Mizpira

Mezua: Gaztainak

2007-11-17

22:11:10, Atalak: Txikikeriak

Gaztainak

Oso igande gutxi pasa izan ditut Bilbon. Aurreko astekoa izan zen bat. Eta arratsaldea pasatzeko (ez dut ajerik aipatu), bazkal ondoren paseo luzetxo bat ematera irten nintzen helmuga bakarra afaltzeko pisura bueltatzea izanez.

Inoiz zapaldu gabeko auzoetan zehar ibili nintzen eta geratzen zaizkit oraindik txoko asko ikusteko, Begoñara igotzeko asmoa adibidez, bertan behera utzi bainuen banku batean zerbait irakurtzera eseri eta altxatzerako eguzkia ezkutatzen eta nire hatzak eta sudur punta hozten hasi zirela konturatu nintzenean.

Pisukide ilegorriaren koloreak ditu udazkenak. Etorri berritan hemengo tenperaturei buruz galdetzen zidan, eta nik lasai egoteko esaten nion, 3 graduren azpitik oso gutxitan jaisten dela termometroetako merkurioa. Atzo eta gaurko hotzen ondoren, pisuko leihoen hermetikotasun eta estufen funtzionamentu bikainaz batera, ni neu madarikatzen ariko da gajoa.

Gaztaina erre batzuk egiteko labea edukiko bagenu sikiera... Mikroondasak ez du balio, ezta?

Zabaldu•

Bildu•

Twitter• Permalink-a • 6 erantzun

Erantzunak, Pingback-ak:

Bidaltzailea: patxitrapero [Kidea]

Zauri txiki bat egin gaztainei, eta minutu t'erdi-bi minutu. Egosita bezela geratzen dira, ez dute erretakoen zapore bera, baina tira, estufen funtzionamentu exkaxaz pixkabatean ahazteko igual balio dute ;-)

2007-11-17 @ 23:54

Bidaltzailea: etxekalte [Kidea]

Kalean ere aurki ditzakezu gaztain erreak saltzen dituzten postutxuak.

Funikularrean igo zara dagoeneko?

2007-11-18 @ 15:05

Bidaltzailea: mizpira [Kidea] · http://www.blogari.net/mizpira

Eta jangarria da hori, Patxi? Probatuko dut ba!

Etxe, Igeldoko funikularra da probatu dudan bakarra. Ea noiz hartzen dudan beste igande arratsalde bat horretarako!

2007-11-18 @ 19:14

Bidaltzailea: iker [Bisitaria] · http://blog.ikertxi.com

Sartaginean ere egin ditzakezu, hori bai, esan dizuten bezala zauritxo bat egin lehenago gaztainei.