otsaida blog

Opor-ataria... asmo berri-berriak... zergatik ez Olentzero berriro?
Nik bada ezpada, bi proposamen musikaz, irakurketaz eta familiaz gozatzeko.

Mozart adin guztientzat: umeen aitzakitan zenbat jolasten garen helduok! Hona hemen Ttarttalo argitaletxeak eskaintzen digun (bere ohitura den bezala) edizio eder hau CD eta guzti. Bilduma aldarrikatzen dute eta espero dezagun jarraitasun oparoa izatea. Esan beharrik ez, lehenengo liburuki hau Mozart-i eskainia izateak duen erakargarritasuna! Aspaldi esana dago Mozart bera adimen pribilegiatu baten jabe izateaz gain, bere musikak garapen intelektualean duen eragina eta garrantzia.



Musika, maixu! Bigarren proposamena olerki liburutxo hau da: instrumentuak eta beren izakera ezagutzeko egina. Hemen letraz azaltzen bada ere, atzean cantata ere badu, Bartzelonan estreinatua "Concert Desconcertant" izenburupean.
Itzulpena Juan Kruz Igerabiderena... orkestrako kideak modu jolasti eta zorabiagarrian ezagutzeko aukera paregabea. Elkar argitaletxea. Azalean dioenez, 10 urtetik aurrerako irakurleentzat... Oso aurrerakoak ere bai gehituko nuke nik.