jonantxia blog
Hamentxe
Mezua: Kontu eta komeriak
2008-03-12
16:41:36, Atalak: jonantxia Kontu eta komeriak
Ikastaroa bukatzeko ez da asko falta, hori dela-eta zenbait kontu aipatu nahi nituzke:
- Norentzat izan daiteke egokia horrela lan egitea? Ikasleak berak ikusten ote du horren beharrik? Izan daiteke, ikasleak astirik ez duelako-edo horrela lan egin nahi izatea, etxean egin dezakeena etxean egin (audio, bideo, idazlan...) eta aurrez aurrekoa elkarreragina lantzeko edo taldean lan egiteko aprobetxatzea. Beharbada, teknologia berrien bultzadari jarraituaz, lan egiteko modu hori erakargarria gerta dakioke. Edo zenbait urte barru gure ohiko ikasleak horrela lan egiteko eta ikasteko trebatuta egongo direla uste dugu, eta bide hori jorratzea aurretiko pausoak egitea dela uste dugu; gu haien maila berean egon gaitezen. (Teknologien gizartea deituriko hori ez da erakutsi nahi diguten bezain ederra, oraindik asko falta dugu horretara heltzeko).
- Autonomia ezinbestekoa. Horixe dugu gainditu beharreko ikasgaia. Ikasle autonomoak behar ditugu horretarako, edo dauzkagunak hezi egin behar ditugu autonomoago izan daitezen. Lan egiteko modu horretara, hein batean autoikaskuntzarekin gertatu den bezala, egoerak bultzatuta etorriko direla uste dut. Ezinbestean autonomo bihurtu behar izan dute autoikaskuntzako ikasleak (ez denak baina).
- Autoikaskuntzaren anaia nagusia izan daiteke blended learning hori; eta autoikaskuntzarekin gertatu bezala, gure eskaintzan txertatu beharko genuke; baina ez beste erremediorik ez dagoenean eskaintzeko; horrela egingo bagenu marketing eskasa izango litzateke; horretan sinesten ez dugula pentsatuko du hainbatek.
- Horretarako, konpromisoa ezinbestekoa da. Sistemak funtzionatuko badu, ikasleek eta irakasleak konpromisoa hartu beharko dute bakoitzak bere eginkizunak bete ditzan.
- Nire ikasleak ez dira, beharbada, "eredugarrienak" talde mistoan lan egiteko; edo oraindik ez daude gertatuta horrela lan egiteko, ez die inork irakatsi, ez diegu irakatsi. Azken batean, horrela ikasi ote daiteke? (Betiko galdera). Baietz erantzun beharko diegu; horretarako ikasten ikastea bezalako kontzeptuak barneratu beharko lituzkete gure ikasleek. Euskal Herriko zortzi probintziek eskaintzen dituzten baliabideei etekina ateratzen asmatzea ederra izango litzateke.
Zabaldu
Bildu
TwitterErantzunak:
Ez daude Erantzunak mezu honetan...
Erantzun:
Kudeaketa
jonantxia blog
Bilaketa
Azken erantzunak
Azken mezuak
- Baloraziotxoa (jonantxia atalean)
- Kontu eta komeriak (jonantxia atalean)
- Ikasleei plataformaren berri eman diegu (jonantxia atalean)
- On-line eta aurrez aurreko lana uztartuz (jonantxia atalean, 2 iruzkin)
- Eredu egokiaren bila (jonantxia atalean)
- Estatu batuarrak burutik jota daude (jonantxia atalean, 2 iruzkin)
- Seme-alabak (jonantxia atalean, 1 iruzkin)
- Egin beharrekoak (jonantxia atalean, 2 iruzkin)
Artxiboak
- Martxoa 2008 (3)
- Otsaila 2008 (1)
- Azaroa 2006 (4)
- gehiago...
Blog hau sindikatu
- RSS 0.92: Mezuak, Erantzunak
- RSS 1.0: Mezuak, Erantzunak
- RSS 2.0: Mezuak, Erantzunak
- Atom: Mezuak, Erantzunak
Ikastaroak, garapena, zerbitzu informatikoak, blogak
powered by
