semerimendi blog

Udaberrian bizipoza edonon ageri. Argitasuna, koloreak,…, odola bor-bor.

Gure herrian, berriz; udaberria, uda, udazkena zein negua, denak berdin. Zurrumurruren bat kenduta,sekulan ez da ezer gertatzen. Gura bai, baina ezin.

Horregatik, derrigorrean edo, gauza txikiei, gertakizun txikiei duten garrantzia ematen ikasi behar izan dugu.

Larunbat arrunt batean, beteranoen pilota partida batzuen ostean, herriko plazan lau katu, eta taberna bakarrean beste horrenbeste. Eta bat-batean, dultzaina eta atabala atera eta, hara non jartzen gaituzten Iñakik eta Andonik tabernako lau katuok “Adelita” eta “Batasuna” kantuan.

Gauza handiei eta garrantzitsuei, egunkarietan eta telebistetan agertzen diren gertakizunei balioa ematera behartu nahi gaituen gizarte moderno honetan, ezer gertatzen ez den gure herrian, musika eta alaitasuna debalde eskaintzen digutenentzat “txapo” blog xume honetatik