Koldotxuren txokoa

Bukaera
... eta hamen nago, domeka batetako zortziak inguruan egun osoan lerro hauek idazteari bueltak ematen, ea gomendagarria den asteburu honetan gertatu direnak ostean zeozer idaztea edo, behintzat, baliagarria den, Wilco-ren Kicking television entzuten.

Hasiera
Barikua, ez dira 14:00ak. Etxetik gertu aparkalekua, miraria, kotxea asteburu osoan usteko leku aproposa. SER katea entzuten nabil (ez galdetu zergatik, nire kotxeko irratia eta nire arteko burrukan neu naz galtzailea), aparkatzen dot eta kotxetik ateratzekotan nintzen baina 14:00 jotzen dutenez, motorra itzaltzen dot albistegiaren hasiera entzuteko, ea zer berri dagoen. Eta esatariak azken momentuko albiste batekin zabaltzen du: 18/98-ko auzipetuekin zer ikusia zuen polizia operazioa martxan zebilela Entzutegi Nazionalak hala aginduta, gai hauetarako daukaten kazetariak informazioa zabaltzen du.

Korapiloa Kotxetik atera, etxera heldu, etxean esan eta zabaldura eta twitter-era berria bidaltzen dut. Lehen minutuak dira, iada bost pertsona atxilotuak ei zeuden. Ezjakintasuna eta zurrumurruak dira nagusi. Arin bidali nuen apenas ezebez jakin barik, informazio kaskarra eta ez osatua. Arratsaldea aurrera doala gauzak argitzen doaz eta atxiloketak tantaka doaz. Futbol partidu makabro baten minutuak bezala.
Arratsaldean elkartasun deiak eta atxiloketen salaketak hedatzen dira, blogosferatik ere. Arratsaldeko azken partean 18/98-ko auzipetuak domekarako Bilbon manifa deitzen dute. Han egon behar nuen, beharrezkoa nuen, zeozer egin behar nuen.
Larunbatean goizean goiz esnatzen naiz gauza batzuk egiteko. Atxiloketak tantaka jarraitzen dute. Futbol partidu makabroa bere bukaeratik hurbilago dago. Free18/98 mezua bidaltzen dot, zeozer egin behar nuen. Eguerdi aldera beste berri batek ustekabean hartzen gaitu: guardia zibil bat hilda eta beste bat zauritua frantzian, ETAk egin ei du. Berriak aurreko egunekoan baino are korapilotsuagoak, arraroagoak, nahasiagoak eta funtsik gabekoagoak. Huts egiten ez duena, berriro ere, makinaria mediatikoa da gauzak euren jabeen nahietara moldatzeko. Egunean zehar RSS eta twitter bidez hainbat mezu atsekabetu/etsitu irakurtzen ditut.
Domeka goiza. Bilbora bidean, lehengo lanzadera hartu metrora joateko. Busean jendea dator, "boluetako merkatu txikira" joango dira. Gehienak ez, metroa geltokiz geltoki betetzen doa eta Indautxun usten da. Areiltzako irteera goraina dago. Nik nahiago Urkixotik atera, nire maniak. Autonomiara heldu eta jendea zegoen. Domeka bat izateko eta 48 ordutan antolatzeko ez zegoen gaizki. Burua txalotu eta manifara sartu. Jendetsua dirudi. Baina aurrera begiratzerakoan burua ez zegon gertu. Eta atzekoa ikusi ahal izan dudanean.... ufa... hori jendetza hori. Uste nuena baino askoz jende gehiago zegoen. Autonomia Zabalburutik Aita Donostiara. Eta jendearen artean jende nagusi asko.

Bukakera Guzti honek asko pentsatzeko eman dit. Azken hilabeteetan gertatutakoaz, bai pertsonalki, bai orokorrean. Hainbat gogoeta eta ideak ditut buruan, txokoan botatzeko pentsatzen... eta hamen nago, domeka batetako zortziak inguruan egun osoan lerro hauek idazteari bueltak ematen, ea gomendagarria den asteburu honetan gertatu direnak ostean zeozer idaztea edo, behintzat, baliagarria den, Wilco-ren Kicking television entzuten.

Gogoeta Amak beti esan dit jende nagusia kalera ateratzen denean zeozer larria gertatu delako dela. Eta gazteon (edo pertsona nagusiekin alderatuta gazteok garenon) mezu atsekabetu/etsituak karrankariak egiten zaizkit. Gure nagusiak kalera ateratzeko prest daude bizi duten gauza guztien ostean (guda, gudaostea, diktadura, errepresioa,...) eta geu nazkatuta/nekatuta gaudela diogu. Ez dakit kontraesana edo harrigarria iruditzen zaidan.
Egia da Euskal Herriko egoera kakastua dagoela eta, askotan, gure iritziei ñabardura asko (gehiegi) jarri behar dizkiegula. Ezin daiteke ezer argi esan norberari arazoak sortu gabe. Kriptikoak eta dentsoak izan behar dugula bai batak zein besteak zein hangokoak gure lepora ez botatzeko. Baina nagusiek argi badute 18/98koa, ilegalizazioak, bidegabekeriak direla... zergatik gure ñabardura eta distantziak?
Nire kasuan, behintzat, eta hau nire jarrera ultrapertsona da, ez dot etsituko. Konponbidea behar beharrezkoa da. Eta, jakin badakigu, konponbidea ez dela etorriko ez Estatutik, ezta erakunde armatutik, ezta politikarietatik. Azken bi prozesuek argi utzi digutena hiru eragile horiek ez direla gai egoera konpontzeko. Nire ustetan bide zibil bat, herritar bat beharrezkoa da hau konpontzeko. Herritarrok konponbidea aurkitu behar dugu hiru eragile horiei protagonismoa kenduz. Gure auzoetan, gure elkarteetan, gure artean konplizitateak sortuz, gutxinaka baino tinkoa den aldaketa bat bilatuz. Inoiz baino beharrezkoagoa da gure nekeak eta etsipenez ahaztea konponbidea bilatzeko. Konponbidea gure eskuetan baitago.
Edo hori uste dot. Badakit ikuspuntu naif-a dela, baina utzidaizue pixkat bat amesten egun gris hautean.

Epaiketa politikorik ez!

Orain dela egun batzuk Basauriko Udalak AEK-ri eta Euskarabila-ri ukatutako dirulaguntzaz aritu nintzen. Atzokoan Euskarabilatik mail bat jaso nuen Alkatesagaz eukitako batzarra laburbiltzen. Laburbilduz hitz egokiak jaso zituen elkarteak. Hala ere aldaketa batzuk egongo dira dirulaguntzetan eta elkartea ez dago bat ere ados, horregatik biharko, Udaletxean 18:00tan egoteko eskatu digute bazkideoi, aurrekontuak onartuko diren udalbatzan gure desadostasuna agertzeko. Nik hitzordu hau mundu guztiari luzatzen diot, bihar nire ordez egon ahal izateko (tamalez ezin naiteke joan). Gogartu, bihar, osteguna, Basauriko udaletxean.

Atzokoan Txioka/Twitter-ren bidez, joxe-ren mezua ikusi neban, el correo-ko berria irakurriz (zabaldura bidali berri du): Basauriko Udaletxeak AEK-ko Bolintxu euskaltegiari eta Euskarabila elkarteari urteroko dirulaguntza kentzea erabaki du. Berria be blogarin bertan Getxoko EHE-ko blogean irakur daiteke. Kontutan hartu behar da Maiatzeko hauteskundeetatik Basauriko udala eskuz aldatu zela eta udatik PSOE+PP koalizioak herri hau zuzentzen duela. Lehengoko saiakera banderen kontua izan zan eta orain, hau.

Batasunako hainbat buruzagi atxilotuak (besteak iada gartzelan zeuden), Zapaterok eta bere estratega-harroputzak erabakita, Garzonek sinatuta eta Poliziak burututa. Herri bat hartu herri baten askatasunagatik burrukatzen duen esparru politikoa zanpatzeko. Hau al da zuen bakea?

Nire narzisismoari jaten emoteko minutu batzuk hartu ditut. Gaurkoan 2007/08 denboraldiari hasiera eman diot, pasaden astean Leon-en kongresu batean egon ostean. Nahiko ziklikoa naiz, denboraldiak tramoka banatuz eta iraila denboraldia prestatu/planifikatzeko erabiltzen dut. Ohiturak. Aste honetan dena lotuta utzi behar dut, lotzen joan behar naiz edo zorrak kitatu behar ditut. Eta euskal komunitate birtualarekin ere lan hau egin behar dut.

Oraintxe entartu naiz, Basauriko Udalak Española jarri nahi dau Udaletxean. El correon berria irakurri dut aitak esan ostean. A ze ostia txarra jarri zaidan gorpuan. Herri honetan ez dugu disgustuak baino; honek tragedian bukatuko du. Banekien PSOE alkatetzara heltzea txarra izango zala, baina hau gehiegizkoa da. Udaletxean Española jarri nahi dutenez, Ikurriña eta Basauriko bandera jarri behar dute ere, baina, hara, Basaurin ez daukagu banderarik (ezta beharrik ere!), Bizkaiko herri askok bezala. Udaltzainek ezkutu bat daramate eta udaletxeak bere logoa dauka baina herri honek ez dauka banderarik, eta orain bat egin behar! Baina, klaro, beste arazo bat dago: Basauriko Udaletxeak ez dauka lekurik hagarik jartzeko, inoiz ez baida banderarik jarri udaltxean. Beno, ba hauei (PSOE+PP) ez zaie beste gauzarik bururatu: udal brigadak udaletxean hagak jartzeko zuloak egiteko agindu. Herri honetan ez daukagunez beste arazorik espaloi, errepide edo argiekin ze udal brigadak aspertuta dauden eta Udaletxera zuloak egitera bidaliko dituzten. Eta gainera Bizkaian española jartzen bigarrenak izango gara. Ui ui ui... hamen ostia asko egongo dira, gutxi barru Losantosek programa berezia egingo dau hamendik.

Nature zientzia aldizkarian irakurri dudanez IHES-a tratatzeko erabiltzen den sendagai erabili batek minbizi zelulen hazkuntza geldotzen du. Orain nelfinivir izeneko sendagaia minbizi mota ezberdinak dituzten gaixoetan analizatuko dute. Clinical cancer research aldizkarian argitaratutako ikerketa artikuluan IHES-a tratatzeko erabiltzen diren sei sendagai minbizi zelula mota ezberdinei aplikatu zieten, hiruk esangarriki minbiziaren hazkuntza motelduz, batez ere nelfinivir izenekoak. Dirudienez ez da halako emaitza lortzen den lehen aldia, IHES-an erabiltzen den beste sendagaia batek antzeko emaitzak erakutsi zituen. Hala ere, honek gaixotasunak tratatzeko bide interesgarri bati indarra ematen dio: iada gaixotasun bat tratatzeko onartuta dauden sendagaiak beste gaixotasun batzuei aplikatzea.

Oporretatik bueltatzerakoan uda bukatzen da. Berez Ekaineko bukaeratik Irailaren bukaerara doan urteko sasoia gure oporrak bezain luzeak egiten ditugu. Oporretan nengoela ETBko Gaur Egun/Teleberrian (bi albistegiak berdin berdinak dira eta gauekoa goizekoaren fotokopia dirudi) aurten txiringitoetara jende gutxiago hurbiltzen zelaz kexu ziren saltzaileak, eguraldiari errua botaz. Beno, Abuztuan zear Busturia aldean egon naiz eta txiringitoak soilik birritan bisitatu ditut, zergatik? eguraldi txarragatik? ez, ke ba! bertan nengoen edonola ere! Txiringitoen prezioengatik baizik. Oso oso garestiak dira, baina pasada bat, txankletetan doazen lapurrak. Horrela normal inor ez hurbiltzea!

Zein da aurtengo udako abestia? Aurten musikaz nahiko offline nagoela onartzen dut, apenas Euskal Herriko txoko guztietatik dauden jaietatik pasa naiz eta, beraz, ezin dezaket jakin uda honetarako prestatu den abestiren bat bestetatik nabarmentzen den. Hala ere, aurten, aurreko urteetan ez bezala, ez dabiltza kaka emoten abesti batekin. Agian nire autismo honen ondorio edo hala da. Ez dakit.
Baina, beno, udako sugeak kontutan hartuta abestiren bat edo beste lor dezakegu. Agian "Borboiak ez ikutu", "Txirrindulari dopatua", "Bi izaera, alderdi bat", "Errua besteena da", "Aldaketarik ez" edo "Beti berdin" izan daitezke uda honetako abesti desatseginak.

Ez dakit zer gertatuko den hamendik aurrera. Eta hilabete honetan gertatuko denak bost. Nire oporrak hartuko ditut, itzultzerakoan indarberriturik itzuli behar naiz, herri hau eraiki behar dugu batzuk hitz hutsak esaten denbora galtzen duten bitartean. Ez esan, egin. Internet barik hilabetetxo egongo naiz. Guztiz offline. Beraz, euskalblogosferazaleok ondo pasa abuztua, jai ugari daude beraz aprobetxau eta eguzkia hartzekotan bazaudete, krema jarri. Ondo pasa danoi.

Olibak garagardo batekin hartzen nagoela gaurko, eta hurrengo, egunak animatuko dituen sugetxo berria Entzutegi Nazionaletik atera zaigu: El Jueves aldizkariko azken alea bahitzea erabaki du Del Olmo epaileak. Dirudienez, azalean ikusten den karikatura Koroarentzat iraingarriak ei dira. Hori ikusita, entzutegi nazionaleko fiskalak, estatuko fiskar orokorrak eskatuta, epaileari aldizkariaren ale guztiak bahitzea eskatu du, eta epaileak hala ebatzi du.
Berria lehenengo CNN+n ikusi dut zapping egiten nengoela. Beranduago Meneame irakurtzen berriarekin berriz topatu naiz eta irakurleen erantzun haserretuak gainetik irakurri ditut. Arratsaldea Toura ikusten pasa dudanez berriaz ahaztu naiz ordenagailura itzuli naizen arte. Denbora nahikotxo pasa da estatuko komunikabide gehienetan berria hedatzeko eta meneamen lotutako berriak agertzeko eta erantzun gero eta sutsuagoak irakurtzeko. Orokorrean, gauza bategatik edo kontrakoagatik, interesengatik edo benetan holan sinisten dutelako, epaileaka hartutako erabakiaren aurka agertu da jende gehiena. Eta biharko editorialak itzaron beharko ditugu puzzlea bukatzeko
Hala ere, nire ustez, gai honekin hipokresia gehiagi dago. Agian barrikadaren alde honetan bizitzeagatik halako gauzak zinismo handiarekin ikusten ditut. Ez dakit. Del Olmok 'bakarrik' ale bat bahitzea erabaki du, orain dela lau urte Egunkaria ixtea erabaki zuen. Gaurkoa oso larria bada, ordukoa zer izan zen? Non zeuden gaur asaldatu direnak? Zer esaten zuten orduan?
Har dezagun ustezko delitua bera. Koroaren aurkako irainak. Urtea fiskalak Deiaren eta Gararen aurka egin zuen bi komunikabide horietan Juancar-ek hildako hartzaren inguruan egindako gogoetak zirela eta. Non zeuden orduan gaur harrituta agertu diren guztiak? Ba oporretan egongo ziren edo errege magoen oparien zai... meneamen gaiari buruzko bilaketa egin dut eta oso gutxi topatu dut eta oso ixila dena, beste barik. Gaurkoa zentsura argia da, gainera humore pixkagatik. Urte hasierakoa ere zentsura izan zen eta, ere, humore pixkagatik. Antzeko egoerak izan ziren, egia da orduan alerik ez zela bahitu, baina kalean denbora berdina iraun zuten komunikabideak, ezberdintasun bakarra zentsura nork jaso duen dago: ez da gauza bera Usurbilen edo Bilbon inprimatu edo Madrilen inprimatzea. Lehen kasuan "zeozer egin dute", "merezi dute" da ideia orokorra, bigarren kasuan "nire elkartasun osoa". Zentsutra ez da beti zentsura. Badakigu eta, tamalez, ohituta gaude.

Aste batzuk dira uda Euskal Herrira heldu zitzaigula. Beste gutxi batzuk hondartza garaia dugula. Betebehar batzuk direla, beste istorio batzuk direla, ezin izan naiz txoko hontara, udan txiringito bilakatua, hurbildu eta uda garaia estreinatu txiringitoa zabalduz, hainbat mahai eta eserleku jarriz eta garagardo freskue eskeini.

Iaz lez, eta hau hirugarren urtea da, laguntzaile gisa Idauze-Mendin egiten den festibal honetara noa bihar. Ostiraletik Domekara hainbat txanda kontzertu, eguzki eta parranda tartekatuko ditut.
Aurten hegoaldetik laguntzaile moduan iaz baino pertsona gutxiago ei goaz. Pena da, sekulako esperientzia delako, eta, era berean, Zuberoko bazter paregabe horretan euskara plazara ateratzeko modu bikaina. Baina Euskal Herria Zuzenean festibalean dena ez dira kontzertuak: ostatu ekologikoa, hitzaldiak, xiba finala, bertsoak, bazkari herrikoiak... ekintza anitzez betetako asteburu izugarria!

Bazoazte berton ikusiko gara!

Iruzurkundeak, M27ko hauteskundeetako begira ultrapertsonala.

Bukatu dira iruzurkundeak. Kanpaina egoitzak itxi eta eraitsi. Hautagaiak eta hautatuak ez dituzte kaleak berriro zapaldu behar eta herriko jendea jasan. Orain euren bulego handi eta txukunetara buleta daitezke.
Gaurkoan irabazle asko ei dago. Edo, behintzat, askok eurak irabazi dutela diote. Ez dakit kanpainaren osteko beste iruzur bat den edo euren buruei iruzur egiten dieten.
Hala ere, atzo iruzurrari aurre egin zioten 187000 bozka inguru egon ziren. Horiek dira (gara) atzoko hauteskundeetan benetan irabazi zutenak (dugunok). Atzotik EAEren bozka legezkoa zen lekuetan irria, poza eta txanpaina dira nagusi; EAEren bozka baliogabetu ziguten lekuetan irria, harrotasuna eta enbidia dira nagusi. Berriro ere errealismo magikoaren beste kapitulu bat idatzi dugu. Berriro ere hamen gaudela aldarrikatu dugu. Orain lan egiteko garaia dugu. Atzo lortutakoari eusteko, EAE-k kudeatuko dituen udaletxeek herri disdiratsuak lortzeko, oposizioak gelditu diren herri eta Batzar Nagusietan freskotasuna eramateko. Normaltasunez ezin parte hartzea galera demokratikoak ez ezik, ideia, lan egiteko era eta jende prestatuaren galera ere dela erakusteko garaia da.

Basaurin, alkatesa berria eukiko dugu: PSE-EE-PSOE-ko hautagaia, Loly De Juan. Emaitzak nire herrian oso adierazgarriak dira:
- PSE-EE-PSOE: 8062 (+892), 9 (+3)
- PNV: 6238 (-3702), 7 (-2)
- PP: 2738 (-1571), 3 (-1)
- Baliogabetuak (EAE): 1801 (+133)
- EB-Aralar: 1652 (-493), 2 (+1)
- EA: 790 (-315), 0 (-1)
- PH: 107 (-45)
- Zuriak: 329

Iruzurrik gabe:
- PSE-EE-PSOE: 9
- PNV: 6
- PP: 3
- EAE: 2
- EB-Aralar: 1

De Juan da gure alkate berria. Bere garaipena bi faktoregatik da, PSE-EE-PSOE-ren igoera eta PNV-ren erortzea (bozken heren bat galdu du). Igoera, batez ere, hautagaiak egindako proposamenengatik izan da, San Miguel, Kalero eta Boluetako metro geltokia lotuko dituen lanzadera, Sarratuko intermodala edo metroa ia edukitzea pisu asko izan du. Iruzurra edo egingo du? PNV-rena konplexuagoa da, dirudiene barne arazoak eduki ei dituzte eta azken lau urtetako desgaste itzela ordaindu dute. Basauri eskuz aldatu da, onerako, txarrerako edo berdin geratzeko? Ikusiko dugu. Agian Basauriko jaiak tormentaren erdigunea bilakatu daitezke. Ikusiko dugu.

Hurrengo iruzurkundeetararte, lasai atseden hartu.

Iruzurkundeak, M27ko hauteskundeetako begira ultrapertsonala.

Azken txanpa

Dirudienez ez dut beste propagandarik larrutzeko aukerarik izango. Gaur heltzeko azken eguna baida ta ezer berrrik ez nire postontzian. Hala ere, azken egun honetarako baneukan pentsatuta zertaz arituko nintzen, merkatu txikiko eskaeren azken egun honetan erostera nindoana aurkitu dudan aztertutoko dut.
Gaur8n hauteskundeei buruz hainbat galdera egiten dizkigute denon artean erreportai bat egiteko. Berton nire erosketen zerrenda utzi nuen, ingelesek wishlist-a deitzen duten hori. Laburbilduz...
Basaurin

Nerbioi eta Ibaizabalera itzultzea

Ez, ez dut halakorik topatu alderdien proposamenetan. Gehien gerturatu dena PNV izan da, baina ibaiak zeharkatzeko, hots, bestaldeko lurretara (far west-ekoa dirudit) hedatzeko. Lehena, pot.

Euskararen presentzia duina bermatu

PNV, EA eta Aralar-EB hortaz mintzo dira; PSE-EE-PSOE eta PP ezer honi buruz. Hala ere ez dituzte proposamen zehatzak ematen, soilik marka teoriko bat. Gertatzen dena sinisgarritasuna nahiko galdute dute, ze euskaraz mintzatzen diren hiru alderdiak azken sei urteetan herri honetan gobernatu dute, eta ez dute ezer egin. Ez dakit zergatik izango den ezberdin aurten

zeozer hasiko baduzue, jarraitu horrekin

Proposamen berri asko eta iada onartuta daudenak proposamen moduan saldu dizkidate. Hasiko dutena bukatuko dutelaz ezerrez.

txartel digitala garraio publikoa erabiltzeko

Garraio publikoaz apenas aritu dira. Nire burutazio berritzaile honetara hurbiltzea, utopia.

Bizkaiarako

SuperSur-az ahaztu

Kanpaina honetako ahaztutako kontua. Ez da inor beraz mintzatu. Iada egingo dela barneratu dugu denok eta inork ez du horren aurka ezer argirik esan. Bai, itxoin, Aralar-EB-k zeozer idatzi zuten baina marmarka moduan. Inkredibol.

Gelditzen zaigun ingurune apurra zaindu

Bakarrik etxeak, errepideak eta pijorbanizazioak eraikiko direla entzun dut hamabastaldi honetan. Egia da Aralar-EB eta EA-ko euskaldunak lurra zaindu behar dugula diotela. Baina Bizkaian zehar egingo den ingurune txikizioaz (Bakio, Urdaibai, saltoki-guneak babestutako lurretan, berkalifikazioak,...), zero patatero.

uren kudeaketa askoz hobea

Gehien hurbildu dena PNV euren kalitatezko urarekin izan da. Baina kudeaketa beraz inork ez du hitzik esan, eta hori orain dela lau hilabete lehorte egoeran geundela.

ikerketa bultzatu

Ikerketaz ez dira aritu eta PNV-k gaiari buruz proposatzen duena justu eskatzen nuenaren kontrakoa da. Honetan ere pot.

Onartzen dut, oso inuxentea izan naiz nire beharrei hurbilduko zirela pentsatzerakoan. Gehiegi eskatzen dot. Merkatu txikian ez dut bilatzen nenbilena topatu. Eta baliagarria ez zaidan merkantzia erosteko, hobe utzi ez diotelako merkatu txikitik kanpo gelditu denarengana erostera joan.

Iruzurkundeak, M27ko hauteskundeetako begira ultrapertsonala.

Azken txanpa

Egun hauetan zehar, iruzurkunde izenpean, hauteskundeei buruzko hainbat gogoeta pertsonal plazaratu ditut. Bihar kanpaina bukatuko da, larunbatean pentsatzeko eguna izango dugu eta igandean bozkatzeko aukera izango dugu eta gure alkate, zinegotzi eta ahaldunak lau urtez zeintzuk izango diren jakin
Ez pentsa propaganda heltzen bukatu denik. Baina gaurkoan ez daukat aztertzeko proposamenik, soilik PSE-EE-PSOE Basauriko alkaterako hautagai denaren gutuna. Gehiena gazteleraz, hiru lerro izan ezik, denetarik saltzen dit eta, niretzat txarragoa dena, nolakoa naizen, zer pentsatzen dudan edo zer egin dudan suposatzen du. Eta berak esandakoarekin lau urte hauetan gertatutakoaz nire errepaso pertsonala egin nahi dot.

Un Basauri donde importen más los problemas reales que el tan manido conflicto político

Niretzat herri honetan, bai Basaurin, bai Euskal Herrian, dugun arazo politikoa itzela da eta arazo larria gainera. Lau urte hauetan Basauriko udalalak eta oposizioak ez dute politikarik egin, ez dira herri honen ordezkariak izan (orain dela lau urteko putzerazoa ahaztu barik), ez dira basauritarron mailan egon. Lau urte hauetan gauza oso larriak gertatu dira herri honetan, eta are larriagoak, Udala eta oposizioa desagertuta egon dira. Adibide argi bat 2004ean zehar gertatu zen garbitzaileen greba da. Udaletxea eta oposizioa desagerturik ibili ziren hamar hilabetez, ez zituzten ez langileak ez herritarrak errespetatu. Esaten zuten gauza bakarra entepresa pribatu baten arazoa zela eta, beraz, eurak ez zutela zer ikusirik. Hemen, alde batetik, eskola, instituto, udaletxe, polikiroldegi eta kultur etxeetan metatutako zikinkeria egon zen eta, bestetik, zinegotzien utzikeria, ez zuten politikarik egin; garbitzaileekin gertatutako gatazka politiko bat izan zen, udal zerbitzuak entepresa pribatu batek kudeatu behar ditu edo udalak zuzenean? Hau ere gatazka politiko bat da. Eta hautagaia bere gutunean Euskal Herria eta Estatuaren arteko gatazkaz ari bada, bai, oso garrantzitsua da, gatazka honek eguneroko arazoak beste era batera konpontzen ahalbidetzen ez duelako. Eta hain garrantzitsua ez bada, ez dut ulertzen zergatik ez konpondu behingoz.

Udaletik elkarrekin lan egin behar dugu

Bai? Ziur? Nik dakidala hautagai honen proposamena Basaurik duen jai eredua deseuztatzea da. Ez ditu batere atsegin gure jaiak, ziur asko, Euskal Herriko onenak. Zergatik? Partehartzailea delako. Basauriko jaiak Herriko Taldeak elkarteak antolatzen ditu, jaietan parte hartzen dituzten 15 koadrilen elkargunea, Udaletxeak hainbat diru ematen die Herriko Taldeei eta bere kasa antolatzen dituzte. Hau gure jaien eredua da. Eta hautagai hau behin eta berriz honen kontra azaldu da, orduan, zertara dator elkarlan dei hau?
Baina baditut beste adibide batzuk, ez pentsa. Adibidez, metroa Basaurira lehenago heltzeko ekimena herri ekimen bat da, Metroorain elkarteak eginda. Eta hautagai honek elkarte honek egindako proposamenak bereak izango baliran saldu zituen. Ez da lehen aldia, orain dela lau urte errauste-labe batekin gauza bera egin zuten, labe horren aurkako herri ekimena euren ekimena balitz moduan saltzen saiatu ziren. Hori a da elkarrekin lan egitea?

Puedes confiar absolutamente en mí

Aurreko guztiaren ostean, ez zutan ez beste inork merezi du nere konfiantza. Eta gainera jakinda zer egin nahi zenuen orain dela lau urte zure burua alkatesa ikusten zenuenean, ez eskatu irabazi ez duzunik.

¿Sabías que las últimas VPOs se hicieron con un gobierno socialista en Basauri?

Ez, hori ez dut gogoratzen. Hori orain dela 16 urte izan zen, orduan zortzi nituen. Baina bai gogoratzen dudana Basauri oso zatarra zela, bizitzeko deserosoa eta desegokia, ez zegoen apenas udal zerbitzurik eta zonalde askok pena ematen zuten. Ezin diot ukatu PNV-ri 16 urte hautan Basauri asko hobetu dutela, Artundoaga ganorazko polikiroldegi bat da, ez da lehen zen herri iluna, askoz ere argiagoa da, Bizkotxalden etxeak egin beharrean parke urbano bat egin zen, erkidegoko handienetarikoa; eta memoria landuz herri hau 1999an PNV-EA-EH koalizioarekin inoiz baino hobeto egon zen, ordutik gainbeheran goaz. Atzera begiratu nahi? Bale, baina dena esan dezagun. Basaurin gobernu sozialista gogoratzea miseria gogoratzea da

Metroa Basaurira heldu behar da lehenbailen

Berandu da. Obrak hasi dira, arinago ezin daitezke joan. Eta orain metroaren heltzea ez da arazo bat. Orain arazorik larriena Euskotreneko bideak lurperatzea da.

Haurrescola

Euskarari ostikada hau onartezina da. Gauza bat da euskara mesprezatzea edo kontutan ez edukitzea, baina hau... zer? Careaga goicoa? Basocelay? Bizcochalde? Pozocoeche? Cantalazarra?

jóvenes como tú quienes lograsteis ganar a la derecha y hacer que hoy Zapatero sea el Presidente

Ni bezalakoak ez dut uste.

¡Hasta pronto¡

Ezta gazteleraz ez dute zuzen idazten.

Gaurkoa ere egin dudan akats bat konpontzeko erabili nahi dut. Eta parkamena esakatzen dizuet egin dudan hanka sartze honegatik. Propoamenetan sarbideen, errotonda eta halako kontuei iseka egiten nien. Dirudienez ez nuen halakorik egin behar, proposamen horiek Basauri hiri ''mugikorra'' egiteko planean baitaude. Beraz, gogoetak proposamenak iada onartuta dagoen plan batekoak direla izan beharko lukete. Eta, bestalde, plan hori etxera bidali zidatenean ez zuela ezer esaten sarbideei buruz, soilik erdialdearen peatonalizazio eta aparkaleku berrietaz, horrek hasieran idatzi dudanara bueltatzera behartzen nau: herri honetako politikariak ez daude herri honen mailan.

Iruzurkundeak, M27ko hauteskundeetako begira ultrapertsonala.

Alderdien proposamenak vs Koldotxuren gogoetak

Atzokoaren analisi dentso baina gatzagabekoaren ostean, gaurkoan askoz motzagoa izango da. Mezu bakarrean bi alderdiren proposamenak aztertuko ditut. Hasteko, EA.

Propaganda berean Basauri eta Bizkaiarako proposamenak bildu dituzte. Ez dut oso ondo ulertu baina euskaraz eta gazteleraz ageri dena ez dator bat. Bizkaiaren kasuan, euskarazko bertsioa 'kañeroagoa' da eta gaztelerazkoa formalagoa. Basauriren kasuan, euskaraz orokortasunez modu kañeroan idazten dute baina gazteleraz proposamen zehatzagoak modu formalagoan plazaratzen dituzte. Azken hautaz arituko naiz. Hala ere, ez nuen bere buruatzat euskaldun duen alderdi batetik hizkuntz tratamendu ezberdin hau espero.
Basaurirako

Trafiko arazoak konpondu

Non? Hirigunea? Periferia? Sarbideak? Egia da autoz gutxi noala herritik baina ordu jakin batzutan eta leku konkretu batzutan izan ezik trafiko arazo handirik ez dago

(...) etxebizitzentzako lekua bilatu (...) alokairu soziala (...)

Behintzat onartzen dute leku askorik ez dugula eraikitzeko. Onartzea lehen pausua da. Etxebizitza hutsak...

Aparkaleku berriak (...) hirigunean txandakako aparkalekua

Hirigunekoei ez dut uste grazia handirik egingo dienik, eta aparkaleku berriak nire kalea aparkaleku moduan erabiltzea ekingo badu, prest. Orain, non egingo dituzten? (ez auzoak baizik eta kokaleku zehatzak, kalea eta zenbakia) Aaaaaaaa, surprais, surprais.

Asteburuetan gazte eta haurrentzat ekintzak

Agian Udaletxeak herriko elkarteei kasu pixkat gehiago eginez gabezi hau ez litzateke egongo.

Industri museo egitasmo baten azterketa (...)

Ez, ez, ez... ez azterketarik, ez egitasmorik, industri museo bat egin behar da. Basaurik industri-iragan oso garrantzitsua dauka eta langileen eskubideen borrokan aintzindaria. Herri hau altzatu zuten langileei omenaldia beharrezkoa da. Halako azterketak beti gelditzen dira kaxoi batean galduak, eta ideia ona da, beraz, ekin behar zaio.

Helduei irakaskuntza euskaltegi publikoetan (...)

Berriro ere, herriko elkarteei kasu gehiago eginez...

Emakumearen etxea berehala jarri

Ostras, egia da, egitasmo hau ere kaxoi batean gelditu da.

(...) 2 haurtzaindegi berri jarri

Bai.

Etxebizitza sozialak / Porlanaren espekulazioari STOP - Lurraren ordua / Herritaren parte hartzea / Bidezko laguntza sozialak - Frauderik ez / Elkarrizketa tresna bakarra politika egiteko / Euskal Errepublika Soziala eta Euskaldun / Elkarbizitza garatzea / Ongizate zerbitzuak: duintasuna eta urbiltasuna

Azkenengo guzti hauek aurrekoen parekoa den euskarazko bertsioa da. Esandakoa, orokorra eta kañeroagoa. Honek, niretzat, sinesgarritasuna asko murrizten du.

Bizkaiarako (euskeeraz // vs // gazteleraz)

Udaletxeak pertsonen menpe (...) urbiltasunaz, eraginkortasunaz // vs // administrazio bizia eta urbila, herritarrari udaletxeak zerbitzu gehiago eskainiz

Bai, bale, askok saldu didate gauza bera. Loteslea, bai ala ez.

eskumari aurre egin (...) bidezko zergak zerbitzuak hobetzeko // vs // zerga-sistema justu eta progresiboa (...) baliabide nahiko (...) iruzurra jazarri

Har dezagun Neguko Palazioa vs sozialdemokratak.

Euskal Herri soziala (...) benetazko ongizate gizartea // vs // kalitatezko gizarte zerbitzu publikoak (...) adinekoentzat eta mendekoentzat

maximalistas vs pragmatikoak

gazteon etorkizuna lanaren duintasunak ekarriko digu, merezitako soldatekin, enplegu iraunkorraren bidez // vs // gazteentzat ondo ordaindutako eta iraunkorra den lana biltzatzeko politika ekonomikoa

borroka dezagun vs ea zer egin dezakegun

Lurra daukagu buruan eta bihotzean (...) espezulazio eteteko neurri ausartiak (...) Lurraren Ordua // vs // ingurumenarekiko iraunkorra eta arduratsua den hirigintza

Herritarra vs hiritarra

Euskal Herria nazio bat (...) euskera gure hizkuntza (...) beldur eta konpleju barik burujabetza (...) // vs // Euskal Herriaren nazio eraikuntzan eta euskaren erabileran bultzada

Euskalduna naiz eta harro nago, barrikadetara! vs zeozer egingo dugu.

EA... Dr Jekyll eta Mr Hyde? Aztertu behareko listo.

---

Mezu berean PP-z arituko naiz, askorik ez dakarte eta.
Paper batean San Gil eta Rajoy-ren gutunak ageri dira, euskaraz soilik San Gilen atelean 18 hitz ageri dira, beste guztia gaztelaniaz. Ez dago proposamen zehatzik eta gauza orokorretaz ari dira, baina, beno zeozer ateratzea espero dot.
Rajoyren mezuan...

Azken hiru urteetan sozialisten gobernua (...) garrantzi gutxiko gaietan indar asko erabili du (...) denon ongizatea ez du hobetu (...)

Bai, homosexual eta emakumeen eskubideak eta menpeko pertsonen ongizatea garrantzi gutxiko gaiak dira. Eta hauek hauteskunde lokalak dira, badazpada ahaztu badu.

(...)gehiago eta hobeto aurrera egiten duten udalerri eta komunitate autonomoak PP gobernatzen dituenak dira (...)

Bai, Andratx kasua, Valentzian metroa pikutara doa, ura golf zelaietan galtzen da, tunelak urez betetzen dira, Paco el Pocero, Terra Mitica,...

San Gilen mezuan...

ETAren suntsipena (...)

Egunero lo pixkat gehiago egiteko gogoekin altzatzen naiz, 7:30 inguruan, kola-kaoa, ogi-errea eta madari bat gosaltzen dut, irratian trafikoaren egoera entzuten dudan bitartean.

Gure marku legalari errespetua (...) Euskal Herria Espainakoa da (...) Espainatik kanpo ezinezkoa da gure ongizatea mantentzea (...)

Marmitakoa gehien gustatzen zaidan janaria da. Baina pilo. Hegaluzearen denboraldia denean platerkadak eta platerkadak jaten ditut.

(...) benetako arazoen konponketa: lana, hezkuntza, etxebizitza, adinekoei atentzioa, segurtasuna (...) Arabako diputazioa eta Gasteizko udaletxea eredu

Aja, aja... horren garrantzitsua bada zergatik ez zareta hamendik hasi?

PP. Beste barik.

Iruzurkundeak, M27ko hauteskundeetako begira ultrapertsonala.

Alderdien proposamenak vs Koldotxuren gogoetak

Gaurkoan bi alderdi gehiagoren proposamenak heldu zaizkit, bakarren bat faltako da. Hala ere, beste egunetatik oraindik aztertu gabeko programaren bat badaukat eta heldu zaizkidan ordena jarraituz gaurkoan Aralar-EB-n txanda da.
Gazteleraz eta euskaraz, Basauri ezkerrera ekarri lelopean, Bizkaia eta udal-politika (orokorrak, ez nire herri espezifikoak, jo, hartu dudan afizioarekin) proposamenak azaltzen zaizkigu
Bizkaiarako

Hiritarren partaidetza: (...) partaidetza zuzena sustatu (...)

Parteidetza bermatzea primeran dago, ezin ukatu. Hala ere, zein neurrirarte kasu egingo da parte hartzen duen jendeari edo herri-mugimenduei? Soilik kontsultiboa edo loteslea izango da? Aja, aja, esatea erreza da, kasu egitea... beste kontu bat

Alokairu soziala: (...) etxebizitza babestu gehiago eraiki (...) espekulazioari aurre egitea (...) etxebizita duina (...) hutsik dauden etxebizitzak alokagai jartzea (...)

Etxebizitza lortzea erraztea ere ideia on bat da. Arazoa, normalean, programa hauetan sartzeko baldintzak dira, edo ez zara heltzen edo pasatzen zara edo ez dituzu guztiak betetzen. Eta Ezker Batuari kritikatxo bat, bozpasei urte daramate Eusko Jaurlaritzako Etxebizitza sailan eta asko konpondu, ez dute konpondu eta, gainera udaletxe askorekin iskanbilak. Zeozer ez doa ondo.

Fiskalitatea: (...) bidezkoagoa (...) gehien duenak gehiago ordaindu (...)

Bai, hala izan beharko litzateke. Baina guztiok badakigu horrela ez dela. Eta egoera honi esku sartzeko ausarta izan behar da. Eta ez kikildu. Esatea erraza da, egitea...

Azpiegiturak: (...) garraio-publikoa (...) gizarte-bidesaria (...) Hegoaldeko ingurubidea gaitzesten (...) barnebideen eta Bilboko porturako tren-lotunearen alde gaude

Eta programa ezkertiar eta aurrerakoia hamen hondatu zaigu. a) SuperSur-a ez da gaitzesten, bere kontra edo desados zaude; b) ez da errepideen alde egiten, hau behin talde ekologista batek sahiesbideen aurka adierazteko esan zutena gogorazten dit, "herriaren hazkuntza itotzen dute"; ezkerrak ez ditu errepide berriak egiteko eskatzen, baizik eta daudenak atontzea eskatu; c) gizarte-bidesaria baino prezioen murrizketa orokorra, prezio sinboliko bat ezarriz, defizitak zergetatik ordainduz.

Ingurumena: (...) luzamendua (...) errausketaren arloan (...) murrizketaren, berrerabilpenaren zein birziklapenaren alde

Ados. Baina erreztasunak eta baliabideak jarri. Gaur egun birziklatzeak zigor bat dirudi

Gizarte-ekintza: (...) adinekoak, elbarriak, emakumezkoak eta adingabeak atenditzea (...) zentro gehiago eraiki (...) etxez-etxeko laguntzak (...) gizarte-larrialditarako laguntzak (...)

Atenditzea, laguntzea edo duinezko bizi-baldintzak eta bizi-baldintza egokiak sortu? Arraina edo arrantza?

Industria eta lana: (...) teknologi berriak bultzatu (...) dirulaguntzak ETE-ei (...) bazterketaren aurka (...) lekualdaketen kontra (...)

Bidezkoa da, baina kontuz zeri ematen zaion dirua eta noren kontrolpean dagoen.

Turismoa: (...) Udalerriei finantza-laguntza gehiago (...) garapen turistikoa (...)

Zeeeeeeeeeer? Bizkaia osoan turismoa bultzatu? Hau txantxa bat da, ezta? Basauri, kartzelaren herria, bisitazu!

Udal-politika

Lan egonkorra: (...) enpresekin elkarlanean (...) enpleguak egonkorrak (...) langileek dagozkien eskubideak (...)

Bai, ea nola konbentzitzen dituzuen enpresariak euren etekinak jeitsi behar dituztela langileen mesederako

Euskara: (...) normalizazioarekiko eta erabilerarekiko konpromisoa (...) jakitea era erabiltzea bultzatu (...) administrazioak euskaraz arreta ematea bermatu

30 urteren ostean berdin darraigu. Ez konpromisorik ez bermatzea ez istoriorik... udal funtzionarioak euskaraz jakitera behartzea eta euskaraz bizi ahal izatea.

Ongizatea: (...) guztiok dugu gizarte-zerbitzuak erabiltzeko eskubidea (...) auzitegietara jo bermatzen ez denean (...) behar dunten pertsonentzat laguntza, asistentzia-zerbitzuak, egoitzak, gizarte- eta hezkuntza-arreta (...)

Hala da. Ta? Proposamena auzitegietara joatea da? Bestalde, ez litzateke hobeto izango asistentzia infinituraino handitu beharrean, pertsonak euren familietaz arduratzeko denbora gehiago edukitzea?

Eramangarritasuna: (...) eramangarriak diren energiak (...) funtzionaltasuna eta berdeguneeak uztartu (...) bizikleta erabilera defendatu (...) Tokiko Agenda 21 eta oinezkoentzako guneak (...)

Ez dakit bizikletaz ibiltzen. nahiago dut tren-arina ezartzea. Agenda21-ena katxondeo bat da, hortik jarraitzea ez du batere merezi (nabaritzen da batek baino gehiagok ez dituela irakurri diagnosi txostenak).

Hirigintza: (...) kohesiodun hirigintza (...) eremu ezberdinen eraikuntza (...) garraio garapena eta komunikatzeko bideen diseinuak orekatuak

Guztion noizbehin SimCity-ra jokatu dugu.

Sexu-berdintasuna: (...) emakumezkoen eta gizonezkoen arteko berdintasuna (...) politika sozial, ekonomiko eta kulturalak jarri (...) sare publikoa hedatu familia bizitza eta lana uztartzeko

Berriro ere diot, zer da hobeagoa, zerbitzuak infinutarte zabaldu edo norberak bere familiei kasu egiteko denbora edukitzea ahalbidetu? Frogatu ez den zer berri proposatzen dute berdintasuna lortzeko? Azken urteetan plan eta politika asko egin dira baina bere horretan darrai... agian ezberdintasunaz hitz egiteari utziko bagenio eta eskubideei buruz hitz egiten hasi...

osasun publikoa: (...) ingurumen-osasuna kontrolatu (...) zarata-maila, lokalen higienea (...) ohiturak hobetu

Barita magikorik publikoaren artean?

Erabakitzeko eskubidea: (...) hiritarren partaidetza aktiboko politikaren ardatz (...)

Berriro ere, loteeslea, bai ala ez.

Luzetxo gelditu zait baina horrela zetorren propaganda. Egia esan puntu batzuk errepikatzen dira, beste era batetara jarrita edo banatua. Nahiago nuen proposamen zehatzen inguruan aritu, baina ez dut honetan sorte handirik eduki. Ez da horren dibertigarria marko teorikoei kilimak egitea, orokorrean askoz ere zentzuzkoagoak direlako proposamen jakinak baino. Zer egingo diogu. Portzierto, gizarte-arloa edo ongizatea ez da gupida edo karitate soila
Bihar, gehiago

Iruzurkundeak, M27ko hauteskundeetako begira ultrapertsonala.

Alderdien proposamenak vs Koldotxuren gogoetak

Atzokoan gaurkoan EAJ-PNV Bizkaiarako dituen proposamenei buruz idatziko nuela adiereazi nuen. Ordun, ekin diot!
Gazteleraz eta Bizkaierea zuzen batean, Bilbao hautagaiaren gutun arrunt horietako batez gain, honako proposamen hauek egiten dizkigute jelkideek.

Industria, I+D: Ezkerraldeko Teknologia Parkea (...) Ibilgailuen inteligentia (...) Bioteknologia Etxea Plentzian (...) Gernikako birsorkuntza (...)

Primeran, ideia onak dira. Baina, agian, holan bururatzen zait, bioteknologia Unitik gertu jar daiteke. Itxoin, a, bai, zergatik Aldundiak (Batzar Nagusietaz aritzeaz amore eman dut) ez du dirurik ematen Unibertsitateari ikertzeko eta indarrak ez sakabanatu? Eta, hau ikerlari moduan dinot (egiten ditudan kritika hautan ez dauka garrantziarik nire ogibidea, herritar moduan egiten baitut, baina, kontxo, nire esparrua izanik, halako eztakitzer bat nabaritzen dut), zergatik beti ikerkuntza aplikatuari dirua ematen zaio eta oinarrizko ikerkuntzari bizkarra ematen zaio? Eta zergatik beti berba eiten da parke eta egiturak egingo direla eta inoiz ez ikerlarion egoera tamalgarriaz? Zertarako zeozer eraiki han lan egingo dutenen lan baldintzak negargarriak eta tamalgarriak badira? Badakit oso polita gelditzen dela I+D+i (euskaraz I+G+b deitu behar zaio?) buruz gauzak esatea baina, kasu honetan, lehengaia ikerlariak gara, eta geu beti azkenengoak gara.

Azpiegitura eta garraioa: Metroaren edukiera handitu (...) Bizkaibusa udalerri guztietara (...) sahiesbideak (...) Muntxaratz-Lebaria (...)

Aja! Legealdian zehar Bizkaibusa murriztu eta kakaztu dute (lineak desagertu, ordutegia murriztu, ze, kontxo, dirua galtzen zen) orain, kanpainan, hobetuko dutela esateko. Jo, jelkideak bai argiak! Metroa eta sahiesbideak ondo, erosoagoa da dana eta Muntxaraz-Lebaria ardatzaren kontuari buruz zeozer topatzea kostatu zait, argibiderik bai?

Gizarte-Ongizatea: (...) nagusientzat 30 egoitza berri (...) Menpeko pertsonen sendiei laguntza (...) Giza-osasun Etxe barria

Atzokoan eta herenegun esandako gauza berbera, giza gai guztiak oso onak dira baina euren kudeaketa publikoa edo pribatua izan dan ez dakigu. Eta niretzat oso garrantzitsua da zerbitzu hauek publikoak izatea eta ez entepresa batek honegaz negozioa egitea, batez ere, publikoak dirua galdu dezakelako (horretarako ordaintzen baititugu) eta bigarrenak etekin handiena bilatzen baitute, eta hori, nire aburuz, ez da batere ona. Eta Giza-osasun etxearen kontua ez dakit zertaz doan.

Etxebizitza: (...) 3000 etxebizitza berri (...)

Hauek kakati batzuk dira! PSE-EE-PSOE-k soilik Basaurirako 1400 egingo dituzte (pala eurak hartuz) eta hauek Bizkaia osorako 3000 egingo dituzte! Hau bai desilusioa! Oraindik argi daukadana zera da, noren konpetentzia da etxebizitzen eraikuntza nori dagokio? Ze ea lau administrazio ezberdinen esku dagoen eta ea ez diren gai prezioak jeisteko. Hau taldea hau.

Kirola eta aisialdia: (...) Bilboko (...) Bilboko (...)

Eta Bizkaia gainontzean goitibeheretara jokatu.

Bizitza kalitatea: (...) doako posta elektronikoa (...) kalitatezko ura (...) plan ziklagarria (...) bidegorria (...)

Guau! Zur eta lur utzi nau! Aldundian mantentzen badira bizkaitar guztiok posta elektronikoa edukiko dugu! Eta gainera doakoa! Hori bai dela proposamen bat, parkatu, hauteskundeetako Proposamena, honekin ezin dute galdu, nola ez zitzaion beste inori bururatu? Ez Gmail, ez Yahoo mail... BizkaiPosta! Txantxa bat da, ezta? Pozik ez zegoen bekario batek sartu dien arraina, ezta? Plan ziklagarria? Bere burua birziklatzen duen plana? hots, zakarrontzira bota beharrean papera birziklatzeko ontzira botatzen den horietakoa? Bidegorriei ezer ez
Urarena aparteko gaia da... ez da soilik kalitatezko ura izatea (garbitzeko ordaintzen dugun tasa ikusita garbia baino Perrier izan beharko litzateke), arazoa Bizkaian ez dago ur kalitatean, daraman kloro kopuruarekin ezerk ezin dau biziraun ur urtean. Hamen arazoa, Arazoa, ur garraioa da, ur asko hodien mantenu eskasa (edo gabezia) dela eta galtzen da. Eta ezin dezakegu ura holan galdu. Eta beste Arazo handi bat erabilera da, herrietako lorategiak ureztatzeko ur-edangarria erabiltzen da. Ez litzateke logikoagoa izango Galindotik ateratzen den ur garbi baina ez-edangarria erabiltzea lorategiak ureztatzeko edo industriak hoztaile moduan erabiltzeko?
Bizkaiarako EAJ-PNV-ren proposamenekin bukatuko dut. Animo propagandarekin!

Iruzurkundeak, M27ko hauteskundeetako begira ultrapertsonala.

Alderdien proposamenak vs Koldotxuren gogoetak

Atzoko mezuak izan duen ohiartzunaren ostean (Merçi Teketen Zabaltzeagatik) gaurkoan EAJ-PNV-ren SPAM-arekin, barkatu, proposamenekin sartuko naiz. Atzokoan esan neban lehenak iristen izan zirela. Zabaldu eta apenas papeletak eta bozkatzaeran garrantziaz mintzo ziren. Portzierto, oso ekologista bilakatu zaizkigu jeltzaleak, birziklatzeko deia eginez, pena ingurugiro interes hau ez jartzea SuperSur eta Y-ko bezalako azpiegituretan. Hala ere, gaurkoan, Basauri eta Bizkaiarako dituzten proposamenak heldu zaizkit. Bi txandatan egingo dot oso luzea ez eitekoa, gaur Basauri (bakoitza bere etxerantz).

Gaztelera eta Bizkaierea zuzenean zera egingo ei dutela diote. Badazpada, eta kritikak hobeto ulertzeko, egungo alkatea EAJ-PNV-koa da, alderdi honek azken 16 urteetan herri hau kudeatzen egon da.

Herri garraio hobe eta ugariagoa: Metroa 2010ean (...) Uri-Autobusa (...) Bidebietako geltokiaren modernizazioa

Primeran! Ideia ona herriko auzoak bus bidez lotzea, zenbat kobratuko digute bidaia? Metroa eta Bidebietako geltokiarena ez dago Udaletxearen eskuetan, Bizkaiko Garraio Patzuergoa (Udaletxea beste kide bat baino ez da) eta RENFE-ren eskuetan hurrenez hurren.

Erreka igaroz: (...) lur esparru lez berreskuratzearen alde(...)

Beste era batera esanda: administrazioetara negar egiten joango gara Mercabilbao, espetxe eta kuartelak kentzeko. Bai, azken berrogei urteetan bezala.

Pertsonak aintzakotzak hartuz: (...) etxebizitza gehiago (...) Zahar etxe berria (...) haurtzaindegiak (...) behartsuekin solidaritatea (...) gizarte-laguntzetan gardentasuna

Bale. Etxebizitzena atzokoan PSE-EE-PSOE-k esandakoaren gauza bera diot: herritarrak galdu ditugu eta etxebitzak egin dira, edo lehen hamar batera bizi ziren edo zentzu handirik ez deko... etxebizitza hutsak aztertu. Gizarte onura den oro ona da, ez dakidana nork kudeatuko duen da, hau da, udal zerbitzuak diren edo entepresa pribatu batek (horrek dakarren galera guztiarekin) eramango dituen.

Auzoen arteko oreka: bardinak dira auzo guztiak (...) Udala parte-hartzailea sustatu

Eta azken 16 urteetan nor egon da udaletxean? Gezurrezko EAJ-PNV bat eta hauek benetazkoak dira? Eta alkategaia... ez da izan zinegotzia, ala? Eta guztiok dakigu herri guztietan auzo marginatuak daudela, berdinasunaren istoriatxo hori... mesedez.

Hirigintza jasangarria: (...) trenbide-modoiloa kendu (...) oinezkoentzat eremu barriak

Berriro ere Udaletxearen konpetentzia ez den zeozer (trenbideak RENFE-renak dira) eta kenduko dituztela azken hamar urteotan saldu digute. Oinezkoen kontuarekin pozik nago, baina kotxeak pasatuko dira? (Galizia kalean bezala?)

Zerbitzuak modernizatu: (...) albozamadun zaborontziak (...) aurreikusitako lurpeko aparkalekuak (...)

Ala! Beste batzuk zaborregaz. A ze afizioa, modan egongo ote? Kriston herrian bizi naiz, gure buruhausterik handiena zaborontziak ipini edo lurpetik joatea da. Flipaute. Eta aparkalekuegaz, gauza bera, eta gainera badiote aurreikusita dagoela, ordun, zer berri?

Kultura eta gazte-sorkuntza: (...) gazteentzako ekintzagunea (...) El Social programazioa bultzatu (...) Jolas eta Kultura-Jardueragune lez (...)

Bai, ekintzagunea, pasaden astean edo aste hontan aurkeztu zen hori, bai, zeozer entzun dot. El Social bultzatu, nora? Labarretik behera azken urteotan bezala? Jolasgune, bakit zertaz doan, Kulturaguneak? E? Azaltzerik bai, mese?

Herritarren aisialdia: 10km uri-ibilbide berriak (...) Artundoaga-Arrigorriaga ibaiertzeko ibiltokia (...)

Nik nahi dut! Nabaritzen da Bilbo albokoak garela... 7km2-ko herri hiperdentso batean 10 km egingo dituzte. Hori bai dela gauzak botatzea. Bua, kristona.

Basauriko EAJ-PNV-ren proposamenekin bukatuko dut. Bihar Bizkaiarentzat eginikoei buruz arituko naiz.

Iruzurkundeak, M27ko hauteskundeetako begira ultrapertsonala.

Alderdien proposamenak vs Koldotxuren gogoetak

Postakutxara alderdien spam-a, barkatu, merkatu-txikiko eskaintzak, barkatu, proposamenak heltzen zaizkidan neurrian horiei buruz arituko naiz. Lehena EAJ-PNV izan da, baina PSE-EE-PSOE-k lan gutxiago eman dit Basaurirako euren proposamenak bistara jarri dituztelako, gutunazalik zabaldu gabe. Bakoitza, berari interesatzen zaiona, nire kasuan, nire herria. Hortaz, hortik hasiko naiz. Gaztelera zuzen batean (euskaraz soilik bi hitz eta toponimia datoz) zera eskaintzen didate

Aparkalekuak

Horiek iada badatoz Basauri "mugikorra" egiteko Udaletxeak proposatutako planean. Arrain izoztua freskoa moduan azaldu nahi?

Sarratu-Azbarren intermodala

eeeeeeeeeee, kontxo, itxoin, bai, badakit, hau, hau, Metroorain herritar ekimenaren proposamen bat da. Eta Udaletxeak iada bere gain hartu zuen. Orain beste baten arrain izoztua eurak arrantzatu moduan saldu nahi?

Etxebizitza denon eskubidea delako: (...) Etxebizitza udal gerentzia sortu 1300 etxebizitza egiteko (...) planifikazio aholku kontseilua sortu (...) gazteentzako udal etxebizitzak alokatu (...) erabilera aldaketa ordentza (...)

Zertarako horrenbeste gauza berri sortu? Diru gehiago bota konponbideak proposatu ditzakeen jendari ordainduz arazoak konpondu beharrean? Eta, itxoin, momentutxo bat, ea, ea, ea, a, bai, Basaurik azken urteetan biztanleriaren galera eduki du, baina, era berean, etxebizitzak eraiki dira. Ulertzen ez dudan zeozer dago hamen. Norbaitek etxebizitza hutsak ikertuko ditu etxebizitza berriak egin baino lehenago? Eta, hauek egin behar badira, non? Basaurin ez dago lekurik

Basauri atseginago bat behar dugulako: (...) aparkaleku gehiago sortu teknolgia berrien bidez solua aurreztuz (...) sarreretan hobekuntzak egin (...) Baskoniatik bi erreil (...) Urbitik bi erreil (...) Kaleron errotonda (...) Boluetarekin konexio hobea (...) etxebizitzak pertsona nagusi eta minusbalituei egokitu (...) oztopo arkitektonikoak kendu

Azken biekin ados nago, ideia onak dira. Beste biak, ufffffff, 1300 etxebizitza egiteko haina solu badaukagu, ez dakit zertara datorren orain solu apurra ondo aprobetzatzea. Eta sarrerena katxondeo bat da. Hori bai dela arazoak ez dauden lekutik sortu eta konponbide kaskar bat ematea. Garraio publikoa zer den bai jakin? Baskonia eta Boluetatik Bilbora joateko da gehienetan, metroa bi urte barru heltzen bada, hamendik trafikoa jeitsiko da; Urbikoa parregarria eta Kaleroko Rotondarena, ez baldin bada etxebizitza guztiak botatzen ez dago lekurik, eta gaur egun bidegurutze hori dagoen moduan ondo funtzionatzen du.

Administrazio gardenago bat behar dugulako: (...) Kexuaren bulegoa sortu (...) gastuen eta sarreren azalpena (...)

Kexuaren bulegoa? (Gazteleraz itsusiago gelditzen da, oficina de la queja) Ze txantxa mota da hau? Diru gehiago bota jendearen ''kexuak'' entzuteko? Kexak? E? Orain proposamenak, iradokizunak eta zer hobetu behar den kexu triste soilak dira? Hori al da gardentasuna? Eta niri gastuak eta sarrerak azaltzea primeran iruditzen zait, baina are gehiago euren soldatak eta udal administrazioarenak jeitsiko balituzte eta publikoak egin.

Zaborren lurperatzea: (...) Ahal den lekuetan (...) zaborra desagerterazteko (...)

Bai, noski, gutxi batzurentzat denon artean ordainduko diegu... gaueko bederatzi eta hamar t''erdi artean zaborra ez ikustea. Bai, hala da, Basaurin zaborra gauetan ateratzen da, gure herriaren orografia dela eta (karneta Basauritik atera dutenak gutaz ondo gogoratuko dira) ezin daiteke halakorik jarri, beraz, gauko bederatzitatik aurrera zaborra ateratzen dugu eta hamar t''erdi inguruan daramate. Bai, bai, oso itsusia egiten du. Eta birziklatzeko ontziena baldin bada... merkeago ateratzen da kamioiak maizago pasatzea.

Basauriko PSE-EE-PSOE-ren proposamenekin bukatuko dut. Gutunazalak zabaltzen jarraitzen dudanean kritika hauekin jarraituko dut.

Iruzurkundeak, M27ko hauteskundeetako begira ultrapertsonala.