SASKI-NASKI 2.0

Askotan izan dut web 2.0 aplikazioekin mesfidantza puntutxo bat, zeren datu eta informazio pilla uzten ditugu hortik zehar, mundu zabaleko zerbitzarietan. Horrek bertigo piska bat ere ematen du, datuen kontrola galtzen dugu eta. Dena den, badaude aplikazio batzuk zure bloga, edo beste batena edo webgune bat zure disko lokalean gordetzeko aukera ematen dizutenak.
Nik nire ordenagailuan Linux Fedora Core erabiltzen dut eta era erraz bat aurkitu dut nire blogen seguritate kopia egiteko, wget komandoa.
Horretarako, lehendabizi terminal bat zabalduko dugu eta cd komandoarekin kopia egingo dugun direktorioan jarriko gara. Orduan ondoko komandoa erabiliko dugu:

wget -m -p -np [blogaren URLa]

eta kopia egingo da.

-m aukerak webgunearen azpidirektorio guztiek kopiatzeko aukera ematen du.
-p aukerak behar diren fitxategi guztiak kopiatuko ditu eta ez htmlak bakarrik.
Azkenik -np aukerak ez du uzten direktorio aitara iristen.

Technorati: blogak • kopia, • seguritate