Asteazken honetan, igandean ospatuko den "Aiaraldeko Eguna" dela eta euskarari buruzko hitzaldi irekia egongo da Arespalditzako udaletxeko hitzaldi aretoan. Hitzaldiak zati bi izango ditu. Lehenengoan, Felix Mugurutzak eta biok euskarak gure eskualdean izan duen historiaz jardungo dugu (lekukotasun historikoak, bitxikeriak...); bigarren zatian, berriz, asmoa da azken urteotako berreuskalduntze prozesuaz, gaurko egoeraz, ditugun erronkez eta abarrez solasaldi irekibat bideratzea, hara hurbiltzen diren guztiok euren iritziak eta ikuspuntuak plazaratu ditzaten.

(Irudia handiago ikusteko, egin klik gainean)