Euskaldunen sarea

ETBk Hego Euskal Herrirako ENG zerbitzuen kontrataziorako deialdi publikoa egin
berri du, eta urtea amaitu baino lehen esleituko du, «eskaintzarik onena» egiten dionari seguruenik. ENGak telebistetako albistegiak besteak beste ekoizteko ezinbesteko taldeak dira, irudia eta soinua kalitatez hartzeaz arduratzen den taldea baita, kamerari eta laguntzaile banak osatzen dutelarik.

[Gehiago:]

Pedagogia Laboral

Iruñea

Gasteiz

Talde hauen lan karga azken urteetan aldatu ez bada ere, talde murriz-keta egongo dela aurre-ikusten da, Nafarroa eta Arabako herrialdeetarako lan txanda erdiko taldeak dezente sustatuko baitira, egun osoko lan txanden kaltean hain zuzen ere, «baliabideak optimizatze-ko» argudio prekarizatzai-lea erabilita. Hau da, jendea kalera bota, eta gero gerokoak. ETBk kontratatutakoak baino talde gehiago beharko dituenean (beharko ditu eta) azpikontratek azpi-azpikontratatu beharko dute, orduka zein langile autonomoak hartuta. Kontutan eduki behar da ere lan hauek ETBk berak neurri minimoan bada ere egin egiten dituela, EAEko hiriburu

bakoitzean talde propio bana baitu. Eta baliabideak optimizatzeko erabiltzen diren azpikontraten lan baldintzei begiratzen badiegu, zerarekin aurkitzen gara: Soldata gordinak alderatzen baditugu, aldea erdia baino handiagoa da. ETBko soldatak 1.751 eta 2.002 eurokoak badira, laguntzailearena eta kamerariarena hurrenez hurren, kontratako langileek 715 eta 1.024 euro «irabazten» dute. Eta hori praktiketako kontratuak erabiltzen ez direnean (%70), edo are gehiago, bekadunak (%0). Hilabete amaierara iritsi ahal izateko kobratzen den disponibilitatea soldata gordinaren %25ekoa da kontrataren kasuan. ETBko langileek paira dezaketen ordutegi aldaketa irteera orduarena da, eta «optimizatuena» erabatekoa, egun osoa sakelako telefonoari helduta. EITBko Zuzendaritzak azpikontratazioa «epifenomeno» bezala definitu zuen parlamentuko batzordean, eta argi denez egoera konpontzera jo beharrean okertzeko bidea hartu du