osorik. Aurkibidea eta paragrafo solte batzuk baino ez. Laster izango ditugun neguko solstizioko oporretan irakurtzeko modukoa dela uste dut eta horretarako gordeko dut.

Ea zer deritzozuen zuek.

Beatriz Fainholc irakasleak emando hitzaldia. E-learning eta b-learning arteko aldeak azaltzen ditu bai kontzeptu aldetik eta bai metodologia aldetik. Halaber IKTek zer eskaintzen duten aurrez aurreko irakaskuntzari eta zer birtualari edo konbinatuari (mistoari). Pablo Bongiovanni egile den blogari esker ezagutu dut gune hau.

Oso aberatsa Pablok egiten duen iruzkina.

Sartu eta zenbatu etxearen solairuak.

Bitacora de Anibal de la Torre guneari esker Moodle hobeto menperatzeko hiru bideo ezagutu ditut. Benetan  bikainak dira. Gauzak oso modu errazean eta ulergarrian azaltzen dituzte hiru bideook. Batetik Moodle zer den, bestetik nola instalatu eta hirugarrenean alde tenologikoak. Hasi berriak direnentzat benetan egokia. Gero eta atxakia gutxiago dago tresna honi bere ekekinak ateratzen hasteko. Gure eguneroko lanean erabiltzen hasi garenok ikusi dugu dagoeneko zenbat laguntzen duen klaseak antolatzeko orduan.

Xabier Azanza izendatu dute Euskararen Nafar Institutuaren zuzendari.

2002tik Nafarroako Ikastolen Federazioaren lehendakaria izan da. Gaurko markoarekin jokatu behar dela uste du, baina "aurrerapausoak" eman daitezkeela. Gobernuak hiru hilabete behar izan ditu zuzendaria lortzeko.

Informazio gehaigo Berrian eta Garan. Gaztelaniaz gehago topatu dut eta zahatzagoa ere bai: hemen, hemen eta hemen.

Gaur, testu bila sarean, hau topatu dut. Bilaketa ikasleengandik zen, bilatutakoa...

Zubi luzea joan da eta berriro ohikoetara.

Egun hauetan sarean nenbilela berriro egin dut topo Feynmanekin. Rich Feynman. Ecce Homo.

Beti izan dut gustoko pertsona hau. Ezer baino gehiago pertsona. Bere zerzelada guztiekin. Irakaskuntzan lan egien dugunok benetan ezagutu beharko genukeen pertsona da. Fisikako bere lanak eta ideiak ulertzea ez da oso erraza. Are gehiago, ezinezkoa batzuetan. Baina irakasle izan zen neurrian ezinbestekoa iruditzen zait bera ezagutzea.

Princentoneko Ikasketa Aurreratuetan lanpostu eder bat eskaini izan ziotenean uko egin zion lanposturari. Zergatik? Aurrez aurreko klaseak emateko aukerarik izango ez zuelako halako lanpostua onartuta. Zertaiten adierazle.

Bera ezagutzen hasteko biderik onena bere alabak bildutak eskutitzen liburua izan daitekeela uste dut. Udan irakurri nuen eta benetan paregabea iruditu zitzaidan.

Eta eskutitz horien artean Feynmanek bere lehen emazteari, Arline,  idatzi zion eskutitza. Arline hil eta bi urtetara idatzi zion. Eskutitz hori irakurri eta zerbait berezia sentitzen ez baduzu, ... enpin.

Behin horrekin hasi eta gero erabili google. Ez duzue irakurgairik faltako.

Sarean topatua. Bakoitzak jakingo zertan dabilen bere eskuekin.

Una científica inglesa, Kette Follen, descubrió con sus estudios que las personas que no tienen suficiente actividad sexual, leen los posts de los blogs con la mano posada en el ratón…

Zuzenean irakurtzeko, hemen.

"Relax". Izen horrekin datorkigu Rafa Ugalderen azkena. Izenburu egokia datorkigun asteburu luzean irakurtzeko. Lasai eta relaxean. Ez dugu izaten gure hizkuntzan, zuzenean, horrelako gaiaz irakurtzeko aukera askorik eta eskertu egiten da etortzen zaiguna.

Liburuaz izan da gaur bertan "Berria" eta "Gara" egunkarietan aipamenik.

Eta Rafa Ugalde gehiago ezagutu nahi duenak: hau, hau eta hau.

Lehen izarrak ilunak izan ote ziren?

Garai zailetan ez galdu irribarrea. Are gutxiago etsaiaren aurrean.

Murphyren legeak 1.

Murphyren legeak 2

Hona hemen telebista ikusten ez duen horrena, gaztelaniaz azalduta.

No veo la tele. Milagrosamente, eso me permite tener cantidad de tiempo libre para hacer surf, contemplar los secretos del universo y tener contenta a mi novia.

– Garett Lisi, el Físico Surfero
que tiene una Teoría Unificada del Universo

Gaur aldizkari elektroniko berri bat ezagutu dut: "Glosas didacticas"

Ez dira gutxi aldatu urteen joanean gure lana eta lan hori egiteko era. Sarritan euskara irakasleok klasean horixe izaten gara  gutxien: euskara irakasle. Lehenago gara (batzuetan nahita eta besteetan halabeharrez) lagun (batzuena, besteena baino gehiago, tamalez) aholkulari (ez izan eta eman), aitorpen entzule, laguntzaile, tutore, ... aita, ama, ... enpin.

Uste dut, horrek guztiak adierazten duena, zera dela: gure kezka guztien ardatz eta gune ikaslea dela, eta lanean agertzeko arrazoi nagusia. Horrek konpromiso handiago eskatzen digun jarrera hartzera eramaten gaitu.

Hezkuntza (irakaskuntza) ez da mugatzen arlo intelektualera, burulanera. Arlo gehiago daude. Emozioak, txera, harremanak...

Emozioen hezkuntzak rol nagusia betetzen du. Horen harira postan jaso ditudan bi testu eskaintzen dizkizuen hemen. Biak gaztelaniaz daude, baina euskara irakasleok ez dugu arazorik gazleniarekin. Bata "La inteligencia emocional en el aula" eta bestea "Curso-taller de inteligencia emocional" .

Ea atarremendurik ateratzen diezuen.

Asko dira web 2.0 inguruko ikuspegi orokorra izateko sarean topatu ahal diren guneak. Hemengo hau Pere Marqués-ek eskaintzen diguna da. Ematen digun erabilera didaktikoen ikuspegi orokorragoa eta azkarra izateko aukera erakargarria da.

 

Plazaratu (sareratu??) berria da Bits Spiral aldizkariaren 9 alea. Hainbat eta hainbat irakurgai interesgarri eskaintzen dizkigu oraingoan ere. Hala ere batekin geratu naiz: "El foro: mas que un lugar de debate libre". Bere atal batzuk teknika hutsa dira. Agian batzuok ez ditugu behar, beste bide batzuetatik gainditu dugulako gune hori. Baina foroak era egokian eta berrizailean erabiltzeko ideia interesgarrian ematen dizkigu.

Herri honetan gauza asko falta zaizkigu. Soberakinak ere baditugu. Baina barre egiteko gogoa ez da falta bazterretan. Patxitraperori esker honako hau ezagutu dut. Enpin. Bizitza serioegia da serio hartzeko.

Lasai. Ez dut ligatze asuntoarekin egonezinik. Fernando Morillok kaleratu duen liburu berriaz natorkizue oraingoan. Lehenago zertxobait ezagutzen nuen. "Gloria mundi" irakurri nuen eta atsegin egin zitzaidan liburua. Nire gustuetatik hurbil zebilelako, besteak beste. Fisika.

Baina hemen, batez ere, aipatu nahi dudana Fernando Murillok plazaratu duen azken liburua da.

«Seximenduz» edo, azpitituluak argiro esaten duen bezala, «Zer arraio egin behar da hemen ligatzeko?». Hori da Fernando Morillok, batez ere nerabeei begira, plazaratu duen (esku)liburua. «Ars amandi» moduko bat da, fitxak eta guzti, edo nolabaiteko «mapa seximentala». (Gara.

Fernando Morillori buruz gehiago jakin nahi izanez gero: hau, hau, hau, hau eta beste hau.

 

 

Yankilandiatik etortzen zaigun guztia ez da gaiztoa eta txarra. Bestelakorik ere bada. Adibidez JOAN BAEZ. Euskaraz abesten. Eta ni baino hobeto. Beno, ez da zaila.

Anibal de la Torrek bere blogean noizean behin aipu, esaldi, sententzia, aforismo... ederrak eskaintzen dizkigu irakaskuntzan gabiltzanoi.

Euskaltzaindiak eskura jarri du arauak eta erabakiak ordenagailura jaisteko e-AEB zerbitzu berria.

Xabier Amuriza bertsolari ezaguna (Zornotza, 1941) literaturara itzuli da. 'Joan ziren' idazteari ekin dio: zazpi nobelak osatuko duten ziklo mardula. Ziklo horretako aurreneko nobela gaur aurkeztuko du, Bilbon: 'Dinosauroak horizontean', egileak bere kabuz argitaratua. Nobela horretako pasarte bat da honako hau.

Eleka Ingeniaritza Linguistikoa enpresak Elebila sortu du. Interneteko euskarazko bilatzaile berria da. Aurrerantzean bilatzaile berri honi esker, ez dugu arazorik izango nahi dugun informazioa euskaraz topatzeko.

 

Goizeroko ibilalditik etxerantz zetorrela, euriak hasi zuen. Etenik gabe eta oparo. Pausoa bizkortu zuen. Hala ere, tximu eginda iritsi zen etxera.

Tximu eginda? Nondik ote dator espresioa? Zer arraio tximu esan nahi du? Espresio bitxitik kokatuta egin zuen dutxatu, gosaldu eta lanerako prestatu artekoa, ez baitzuen loturarik ikusten tximino baten eta blai-blai eginda egotearen artean. Sarean kontsultatu zituen hiztegiek-eta ez zioten ezer argitu, harik eta ohartu zen arte tximu hitzak esan nahi zuela troxa edo haurren pixa-oihala ere. Eta pixak ez al du ba oihala zopa-zopa eginda uzten, goizeko euri zaparradak bera utzi zuen bezala?

Ez zekien bere burutazioa zuzena zen, eta axola ere, gutxi.

Troxa jartzen zioten garaiko sanotasun beraz irten zen kalera. Euriak goi eta behe segitzen zuen. Ez zeraman aterkirik, baina espaloiaren erdi-erditik hartu zuen, singing in the rain txistukatuz.

 Anjel Lertxundi, Berria 2007/10/31

 

Horixe baita batzuen gurutzea.

 

 

Urteak daramatza Belfasteko irakasle Sean O'Muireagainek Irlandako gaelikoa haur nahiz helduei irakasten, eta haren aldeko ekimen eta proiektuetan parte hartzen, era militantean zein instituzioetan lan eginda.

Gaelikoaren arloko langile O'Muiregainen esanetan, unionistengan gaizki ulertzea dago gaelikoaz; existituko ez balitz bezala jokatzen dutela dio.

Hemen ere ez oso gauza joanak(??) berauek.

Ez nuen inolako asmorik honetaz blogeatzeko. Baina BOGAko ikasleekin mintzagai izan dugu eta batzuek ikusi gabe zuten bideoa. Eta blogean jartzeko eskatu didate. Eta ikasleen eskaerak agindu dira. Hemen duzue.

Ez dira sei hilabete hitz hau, b-learning, lehen aldiz entzun nuela. Berak adierazten duena lehenagotik ezagutzen nuen, baina hitza ez.

Gaur taldetxo bat sortu dugu Donostian gai honen inguruan lan egiteko eta etxera itzuli ostean googlen begiratzen hasi naiz. Sarrera asko ditu. Baina bat aukeratu dut kontuan hartuta nahiko bat datorrela sortu dugun taldean gauzatu behar dugun linearekin: kontzeptua, esperientziak, ...

Espainian beren jaia ospatzen duten bitartean ni honetaz aritu naiz. Irakurri, irakurri eta... irakurri. Hausnarra gero etorriko da.

Ordenagailua piztu. Googlen sartu. Eta Txopoeta idatzi. 463 (inguru) emaitza. Lehenengoa aukeratu. Wikipedia, la enciclopedia libre. Harridura. Beldurra. Harridura, batzuen burutxoak noraino eman dezakeen ikusita. Beldurra, sareak eskaintzen dituen aukerek noraino eraman gaitzaketen ikusita.

Ez du iruzkin edo komentario gehiagorik behar. Uste dut. Enpin.

Ez da dena bukatzen EGArekin. EGA eta gero ere bada zer ikasi. Hori dela eta Leioako Mastitxu Udal Euskaltegiak aurten HABEren Helduen Euskalduntzearen Oinarrizko Kurrikuluaren LAUGARREN MAILAri ekin dio. Ikasleek aukera izango dute halako maila egiteko Leioako Mastitxu Euskaltegian.

Titulazioen arteko parekotasunaz  gero eta zurrumurru gehiago entzuten diren garai hauetan batzuentzat egokia izango da.

Saio taldea izango da eta irekita dago oraindik parte hartu nahi duenarentzat. Batez ere zuzenduta dago honako hauentzat:

  EGA  (edo  baliokideren bat)  dutenentzat, eta horien artean , batez ere

• administrazioko langileentzat
•  ikastetxeetako zein euskaltegietako irakasleentzat
•  unibertsitateko ikasle zein irakasleentzat.

Nahi duenak badaki nora jo: LEIOAKO MASTITXU UDAL EUSKALTEGIira