Mendian gora...

2008-10-05

19:45:34, Atalak: mendiangora

Erdoizta-Indo-Ernio

Urriak 5 (igandea)

Kotxea Erdoiztako bidegurutzean utzi eta bertan hasten den pista hartu eta abiatu gara.Aizarnan gora gentozela Gipuzkoa izkutua edo ezezagunena ikusten ari ginala komentatu dugu.Bake bakean utz dezatela urte askoan behintzat aurrekoak utzitako ondarea ez baita edozelakoa. Gero tamalez eta ibilbidean zehar salagarri diren gauza anitz ikusi izan ditugu: ehiztari puestoak,motorzaleak,kotxeak edonondik lotsarik gabe,paretak botata eta ez edozelako paretak ardiak bere esparruetan gordetzeko balio zutenak. Kultur ondarea,gorde beharrekoa,lurrean botata edo ehiza parapetoak egiteko balaiturik.

Salagarria ere Zelatunen eta Iturburuko lepoan ikusten diren kotxe andanak,erabiltzen duten pista hori artzaientzat omen zen soilik.

Ibilbidea: Erdoiztako bidegurutzea-Txondegi-Indo-Indo txiki-Korosti haundi-Zelatun-Ernio.

GPS a erabiltzen dutenentzat,hona hemen zenbait koordenada:

Hasiera 30T X= 565298 Y=4783845

Indo 30 T x=566633 y= 4782651

Korosti haundi 30T x=566964 y=4789090

Zelatun 30T x=568383 y=4780816

Ernio 30T x=568961 y=4780290

Zabaldu•

Bildu•

Twitter• Permalink-a • Erantzun

2008-10-04

15:27:06, Atalak: mendiangora, Orixol

Orixol

Aurreko igandean,irailak 28an,Orixol mendira joan ginen.Gogokoa dut aspalditik,lilura sortzen duen hoietariko mendia baita.Bertan dauden pagadiak,harkaitzak,orriz estalduriko bideak,den dena sorabiorako bidean uzten zaituena.Ingurune natural naturalena dela esan genezake bildurrik gabe.Nere gomendioa udaberri edo udazkena hasieran joatea, hori bai uso-pasea hasitakoan ez hurbildu bertara ehiztariak zerbait beherago daude eta tiru hotsa izugarria izaten da.

Kruzeta gainetik Oleta aldera dihoan bidea hartu eta kilometro eskas batera dagoen San Cristobal elizatxoa parean kotxea utzi eta 100 m.errepidetik ibilita kartel bat aurkituko dugu Orixoleko bidea erakusten.Bertatik pista aladapatsu bat hartu eta ....

Hemendik aurrera zure mendizale sena erabili eta paisaia dastatu eta gozatu.

Nola heldu? Arrasatetik Aramaioko Ibarra eta hemendik Krutzeta gainera heldu.Araba aldetik bazatozte Albinako urtegia igaro eta Krutzeta gaina,hemendik Oletako bidea hartu eta San Cristobal elizatxoan kotxea aparkatu.

Zabaldu•

Bildu•

Twitter• Permalink-a • Erantzun

2008-08-07

14:17:54, Atalak: mendiangora

Astigarribiako San Andres eliza

Mutrikuko Astigarribia auzoko San Andres Elizak 900 urte betetzen dituen urte honetan, Mutrikuko turismo bulego eta Burumendi mendi elkartearen eskutik, abuztuaren 6an, mendi irteera bat antolatu zen, garai batean hain garrantzitsua izan zen auzoa eta bertako eliza bisitatzeko asmoz.

Ibilbideaz Pedro Basterretxea arduratu zen. Hauxe izan zen nondik norakoa: Mutriku-Bidekua-Kostola-Apain-Astigarribia-Erdikua-
Gaztañeta-Laranga-Pikua-San Juan-Mutriku.

Astigarribia auzoko eta, bereziki, San Andres elizaren informazioa Ainhoa Bernabé Aranberri turismo gidariak eman zigun. Hona hemen Ainhoak azaldutako eta turismo bulegoko liburuxketatik ataratako argibidetxo batzuek:
"... Astigarribia auzoa San Andres elizaren inguruan kokaturiko zenbait baserrik eta dorretxek osatzen dute: Torre, Etxezabal, Jauregi, Astillero, Bekoetxe, Betetxeberri, Betetxezahar.
Auzo hau Iparraldeko Donejakue bidearen puntu garrantzitsuenetariko bat da eta, garai batetan, Europa guztitik zetozen erromesen geldiunea izan zen.
Eliza hau 1081. urtean aipatzen da lehenengoz idatzietan. Eliza bikoitza da, hau da, teilatu bakar batek bi eliza hartzen baititu bere baitan, bata bestearen barruan. Barnekaldean, aldarearen atzean, ferra-arkudun leiho eder bat dugu. Tenpluaren barruan giza ehorzketak, txanponak eta bestelako erdi aroko zenbait objektu aurkitu dira. ..."

Ibilbidean zehar Abeletxe eta Torreko karobiak ere ikusi genituen.

Hona hemen argazki batzuek: