Datorren larunbatean ekainaren 2an Hernaniko Kontrakantxa gaztetxean Musika Elektronika jaialadia antolatu dugu gaueko 22:00etatik goizeko 06:00ak arte. Disko jartzaileak hurrengoak izango dira, Hernanitik Dxpe-Bifull eta Alivio, Donostiatik Fi, Legazpitik Lalas eta Zizurkiletik Eneko Independent.

Gau dibertigarria pasa nahi duenak badaki zer eta non egin!!!

         

Kaixo Kontrakantxako lagunak!

Dagoeneko 6 hilabete pasa dira Kontrakantxa Hernaniko gaztetxea sortu genuenetik, hori dela eta bihar maiatzaren 25 ostirala Dezibelioen Matxinada III. musika jaialdia antolatu du Hernaniko Gazte Asanbladak. Bertaratzeko gonbitea luzatzen diogu mundu guztiari. Egitaraua Hernaniko musika taldeekin antolatu dugu.

Arratsaldeko 20:00etatik aurrera Kontrakantxa gaztetxean (Hernaniko kiroldegiko frontoiaren ezker alboan): Ania (bakarlaria), Nazka (punka), Impio (metala), Barmy People (punka) eta The Zepo (Rocka).

2007 DEZIBELIOEN MATXINADA III

                   

              

Aupa jende zutik!

Bihar (larunbata maiatzak 5) Kontrakantxa gaztetxean ospatuko dugun bertso bazkarirako sarrerak gaur izango dituzue salgai azken egunez 8 euroren truke Garin, Goiz Argi eta Tripontzi tabernetan. Gogoratu lehian ibiliko diren bertsolariak Karmele Mitxelena eta Alaia Martin oiartzuarrak izango direla.

Hernaniko Kontrakantxa gaztetxetik gaurko borroka egunean burutuko diren ekimen ezberdinetan parte hartzeko animatzen zaituztegu. Gaurkoa ez da jaieguna baizik eta munduko langile guztien eskubideen defentsan borrokatzeko eguna.

Gora mundu osoko proletalgoa!!!

1886-2007 Chicago gogoan!

Mundu guztian zehar zabaldurik dagoen maiatzaren 1eko ospakizunak 1886ko "Chicagoko Martiriak" izenez ezagutzen diren horien inguruko gertakarian du bere jatorria. Izen hori eman zitzaien zortzi orduko lanegunaren alde 1886an egindako manifestazioen eragile eta buru izateagatik hil zituzten bost langileei. Horrela, 1886ko maiatzaren 1ean, zortzi orduko laneguna lehenengo aldiz eskatu zen manifestazioan, bederatzi langilek bere bizia galdu zuten Milwaukee-n (Ameriketako Estatu Batuetan) poliziak egindako erasoaren ondorioz. Bi egun geroago, manifestarien eta polizien artean, 14 lagun hilik eta ehunetik gora larri zauriturik gertatu ziren Chicagon.