Koldotxuren txokoa

Zeintzuk dira konponbide aukera guztiak? 42 urteko gizon bati 5 tiro ematea bere alabaren eta emaztearen aurrean konponbidea ote da?

Xabier, nahi izanez gero norberaren monologoak sinplifikazio eta demagogia puntu horretaraino eraman dezakegu. Hala ere, ez, hori ez da konponbidea, arazoaren erakusgarri bat baizik.
Baina ez pentsa gaur eledun aterako direnek konponbide hobeak lortuko dituzten. Are gehiago, harriek hitzen ordez hitz egitea nahi dute, eurentzat be negozioa da. Baina hobe hau ez badut ozenkiegi esaten, badazpada.
Milabilaka ekimenak arrazoi osoa zuen: konponbidea gizartearen eskutik etorriko da, ez politikariengandik ez talde armatu batetik ez europatik ez extralurtarrek ekarrita. Eta politikariei jokua jarraitzen diegun bitartean konponbidea gure eskutan dagoela ukatuko digute. Egon badago, baino nork harriak utzi hitzari paso emateko? Dena esan dezagun, errezagoa da kontrakoari eraso egitea esan behar duena entzun eta ulertzea baino. Errezagoa suertatzen zaigu gehiengoak onargarri egiten zaiona egitea/esatea benetan ona dena egitea baino.
Bai, guztia tiroak botatzea konponbide bat ote den galdetzera murriztu dezakegu. Hala ere denok jakin badakigu hemen arazoa tiroak baino haratago doazela. Ukatu dezakegu eta arazo bakarra tiroak botatzea delaz gure burua konbentzitu dezakegu. Baina gogoratu Asimov-en hitzak "Gertaera bat ukatu dezakegu. Gende askok egiten du. Baina gertaera gertaera bat izaten jarraitzen du.". Eta Euskal Herrian arazo politiko-polikromiko-poligoniko bat dugu. Eta tiroena benetan konpontzeko ipurdia busti behar dugu eta horretan ekin.
Nik magdalenak eskeini ditut hitz egiten hasteko. Orain galdera da, elkarrizketak edo monologoak?

Ondo segi eta espero gaur eskolan ondo pasatzea.

Besarkada bat.

Kaixo berriro:

Nire komentarioa sinplifikazioa irudituko zaizu, baina niretzat egin beharrekoa da egoera honetan. Demagogia izango da, baina zuk erakusten duzun jarrera ere ez da gutxiagorako. Politikariek ez dakit zer konponbide proposatuko diguten, atera direnak atera dira eta ez dago bueltarik. Konponbidea gizarteak ekarriko du, erabat ados, batez ere konturatzen geranean, denok, zer nolako astakirtenkeriak egiten diren gure izenean eta albora begira egoteari uzten diogunean.

Errazagoa omen da "gehiengoak" ontzat ematen duena esatea/egitea. Ba baliteke, baina demokrazian sinesten dugunok horixe daukagu... gure aldeko iritzia nagusitzen ez denean ere onartzeko gaitasuna. Konponbidea, izan ere, gehiengoak erabakitako arauen arabera etorriko da, ez minoria "ilustratu" mesianiko batek esaten duena edo agintzen diguna eginda.

Herri honetan ostiraleko hilketa horretaz gain beste makina bat arazo ditugu, arrazoi duzu. Baina tiroak botatzea konponbidean atzera egitea eta eskubideen urraketa garrantzitsuena dela ez didazu ukatuko. Hilerriak eta espetxeak gainezka jartzen dituzten horiekin (hau da, tiroak botatzen dituztenekin) gure gizarteko giroa okertzea baino ez da lortzen. Politikariak konponbide gutxiago lortzeko gai izango dira egoera horretan. Eta azken galtzailea Euskal Herria bera izango da.