Oraingoz herri bakarra, eta informazio askorik ez. Hobetuko dute, baina Nafarroako Tracasa-rena oso urrun geratzen zaie. Bidebatez, Deiker-ek, oker ez banago, EAEko toponimia, egungoa eta aspaldikoa, bildu zuen, baina ez omen dago kontsultagai, agian Labayrukoek emango dutena da?

Ez dut uste Gastiz, Labayruk datu-base honetan bilduko duena berak egindako toponimia-lanak izango dira; hau da momentuz Etxebarri, Basauri, Lezama, eta laster, Elorrio.

Apurka-apurka honen moduko kontsulta sistemak zabalduz doaz. Nire ustez egokiena izango zen herrialdeka antolatzea eta leku bakarrean, Nafarroak egin zuen modura. Ezta?

Zuzen zabiltzate. Labayru online jartzen ari den toponimia datutegia eurek egindako ikerketena da. Basaurikoa, nik neuk eta Txus Cabellok bildua, ez dut uste ipiniko dutenik, eurek argitaratze lana baino ez baitzuten egin. Zati bat, a posteriori landua, http://belautepien.org/basauri/ URL-ean topatu dezakezue. Eusko Jaurlaritzak orain dela 20 urte bildutakoa eta orain dela 5 urte atzera bildua Eusko Jaurlaritzaren orrian dago kontsultagai. Bizkaian, Patxi Garaialde oiartzundarrak, Mikel Euba zornoztarrak (goian bego) eta nik neuk burutu genuen orduan bilketa, oso baldintza zailetan, dena esan behar bada. Normalizazio lanak Xabier Santano eta Roberto González de Viñaspreren eskutik joan ziren. Bigarren bilketan herri edo herrialde bakoitzean pertsona edo taldetxo bat aritu zen bilketan, horrela, heterogeneitatea arriskuan jarrita ere, ingurua hobeto ezagutzea bermatzen zelako. Orduko horretan Nerbioi Erdialdeko, Bilbaotik Arakaldora bitarteko herrietan aritu nintzen eta Mikel Eubak Zornotzan. Normalizazio lanak egiten esperientzia handirik gabeko jendea aritu da, denak zuzenean Euskaltzaindiko Onomastika Batzordeko kide egin zituztenak. Bizkaiko Diputazioan funtsean orduan jaso eta normalizaturiko toponimia hori darabil bere kartografian, eta hori ere kontsultagai dago Bizkaia.net web-orrian.

Ohar argigarri bat.
Azken mezuan esaten du Ander jaunak:
"denak zuzenean Euskaltzaindiko Onomastika Batzordeko kide egin zituztenak"
Oker dabil. Orduan batzordekidea zen lan horretan ibili zen Patxi Galé eta iaz batzordekide izendatu da Iratxe Lasa. Gainontzeko guztiak ez dira kideak, nahiz eta araugintzanoso trebeak izan..