Praxene blog

Interneteko bilatzaile ezagun honen izena gogol hitzean du bere jatorria. Eta matematiketan 1 zenbakia  eta segidan 100 zeroez osatua dagoen zenbakiari deitzen zaio horrela. Hots, 1 (0à 100 aldiz).

Google konpainiaren helburua interneten eskuragarri dagoen informazio ahalik eta gehiena antolatzea baita, besteak beste. Eta hortik gogol izeneko zenbakiarekiko lotura.

Guk geuk ere jakingo bagenu noraino iristen diren gure kantuak, harriturik geldituko ginateke. Horren adibide bat ikusi nahi baduzu, egin ezazu klik izenburuan eta Youtubeko bideo batetaraino iritsiko zara. Bideo horretan, Estoniako 21 urteko mutil bat ikusiko duzu Bizkaia Maite-ren play back-a egiten. Bestalde, aipatutako bideoaren azpian agertzen diren komentario batzuk ere interesgarriak dira, batzuetan ezjakintasuna zenbaterainokoa den neurtzeko ere balio izaten baitute...edo alderantziz.

Hitzak: J. A. Irigarai

Musika: B. Lertxundi

Ahotsa: B. Lertxundi

Bizkaia maite
atzo goizean ikusi zindudan
soineko xuriz jantzia
buruan orlegi, bihotzean sua
nere gogoaren ertzatik pasatzen.
Zure usain gozoa, lana,
amodioa, itsasoa,
nere baitan sartzen.
Atzo goizean entzun nuen
zure berbaren oihartzuna,
zure kantaren fereka,
bihotzean kilika
eta ohiartzunaren haunditasunean
murgilduz joan nintzen
jausika, hegaka.
Bart arratsean
arbasoen baratzaren ondoan
bertsotan eta dantzan
lotu zinen alai piper eta gatza
sabel emankorra.
Bizkaia maite
atzo goizean ikusi zindudan
soineko xuriz jantzia
buruan orlegi, bihotzean sua.
Olerkari
penatuaren gozo eta mina
amodio eta kanta
zure berba leun,
zure gatzaren bizia,
zure burdinaren goria dira gaur
neretzat aterbe.
Bizkaia maite
atzo goizean ikusi zindudan
soineko xuriz jantzia
buruan orlegi, bihotzean sua,
lirain, sendo, eder.

Bai, izenburuak dion bezala, argazki blog bat sortu dut eta oraingoz Arabatakadan atera nituen kontzertuko argazkiak igotzen ari naiz, bai Berri Txarrak eta baita Betagarrirenak.

Blog hori aukeratu dut euskarazko zerbitzua eskeintzen duelako. Gainera, auskalo zergatik blogarin argazkiak ordenagailutik zuzenean ezin ditut igo, ezpada interneten zintzilikaturik daudela.

 Ez didate "komisiorik" ordaindu baina nirudia izena du aipatutako blogak. Hala eta guztiz ere, blog horren lotura bat ipini dut hemengo honetan eta eskuman ikusi daitezke igotzen ditudan azken bost argazkiak.

Adio!

 __________                  ________________                   ________________                   ____________

Tetktonik, Tecktonik, Tecktonic, Tecktonik killer (hitz osoa), Milky way…nahi duzuen bezala idatzi, baina hitz honen laburdura bakarra da, hots, TCK. Dantza “berri” hau frantsesek erregistratu zuten 2000. urtean Pariseko Metropolis dantzatokian ospatzen ziren festa arrakastatsuen ondorioz. Berau, dance, hip-hop bezalako dantzetatik jasotako ezohiko mugimenduez dago osatua eta elektro, techno eta hardstyle musikez lagunduak egiten dira.

Askok diotenez, Frantziako fenomeno sozial berri bat bihurtu da, klase erdi-altuko gazteek kaleetan praktikatzen baitute arratsaldetik gaueraino eta azkar zabaltzen ari omen da mundu osoan zehar.

Tektonik,  youtube dailymotion, megavideo, orrialdeei esker egiten ari da ezagun besteak beste. Edonork bere burua bideokameraz grabatu eta bertan zintzilikatzen baititu bideoak. Irailaren 15ean ospatu zen "2007 Paris Techno Parade" festak ere asko lagundu zuen mundu osoan dantza hau zabaltzen.

Bestalde, esan behar dugu, Tektonik killer (honela ere deitzen zaio dantzariari) baten janzkera berezia dela:

Batetik, jaka estu eta tubozko galtza bakero (=vaqueros de tubo) are estuagoak darabiltzate eta batzuetan, txanodun elastikoak ere bai. Mutilen ileari dagokionez, nahiko orrazkera futuristak daramatzate, maiz ilea altxatua dutelarik oiloen gandorraren antzera. Gainerako buru zatian, Tektoniken ikurra den arranoa edo TCK ikurrak mozten dituzte. Beste batzuetan, izar bat marrazten dute begiaren inguruan.

Beraz, esan dezakegu, Tektoniken estiloa Cyberpunk delakoan oinarritzen dela.

Alkandorei dagokienez, kolore argikoak erabiltzen dituzte (kolore arrosa, txuria…fosforito kolorea oro har, baina beltza ere bai). Moda hau berriz, Londreseko New Rave fashion scene-netik dator.

Hemen azpiko esteka hauek, Youtuben arrakasta gehien duten bideoetarat bideratuko zaituztete.

Horra hor aurtengo Arabatakadaren kartela. Esan beharreko guztia irudi horretan agertzen da baina informazio gehiago gura baduzu, deitu 945 014 035 edo 945 014 065. (Antolatzailea Gasteizko Campuseko Ikasle Kontseilua da).

Ondo ondo pasa baina ez gehiegi pasa(tu)!!!!

Ondorengo olerkia nire neba den Ander Muxikak idatzi zuen orain dela gutxi  (data zehatzaz ez naiz gogoratzen) baina garrantzitsuena bederatzi urterekin sortu zuela da. Orain hamar egin berriak ditu. Olerki hau igotzea pentsatu dut grazia egin zidalako lehenengoz irakurri nuenean. Bakarrik gogoratu, akatsak badaude inongo aldaketarik egin ez dudalako dela. Politagoa da olerkia berak sortu eta idatzi zuen bezala erakustea hemen.

                                       *******

                                          ***

                                            *

                             HODEIA BANINTZ

Hodei banintz, negar egingo nuke.

Negar egingo banu, txuria izango nintzateke.

Urarekin arrainak hartutako banitu, bota egingo nituzke.

Hodei neska bazina, muxu emango nizuke.

Zerutikan lore ederrak ikusten ditut, bestetan zaborra.

Laser izpi batzuekin ez baduzue hil nahi, basurera bota zaborra.

Zeruan egoten naiz denei begiratzen,

Zuri batez ere.

Zeruan daudenekin jolasten, ondo pasatzen det barrenen.

Jesusekin jolasten, jesusekin kafea edaten.

*******

*

Herri Urrats, Senperen

ikastolen besta dugula hemen

Herri Urrats, Senperen

urrats bat gehiago dugu emanen...

 Honela hasten da 2008ko Herri Urratseko abesti ofizala. Berehala ikasten da eta hagitz polita da, beraz, 2008ko maiatzaren 11n (igandea) beste ezer ez dugu entzungo. Aurtengo lema: mende laurdena, bide erdia... izenekoa da. Izan ere, antolatzaileek gogora ekarri nahi izan dute jende askok besta hau ospatu zen lehen urtean uste izan zuena, hots, ez zuela bigarren urterik iraungo ohitura honek. Horra ba erakusgarria, euskaldunok zeozer ondo egiten badugu hartutako ohiturei eustea da. Edo ez?

Bestalde, interesgarria iruditu zait http://www.herriurrats.com/ webgunean agertzen den informazioa, igandean Senperera nola iritsi azaltzen duena alegia. Nik neuk ez idaztean alper xamarra naiz, badakit. Baina emandako informazioari fidelagoa ezin izan, jeje. Zuek orrialde horretara bidalita hobeto. Gainera asko gustatu zait nola idatzi duten. Irakurri...

Horra ba, ikusi ezazue izenburuan klik eginda.

                                                Izan huntsa!

Ba bai. Izenburuak dion bezala, Euskal Filologiako ikasleoi gure argazkiak igotzeko gune bat irekitzea otu zitzaigun. Esan gabe doa, gune hori Gernikar batek sortu zuela.

Fotologera Euskal Filologiako (1.mailako) edonor sar daiteke argazkiak igotzera. Beraz, denok euskalfilo1 bezala sinatzen ditugu mezuak, baina ondoren gure ezizena edo izena jartzen dugu mezu amaieran.

Darabilgun hizkuntza euskara da noski, baina ez dugu Euskara batua erabiltzen. Hori eskola aurkezpenetarako uzten dugu . Hortaz, bisitariek utzitako mezu edo sinaduretan denetariko hizkerak irakur daitezke.

Besterik gabe, nik igo dudan lehen argazkia behi baten muturrarena izan da baina ezin izan dut blog honetara igo.

                             Ondo izan!

Alain Otaegi Tolosarra ez dute azkenean Fama schoolean hartu.

Pena da baina Cuatro kateko Fama School programan ez dute aukeratu hamasei urteko dantzari euskalduna. Esan behar da, oso ondo dantzatu duen arren bere lehiakideak  ere onak zirela. Hala ere, epaileak kontraesanean erori dira. Nola esan dezake epaile batek teknikoki oso ondo dantzatu duela eta beste batek teknika falta zuela? profesionalak balira, jakin beharko lukete zer den teknika eta zer ez.

 Lasai Alain... Balio duzu eta akademietan prestatzen jarraitu behar duzu. Horrela, biharko egunean dantzari internazionala izatera irits zaitezke. Orain jarraitu ikasketekin, ikasketak hor geldituko baitira eta programa horrek ez du luze iraungo.

Ez ahaztu: Berritasunak, jendea erakartzen duen bezain airoso nazkatzen du. Nik jada  aldatu dut kataiaz. (etb1-ean dokumental bat dago, ea zer ikasten dudan)

Hitzak: Etxahun Iruri

Musika: Etxahun Iruri

Interpretazioa: Etxahun Iruri

Doinua: Re-La-Sol