Mizpira

Mezua: Lible

2007-06-13

23:19:33, Atalak: Bitxikeriak

Lible

Bilbon zehar oinez ibiltzea gustatzen zait eguraldiak laguntzen duenean. Oso orijinala ez naiz izaten ibilbideak planteatzerakoan eta beti leku berberetatik pasatzen amaitzen dut, baina hori gutxienekoa da.

Askotan ikusi ditut dagoeneko Gran Via-ko zenbaki-eskultura horiek, oraindik oso ondo zertara datozen ohartu ez naizen arren. Esanahia nonbaiten begiratu beharko dut zuetako inork ilustratzen ez banau, nire arte jakituria eta inspirazioak ez baitute hainbesterako ematen.

Askotan pasa naiz dagoeneko oinez bizikletentzako bide gorrietatik, izan ere gehienetan lurreko markak (metalezko txapa borobil batzuk bizikleta baten ikurrarekin) ez dira erraz ikusten.

Eta askotan entzun izan dut txinatarrek R hizkiaren ordez L esaten dutela. Baina gaur nire begiez ikusi dut! Lokal bat egokitzen ari ziren eta kartel bat zegoen jarrita: "Próxima apertura Restaurante Chino, Buffet lible". Ba etxerako bidean irribarrea aurpegitik kendu ezinik etorri naiz.

Zabaldu•

Bildu•

Twitter• Permalink-a • 3 erantzun

Erantzunak, Pingback-ak:

Bidaltzailea: etxekalte [Kidea]

Kaixo ikasle sutsu hori! Nonbait Robert Indiana pop-art artistaren eskulturek zure arreta erakarri dute. Estatubaturraren asmoa Bilbo amodio eta zenbakien hiri bihurtzea da. Guztien kokapena hemen:
http://www.bilbao.net/castella/cultura_euskera/agenda/abril2007/recorrido_expositivo.pdf

Ematen du zure ibilbideak Euskalduna jauregi zatar horretatik La Najaraino eramaten zaituela metalezko txapatxoak segika Oz-en bezala (ziur asko bide horretan txorimalo franko topatuko duzu). Kasildako parkea ere gogoko duzula jakinda, argazkiaren atzekaldean dagoen izotz-txosnan edo nahiko hurbil dagoen beste dotore eta handi horretan noizbaiten gelati bat gustora jango nukeela jakinarazten dizut ;-)