Mizpira

Mezua: Lo lasai egitea zer den

2007-08-07

17:42:49, Atalak: Txikikeriak

Lo lasai egitea zer den

Ez dakit nola arraio funtzionatzen duten entxufatzen diren tramankulu eltxo-hiltzaile hoiek, zerk eragiten duen hurrengo goizean hegodun animaliatxo xixtrin horiek denak hankaz gora agertzea. Baina ez zait axola. Helburua primeran betetzen dute. Eta argi laranjaxka goxo-goxo bat du atzo jarri nuenak gainera...

Primeran lo eginda esnatu naiz gaur, azken egunetan ez bezala, goizeko 5ak aldera belarri alboan zuen brrzzzzzzzzzz nazkagarririk jasan beharrik izan gabe. Maindireekin oinetatik begietaraino tapatu beharrik ez dut izan eta hain arrakasta gutxiko autozaplastekoak iraganeko kontu dira orain. Hazkurarik ez besoetan. Ez dut penarik sentitu aspiragailuaren tronpatik barrena bidali zaituztedanean. Ez zenuten besterik merezi nire habitat naturalean muturra sartzeagatik.

Zabaldu•

Bildu•

Twitter• Permalink-a • 5 erantzun

Erantzunak, Pingback-ak:

Bidaltzailea: etxekalte [Kidea]

Beraz intsektuekiko simbiosia ez duzu atsegin nonbait. Niri hala ere arriskutsuagoak iruditzen zaizkit bi hanketako zomorroak, gainera batzutan euren ziztadak mingarriagoak ere izan litezke.

Hasi al gara ikasten Mizpi?

2007-08-07 @ 23:11

Bidaltzailea: mizpira [Kidea] · http://www.blogari.net/mizpira

Sinbiosiarekin ez dut arazorik, baina parasitismora iristen ari zen gauza. Bi hanketakoekin ere hori zaindu behar da.
Azken esaldia ez zait batere gustatu, Etxe... saiatzen naiz baina ezin dut!

2007-08-08 @ 17:23

Bidaltzailea: etxekalte [Kidea]

Niri izugarri kostatzen ari zait hastea, badakit hasi ondoren azkar ohituko naizela baina... Apatiak eta nagikeriak jota nago, ea laster esnatzen naizen. Animo!

2007-08-08 @ 18:05

Bidaltzailea: julen [Kidea]

nik ere azkenaldian ez bezala egin dut lo azken bi gauetan...jaiak bukatu diren seinale!. ta zorionez euliekin gauetan eztut arazorik, baina egunez bai, zerbait idazten hasi ta ala"brrrrruuuu" inguruan. eskerrak lehioa ireki ta joaten diren!

ongi segi ta ongi lo egin!!!

2007-08-09 @ 18:52

Bidaltzailea: Nahikari [Bisitaria] · http://www.goiena.net/blogak/begietatik

Egun hauetan hain nekatuta iritsi naiz, tramankulua ez dudala entxufatu. Jaien ondorioak... Hori bai, ziztadaz beteta itxartu naiz. Mmmm odol gozoa daukadanaren seinale!