Koldotxuren txokoa

Berriro ere iruzurkunde baten aurrean gaude: alde batetik, berriro ere, aukera politiko handi bati (Ezker abertzaleari) ez zaio aurkezten uzten eta, bestetik, politikariek kea salduko digute euren gezurrekin.

Aurreko hauteskundeetan heltzen zaidan publizitate elektoralari kritika egin diot eta, honakoan, nola ez, berriro egingo dot.
Hala ere, hasi aurretik, argi utzi nahi dot Martxoaren 1ean, D3M papeletagaz batera, Ficus-aren papeleta sartuko dudala (irudian ikusten duzuen hau)

Bozka berdin-berdin anulatuko didatenez, behintzat banoa umore pixkat eta letxe txarra jartzera.

Zergatik Ficus-a? 2000. urtean Michael Moore zinegileak kongresuarako Ficus bat aurkeztu zuen http://www.commondreams.org/news2000/0426-09.htm. Bere asmoa haustekundeei eta hautagaiei kritika egitea zen: askok ez zuten ezta kanpaina egin behar, euren proposamenak azaldu, lehikiderik ez zutelako. Gainera politikariek diru asko xahutzen dute bere soldata, dieta, pentsio etabarrekin, herriak benetan behar duenaren aurka bozkatuz, bakarrik euren interesei jarraiki. Hori lan egiten zutenean.

Honar dezagun: Eusko Legebiltzarra txitxinabozko parlamentu bat da. Urtarril, Abuztu eta asteburuetan ez dute lanik egiten. Askotan plenora ez doaz guztiak eta komisioak katxondeo bat dira. Ez dute maila nahikorik herrialde bat zuzentzeko, eztabaidak tontakerietara murrizten dira, askok alderdiak esaten dietena bozkatzen dute jakin gabe zer bozkatzen duten,... argi dago gehienak diputatu-floreroak dira... jar dezagun benetako landare bat! Ficus-ak bakarrik ura, argia, lurra eta fertilizanteak behar ditu, politikari baten lana egin dezake eta, gainera, fotosintesia egiten du!

Horrexegatik, ari, ari, ari, Ficus Lehendakari!!!