sendi proiektua
Getxoko familiak euskaraz!2009-06-10
Ttakun ttan ttakun Santa Eugenia plazan
Uktest elkarteak txalapartaren ezagutza zabaldu nahi du eskualdean. Horregatik, egokienak izan ziren Getxoko umeei eta gurasoei txalapartaren ingurukoak erakusteko. Tailerra hasteko txalaparta txikiak egin genituen, horren ostean txalaparta jotzen ikasi genuen hainbat tamainatako txalapartekin.
Ttakun ttakun, ttan ttakun, luze ibili ginen maiatzaren 30eko arrastian, ilundu arte ia-ia. Hurrengo batean gehiago!
Zabaldu
Bildu
Twitter
MariOlasen munduak
MariOlas ipuin kontalari surflaria Algortara etorri zen maiatzaren 30ean. Telletxeko metro plazan lotu ginen gaztetxoak eta helduak bere istorioetan zehar bidaiatzeko. Sorginak, sinesmenak, gaur egun eta lehengo kontuak batu genituen larunbat goizeko akelarrean. Ederto ibili ginen!
Eskerrik asko honetan lagundu zenuten guztioi, baita parte hartzaile guztiei ere!
2009-06-09
Argazkigintza digitala ikastaroa
Josemi irakaslearen eskutik gurasoek eta umeek Gimp programa erabiltzen ikasi zuten, argazki makina digitalekin egindako lanak aldatu, hobetu eta "tuneatzeko". San Nikolas ikastlako informatika gelan eta bi egunetan zehar teoria eta praktika uztartu zuten eta baita komiki bat egin ere.
Gimp programa software askea da eta denon eskura dago, baita euskarazko eskuliburua ere:
Gimp programa jaisteko lekua: http://www.gimp.org/
Eskuliburua
Eskerrik asko Josemi, San Nikolas ikastolako Josu eta lankide guztiak, Jabi Aranguena, KZguneko lagunak eta, nola ez, uda honetan zehar argazkiak egiten eta hobetzen ibiliko zareten guztiok.
Denok dantzan Tellagorri enparantzan
Bertsolarien modura geu ere plazaz plaza ibili gara. Gure bigarren plaza Algortan izan da, Tellagorrin. Maiatzaren 23an, eta Itxas-Argia dantza taldeko Maider eta Nahia irakasleen eskutik umeak eta gurasoak ibili ziren euskal dantzarik ezagunenak ikasten eta praktikatzen.
Eskerrik asko irakasleei, Itxas-Argiako laguneei, Uxueri, musika ekipoa utzi ziguten ALBEkoei eta Joxiri. Dantzari finei ere, nola ez, eskerrik asko parte hartzeagatik. Orain udako jaiak datoz eta izango duzue non praktikatu.
2009-05-20
Bizkaiko Xirula-Mirularen lehen plaza: Areeta
Erronka zen guretzat horrelako jarduera bat kalean egitea, ikastetxeetatik kanpo eta eguraldiaren mende. Eta polito geratu zen, bai horixe! Crisek, Iratxek eta Bizkaiko Xirula-Mirulako lagunek ordubetez berotu eta girotu zuten Eskoletako plaza. Haiekin batera 30-35 ume eta guraso dantzan, abesten, jolasten eta kirolean, eta beste horrenbeste begira egon ziren.
Eskerrik beroenak Bizkaiko Xirula-Mirulako lagunei, Areetako udal ludotekako langileei, Romo ikastetxeko Juliari, euskara zerbitzuko Joxiri, Zabala ikastetxeko guraso elkarteko lagunei eta nola ez, animatu zineten dantzari, kantari eta kirolari fin guztiei. Hurrengora arte!
:: Hurrengo orrialdea >> Azken erantzunak
sendi proiektua
Gure helburua da Getxoko 2 eta 12 urte arteko umeek, euren gurasoek eta familiakoek euskarara hurbiltzea, ikastea eta erabiltzea, ez dakitenek jakiteko eta dakitenek erabiltzeko. Proiektu hau Getxoko Udala eta Egizu Euskara Elkartearen arteko elkarlana da. Gurasoen konpromisoa, ikastetxeetako guraso elkarte eta zuzendaritzen konplizitatea ere ezinbestekoa dugu. GURE ELKARTEAREN HELBIDEA + TELEFONOA Karitatea 1, sotoa 10. bulegoa Getxo 685 732 963 | sendigetxo@yahoo.com 619 935 541 | egizugetxo@yahoo.com Nuestro objetivo es que los niños y niñas de Getxo de entre 2 y 12 años, sus padres, madres y familiares se acerquen al euskera, lo aprendan y lo practiquen; para que los que aún no saben euskera lo aprendan y los que ya lo saben lo hablen. SENDI es fruto del trabajo conjunto entre el Ayuntamiento de Getxo y la asociación en favor del euskera Egizu. Este proyecto lo llevamos a cabo gracias también al compromiso y trabajo de los padres y madres, AMPAs y centros escolares de Getxo.
| Ast | Ast | Ast | Ost | Ost | Lar | Iga |
|---|---|---|---|---|---|---|
| << < | > >> | |||||
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
Bilaketa
Atalak
Artxiboak
- Ekaina 2009 (4)
- Maiatza 2009 (3)
- Apirila 2009 (2)
- Martxoa 2009 (3)
- Otsaila 2009 (1)
- Urtarrila 2009 (7)
- Abendua 2008 (4)
- Azaroa 2008 (3)
- Urria 2008 (5)
- Ekaina 2008 (1)
- Maiatza 2008 (1)
- Martxoa 2008 (1)
- gehiago...
Blog hau sindikatu 
- RSS 0.92: Mezuak, Erantzunak
- RSS 1.0: Mezuak, Erantzunak
- RSS 2.0: Mezuak, Erantzunak
- Atom: Mezuak, Erantzunak
Ikastaroak, garapena, zerbitzu informatikoak, blogak
powered by
Original template design by François PLANQUE.
