Koldotxuren txokoa

Mezua: Elurra dario

2007-01-25

16:23:03, Atalak: Koldokeriak

Elurra dario

Iaz ez bezala, elurrak beldurtu ninduela, aurtengoan ez nau ustekabean harrapatu. Egun hotz eta elur girokoaz gozatzen nabil.

Iaz ez bezala, errepidea nahiko lasai topatu dot. Nik uste beste egunetan baino trafiko gutxiago dagoela, ez dakit jendeak Bilbo Handitik kotxea hartzen ez dabilela edo hil bukaeran gaudenez erregairako sosik ez dagoela. Egia da martitzenean kristolako txingor-zaparradak hartu ninduela unira igotzen. Portzierto, oso normala iruditzen ez zaidana http://bizkaimove.bizkaia.net eta http://www.trafikoa.net webguneena da: hiru nabigaitzaile ezberdin bi sistema eragile ezberdinetan erabili ditut eta askotan ezinezkoa zait trafikoaren inguruko informazioa lortzea. Pixkat negargarria.

kexa! jendartea

Elurrera itzuliz, tenperatura hotzek eta goizean dena zurituta ikusteak, ez dakit, animo hobea eragiten dit. Eguneko lehen argiek pixkanaka geruza txuri hori argitzen duten bitartean kolakao bero bat hartzea. Kalera atera eta hotzak aurpegia astintzea. Elur malutak jeisten ikustea (gehienetan iada urturik). Etxera heldu eta bero-bero egotea. Leihoaren bestaldetik dena horren hotza ikustea eta etxean goxo-goxo egotea. Halako egunak politak dira. Zeruari elurra dario.

Zabaldu•

Bildu•

Twitter• Permalink-a • Erantzun 1

Erantzunak, Pingback-ak:

Bidaltzailea: Jon Tribak [Bisitaria] · http://www.traficodegipuzkoa.com

Duela gutxi lagun pare batek www.traficodegipuzkoa.com atera berri dugu. Gipuzkoako trafikoaren egoera adierazten duen web tresna bat da.

Ejem, ez dakit autopublizitatea ondo ikusia dagoen... ;)