salbatzaile blog

LUZAIDEKO INAUTERIA ( LUZAIDE- BEHENAFARROA)

Inauteri hau azaltzerakoan, lehengo ta behin, Luzaide izeneko herrira begiratu beharra dago, Iruñetik Donibane Garazirako bidean, azken honetatik 11 kilometrotara. Luzaide aministratiboki Nafarroa den arren, bizimodua baxenafartarra dute.

Inauteriaren egitura aurkezten duen Garaiko militar kutsukoa da, norbanakoak antzezpenaren osotasunean ordenatuki nahasten direlarik.

“Zapurrak” (Zapadoreen antzekoak, ispiludun kapela luzeak, manidilak eta aizkorak dira beren janzkeraren ezaugarriak), “Zigantiak” (Erraldoiak dira. Irudi ilegorri eta ahuskorrak), “Makilari”(Atabal Nagusiaren oroigarri gisakoa, bere makilaz lagundurik biribilketa eta jauriketa ikusgarriak egiten dituena) , “Banderari”, “Gorriak” (Musikariak kontratatu eta odaintzen dituztenak dira. Espata eta dirua jasotzeko poltza bana eramaten dute.) eta abar pertsonai direlarik eratzen da konpartsa, eta baita “Bolantak” ere, hauen lan nagusia dantza egitea delarik. Aipagarria deritzogu konpartsa honen ikusgarritasunari, bolanten jantzien koloretasuna oso bitxia baita, gorputz osoan zintek batera eta bestera darizkiela. Pertsonai bakoitzak bere lana bete behar du eta dantza bezala aipatu behar dira jauziak edo plaza inguru dantzak eta kontraiantzak.

Hau da gure inauteriaren kartela,zer deritzozue?.Ba dakizue Funikularreko plazan(Bilbon) asteburu honetan,etor zaitezte.