<object width="425" height="355"><param name="movie" value="http://www.youtube.com/v/v2qp53VpFbQ"></param><param name="wmode" value="transparent"></param><embed src="http://www.youtube.com/v/v2qp53VpFbQ" type="application/x-shockwave-flash" wmode="transparent" width="425" height="355"></embed></object>

BRANKA.BIZ: Bilboko erriberako etxe okupatua desalojatzen ari dira ertzainak. Goizeko 10 inguruan sartu dira ertzainak eraikinean, batzuek ondoko etxe batetako teilatutik eta besteak atetik.

Goizeko 10ak inguruan gertatu da, ertzainak zain egon dira Erribera kaleko okupatutako etxetik bertan bizi den gazte bat atera arte, orduan berarengana jo eta bere etxeko atea irekitzera behartu dute. Bitartean beste ertzain talde bat teilatutik sartu da, antza denez ondoko beste etxeren batetatik igo dira teilaturaino.

 

Etxebizitzan zeuden beste bi lagun identifikatu eta kanporatu dituzte, eta beraien hainbat objektu pertsonal eraman dituzte, hala nola lilburuak, aldizkariak... Gazteek ertzainen arteko elkarrizketa entzun dute: "nik liburu bat hartu dut, nik aldizkaria".

Kanpoan gertaera ikusita batu den hainbat jende ere identifikatu dute.

Goizeko hamaikak diren hontan ertzainek oraindik erriberako etxea inguratua dute.

Arratsaldeaan manifestazioa deitu dute desalojoa salatzeko, 19:00etan Arriaga antzokitik aterako da.

Datorren ostiralean, hilak 18, gaueko 21:30ean, "Soy especial"  Vuela Bonita Korporation konpainiaren antzezlana eskainiko da Getxo udalerriko Itzubaltzeta / Romoko Itzubaltzeta gaztetxean. Nagore Hernaezek sortutako gidoitik eta bere zuzendaritzapean, Leire Olaran eta Jose Angel Escobar aktoreek munduko gizonik sineskorrenaren Ilargirako bidaia kontatuko digute 45 minutuko saioan zehar. Izan ere, gure inozoak Ilargira heltzean, "ni ere berezia naiz, uste dut" esan zuen. "Soy especial" da protagonistaren ametsa. Eta antzezlana bere arimatik egindako sarraldia da, bere desioak bisitatzen dituena, haietariko handiena Ilargira teletransportatzea dela. Bidaia humorearen bitartez egingo dugu, nahiz eta protagonistak ez jakin.

Emanaldirako sarrera 2 eurotan erosi ahal izango da gaztetxean bertan. Gaztetxeak hilero antolatzen ditu antzezkizunen bat, herriko oholtza bakarra inguruko artistei eskainiz.

Vuela Bonita Korporation konpainiak pasa den larunbatean, apirilak 12, estreinatu zuen "Soy especial" obra Astrabuduako Josu Murueta kultur etxean, Mugababe zirkuitoaren barruan, eta Itzubaltzeta gaztetxean burutuko dute lanaren 2. emanaldia. Ondoren, maiatzaren 17an, egongo da Algortan ere ikusteko aukera, Getxo Antzokian.

Konpainiari dagokionez, antzerki taldea 2002an sortu zen, Barakaldoko Antzerki-Eskolako hainbat ikasle ohik batu ondoren. Dagoeneko hainbat ekoizpen sortu dituzte, tartean "Mi abuelita me desnuda" jendarte arazoei buruzko kabaret musikala eta umeei kulturartekotasuna azaltzeko familia osorako antzerkia den "Babel Mundua". Horretaz gain, hainbat animazio-ekitaldi burutu dituzte umeentzat zein adin guztiko jendearentzat.

UKBERRI.NET: Ehunaka lagunek, 350 eta 400 bitartean Itzubaltzeta gaztetxeko iturrien arabera, parte hartu zuen atzo, larunbata, Itzuibaltzeta / Romoko gaztetxean eginiko Gazteok Bat Irabaziko Dugu! plataformaren aurkezpenean. Bertan, "herriko gazte eragile guztiak" ekimena abiatzera eraman zituen arrazoia azaldu zuten Gazteok Bat Irabaziko Dugu!-ren bozeramileek: "gazteon aurkako errepresioa inoiz baino handiagoa da, maila guztietan: atxiloketak, torturak eta bortizkeria, desalojoak, adierazpen ukatzea, eguneroko jarduerak debekatzea...". Gazteak "terroristatzat" hartzen dituztela salatu zuten ere: "nahikoa da kartelak jartzea terrorista izateko". Plataforma berriak egoera horren aurka jardun, gazteriak pairatutako errepresioa salatu eta gazteak laguntzea ditu helburu. Dagoeneko, Itzubaltzeta / Romoko honako gazte erakundeek bere sostengua eman diote: "HNT, Segi, Ikasle Abertzaleak, Ez Jaun Ez Jabe eta Itzubaltzeta gaztetxea".

Gazte ekimena aurkezteaz gain, Ovarios Varios punk bertsioak egiten dituen emakume gazteen taldea, El Trono de Judas Iruñeko punk-rock talde ezaguna eta Los 4 elementos banda sarturtziarra entzuteko aukera eman zuten antolatzaileek. Era berean, kontzertuan atera zen dirua Barakaldoko Dorretxea gaztetxearen desalojoaren harira jarritako isunak ordaintzeko bideratuko dute.

Gazteok Bat Irabaziko Dugu! gazte plataformaren oharra:

Garai honetan gazteon aurkako errepresioa inoiz baino handiagoa da, maila guztietan: atxiloketak, torturak eta bortizkeria, desalojoak, adierazpen askatasuna ukatzea, eguneroko jarduerak debekatzea...

Halaber, sarritan terroristatzat hartzen gaituzte, inongo eskubiderik errespetatu gabe. Pasa den urtean ehunaka gazte espetxeratuak izan ziren aitzaki hori erabiliz. Nahikoa da kartelak jartzea terrorista izateko. Eta hau guztia beldurra eta indarkeria erabiltzen trebeenak diren eskutik.

Aipatutako guztiari aurre egiteko eta elkartasuna emateko Gazteok Bat Irabaziko Dugu! deitutako gazte taldea sortu dugu Erromon. Herriko gazte eragile guztiak parte hartzen dute horretan, errepresioaren aurrean batzeko, plataforma baten moduan.

Gazteon ametsa argi eta garbi dago: bidezkoa ez den errealitate hau aldatu nahi dugu, sistemaren aurka egingo dugu, geure irtenbideak aurrera eramango ditugu...

Zuen komunikabideak, "segurtasun" indarrak, espetxeak eta abar erabil ditzakezue gure aurka, baina ezin izango duzue inoiz ekidin gure ideien alde borrokatzen jarraitzea.

Gazteriarekin ezin izango duzue!

Gazteok bat irabaziko dugu!

Gazteok Bat Irabaziko Dugu!

Atzo, arratsaldean, istripu baten ondorioz, eztanda bat gertatu zen gaztetxean. Sute txiki piztu zen, eta gazteek azkar itzali zuten arren, auzokideek kea ikusi eta suhiltzaileak deitu zituzten. Hauek zein Udaltzaingoa bertaratu zirenean sua itzalita bazegoen ere, egoeraz baliatu ziren Zazpi Katun sartu eta desalojatzeko. Gazteek mobilizazioak deitu dituzte.

Bilboko Alde Zaharreko Gazte Asanbladk atzo zabaldutako oharra:

Gaur arratsaldean Bilbooko Alde Zaharreko gaztetxean istripu baten ondorioz, eztanda bat gertatu da, eta ondoren, sute txiki piztu da. Momentu horretan Gaztetxean zeudeen gazteek berehala sua itzali dute. Ondoren, auzokideekin hitz egin dute gertatutakoaren berri emateko.

Hala ere, ordurako Bilboko polizia munipizalak etorri dira suhiltzaileekin hasiera bateko ikuskapena egiteko aitzakiaz. Geroago, Ertzaintza andana bertaratu da eta beti bezela, era oldakor batez Gaztetxearen inguruan geunden dozenaka gazte identifikatu eta indarrez gaztetxeko ingurutik urrunduarazi gaituzte. Era berean, gaztetxeko kide ba biharko deitu dute Bilboko epaitegian epaiketa azkar bat egiteko, inolako arrazoirik gabe.

Ikusgarria izan da Ertzainek zabaldu duten dispositiboa, haientzako egokia zen testuingutu bat sortzeko eta gaztetxea kriminalizatzeko. Izan ere, nahiz eta gaztetxeko kideek gertatutako istripuaren berri eman, beraiek izugarrizko parafernalia erabiliaz leherketa kasuetarako unitate bereziak bertaratuz. Egoera honetaz guztiaz baliatuz gaztetxea goitik behera miatu eta atea prezintatu dute.

Guzti honen aurrean gazteok auzoan dagoen 7 Katu Gaztetxe baten beharra aldarrikatzen jarraituko dugu; oraingoz, honako deialdi hauek deitzen ditugularik:

• Ostirala 11:
• Arratsaldeko 16:00etan Bilboko epaitegien aurrean elkarretaratzea epaituko duten gazteari babesa emateko.
• Arratsaldeko 19:00etan mania Alde Zaharrean
• Igandea 13:
• Goizeko 12:00etan 7 Katu Gaztetxearen aurrean prentsaurrekoa eskainiko dugu

Resumen Latinoamericano agerkariak antolatutako zine politikoaren zikloaren barruan, 2001eko irailaren 11ko atentatuen alde ilunari buruzko "911 Mysteries" filma proiektatuko dute bihar, igandea, 19:30ean Itzubaltzeta / Romoko Itzubaltzeta gaztetxean. Zine politikoaren zikloa martxoaren 12an hasi zen eta "laugarren boterea" delakoa, hau da, hedabideak hartu ditu gaitzat, martxoan zehar antolatutako proiekzioetan, Hain zuzen ere, ziklo horretakoa da "911 Mysteries" filma, martxoaren 23an proiektatzea aurreikusita zegoena, baina Gazte Topagunea dela eta atzeratu zena. "911 Mysteries" filma jatorrizko bertsioan (ingelesez) eta erdarazko azpitituluekin emango dute. Bertan, 2001eko irailaren 11n AEBetan gertatutako atentatuen gainean hedabideek zabaldutako bertsio kontrajarriak ditu hizpide. Hurrengo emanaldiak, berriz, Ameriketako Estatu Batuek (AEB) Latinoamerikako herrialdeetan duten esku sartzeaz jardungo dute.

Txorimalo gaztetxearen oharra:

¿¿??

Hona hemen lapurreta ondoren ezezagunek egineko pintada gaztetxe barruan.Beste lapurretan eta mihaketetan burutu zirenean ez zen agertu honako pintada edo arrastrorik.

Txorimalo gaztetxearen oharra:

Gaur gauean lapurreta izan da Txorimalo Gaztetxean. Sukaldeko lehiotik sartu eta bertan zegoen Bideo camara, dvd eta 2 motxila desagertu egin dira. Informazio gehiagorik ez daukagu oraindik

7 Katu gaztetxearen mezuaren laburpena:

Pasa den astelehenean goizean Bilboko udaltzainek eta ertzainek Bilboko Zazpi Kaleetako 7 Katu gaztetxea desalojatu zuten. Ondorioz,Zaurituak izan ziren eta gazte bat ospitalera joan behar izan zen burua apurtu baitzioten. Goiz osoan zehar, guztira 7 gazte identifikatu zituzten. Arratsaldeko 7,30ean asanblada informatiboa eta manifestazioa burutu ziren eta ondoren gazte batzuk gaztetxean sartu eta gaztetxea berreskuratu zuten auzoarentzat. Mehatxu guztien gainetik auzoak behar dituen beharrak asetzeko, gaztetxea defendatzen jarraituko dugu! Horregatik desalojoaren aurka eta gaztetxearen alde astean zehar burutuko diren mobilizazioen berri ematen dizuegu:

Hurrengo deialdiak:

Larunbata 23; iluntzeko 8tan mania zirkularretik

Ondorengo egunetan, egunero izango dira asanbladak iluntzeko 7tan Zazpi
katu gaztetxean bertan.

Gogoratu nahi dugu ere, mehatxuak jarraitzen duela, eta datorrean astean
otsailak 27rako OLABEAGAKO GAZTETXEAK desalojo agindua duela. Desalojoen
aurrean, ERRESISTENTZIA

Astelehenean abiatu genuen autogestio astea bihar, larunbata, amaituko da, baina oraindik badago aukera ondo pasatzeko.

Gaur, ostirala, Beñat eta Peru Vidal leioaztarrak, Itxaso Paya guaitoa eta Itzubaltzetako Bertso Eskolako kideek beraiek abestuko dute 22:00etatik aurrera egingo den bertso-afarian. Sarrera bost eurotan jaso daiteke.

Bihar, berriz, goizeko 11etan zabalduko dugu artisau azoka, ondoan astelehenetik irekita dagoen herri-denda ondoan izango duela. Artisau azokan herriko hainbat artista gazteen lanak ikusi eta erosi ahal izango dira eta herri-dendan berriz, eskualdeko hainbat eragileen materiala eskuratu, tartean HNT, Ez Jaun Ez Jabe, Segi, IA, Askatasuna edota gaztetxearena berarena. Iluntzeko 9etatik aurrera, berriz, kontzertua abiatuko da, Josu Distorsion y los del puente Romano banda mitikoarekin eta baita Extorsion eta Atadxs a Nada taldeekin ere. Sarrera gaztetxearen atean bertan erosi ahal izango da, hiru eurotan.

Sioux taldeak hainbat arazo tartean ezin izango da etorri eta hortaz, kontzertua ordu batez atzeratu dugu 8etatik 9etara, 7 Katuren aldeko manifara joan ahal izateko eta kontzertuak gehiegi atzeratu gabe gero auzokideei trabarik ez sortzeko.

Gaur goizean Bilboko Zazpi Kaleetako 7 Katu gaztetxea desaljatu dute Ertzaintzak eta Bilboko Udaltzaingoak. Desalojoa 8:45ak eta 13:15ak bitartean eman da, teilatura heldu den gaztea jaitsi dutenean eta kargaz Solokoetxe, Errondabide eta inguruko kaleak hustu ondoren. Gazte bat larrialdietan sartu dute ertzainek sortutako zauriak direla eta. Gazte Asanbladak kontzentrazioa eta kalejira deitu du arratsalderako Bilboko Zazpi Kaleetako Santiago Katedralaren aurrean.

Desalojorik ez, erantzunik gabe!

Larunbatean mendira goaz!

Itzubaltzetako koadrilen arteko olinpiadek jarraitzen dute eta larunbat honetan izango dugu puntuagarria den hurrengo proba: mendi txangoa Pagasarrira. Goizeko 8etan, gaztetxean. Ez ekarri autorik, garraio publikoz joango baikara. Kantinplora edota zahatoa berriz ez ahaztu!

Ah! eta aurretik ez ahaztu izena ematen kartelean agertzen diren taberneren batean.

bikaina ospatu zen Itzubaltzetako frontoian.

Zapatuan goizeko 11-ketarako, 16 bat kuadrilek, frontoia okupatuta zeukaten. Pankarta pare bat ta musika jarri eta frontoiko giroa berotzen hasi zen!!

 

Gazte asanbladak partidak antolatu eta txapelketa hasi zan. Bi partida jokatu zuten kuadriletako bikote bakoitza. Bat eskupilotan ta bestea paletan, partiduak 9 tantutara jokatu ziren.

Izerdi nahiko bota zuen bat baino gehiagok!!!.

 

Egurdi aldean txapelketan geldiune bat egin zan. Algortan 13.30etan uribe kostako gazteok hitzordua geneukan. Gazteok bat lemapean eskualdeko gazteak elkartu giñen.

 

Eguerdirako final-laurdenak ta finala ospatu behar ziran. Hauek izan ziren partidu jarraituenak eta frontoiko giroa gori-gori jarri zen!!.

Txapelketari bukaera emateko bertsoak eta luntxa euki zuten txapelketan parte hartu zutenek. Gazte asanbladak ekintza ezberdinak antolatzen gaude jo ta ke!!. Gure helburua kuadrila ezberdinen arteko komunikazioa lantzea eta haien artean harremank sendotzea da.

Hurrengo ekintza prestatzen hasi gara!!. Beraz kujadrilak adi ibili!!!

si eta gaueko iluntasunaren pean, Santa Eugeniako kultur etxearen inguruan hartu zuten lurra atzo, asteartea, Gobelako piratek. Eraikineko defentsak kanoikadaz garaitu ostean, bataila erreza ron kupelen artean algaraka ospatu eta larunbat honetan, otsailak 2, Itzubaltzeta / Romo eta Pinuetan ospatuko dituzten inauterietan herritarrak parte hartzera deitu zituzten. Izan ere, Ziztu Bizian, Erromo eta Pinuetako Jai Batzordea eta Itzubaltzeta gaztetxeko txalupa-neska-mutilek lagunduta, eta Getxo eta Leioako Udalei zein Eroski Fundazioari lapurtutako altxorrak direla medio, ekitaldiz betetako egitaraua osatu dute herri pirata horretan: jolasak eta tailerrak, gaztelu puzgarriak, bazkari herrikoia, kalejira herriko kaleetatik, erromeria eta abar luze bat. Gobelako piratek herri hori banatzen duen mugaren bi aldeetan, Leioako Pinuetan eta Getxoko Itzubaltzeta / Romon, berdin lapurtuko dituzte atso, agure, neska-mutil zein helduen irribarreak. Aldiz, mozorrotuta ez dabilen hiritarrak gatibu eramateko mehatxua egin dute: "galeretara eramango ditugu ibaitik gora, ahateen irlan geldi daitezen, beraien barnean umore ona hazi arte". Beren seme-alabak mozorrotu bai baina haiek mozorrotzen ez diren gurasoekin "bereziki krudelak" izango direla diote: "oinazpietan kili-kiliak egingo dizkiegu faisai lumez".

 

 

Hiru tripulazio izango dira abordaje horren erantzuleak, norberak bere kapitainak dituen trebeziez baliatuta. Ziztu Bizian Eskatut Taldea, Erromo eta Pinuetako Jai Batzordea eta Itzubaltzeta Gaztetxea itsasontziek kultur-dinamika aberatsaren haizeaz baliatuta Itzubaltzeta / Romo eta Pinueta herri bizia izatea dute helburu. Horregatik, norberaren eguneko lanez gain, indar metaketa eta komuneko lana indartu dute, horrela galeoi handiagoak suntsitu dituztelakoan, herrian dinamizazio bateratua ematearena kasu. Hori dela eta inauteri edo aratuste herrikoiak, kritikoak, lotsagabeak eta zazpi itsasoetako piratek beraiek pirata guztientzako eginda, hots herritarrek herritarrentzat eginikoak, burutuko dituzte, umorea duen inor kanpoan utzi gabe.


Itzubaltzeta / Romo eta Pinuetako Inauterietako egitaraua:

12:00etatik 14:00etara, Itzubaltzeta / Romoko Santa Eugenia plazan (euria eginez gero Romo eskolako frontoian):
- Rokodromoa
- Puzgarriak
- Perkusio tailerra
- Malabarismo tailerra
- Jai eta musika giroa
- Ping-pong
- Mahai-futbola
- Umeentzako jolasak
- Umeentzako mozorro lehiaketa. Sariak ume guztientzat egongo dira.

15:00etan, Itzubaltzeta / Romoko Santa Eugenia plazan (euria eginez gero Romo eskolako frontoian):
- Herri bazkaria

16:30etik 18:00etara, Pinuetako Cervantes parkean:
- Puzgarriak
- Jolasak eta tailerrak
- Txokolatada

18:30etik, Pinuetako Cervantes parketik abiatuta:
- Kalejira Pinueta eta Itzubaltzeta / Romotik zehar, herriko koadrilak eta animatzen den jende guztiarekin.

20:00etan, Itzubaltzeta / Romoko Santa Eugenia plazan:
- Txokolatada
- Erromeria Trakets taldearekin

Ez ahaztu, koadrilakide hori! Gaur zintzo etxera bihar, larunbatarekin, goizeko 11etan Romo ikastetxeko frontoian hitzordua duzu eta...

Esku pilota eta palan hasiko baitira Itzubaltzetako Koadrilen Arteko Olinpiadak eta saio guztiek puntuatzen dutenez... ezin duzu bat bera ere ez pasatzen utzi. Gainera, gogoratu koadrila bakoitzak hainbat bikote aurkez ditzakeela eta mistoak badira hobeto. Jakina, zure koadrilaren koloreak ekarri!

Kirolaz gain, Itzubaltzetako Bertso Eskolaren emanaldia, luntxa eta Uribe Kostako eta Bizkaiko gazte auziperatuei elkartasuna eta torturatzaileei gure amorrua adierazteko aukera ere izango da, Gazteok bat plataformaren manifestazioan egoteko parada izango baita.

Eutsi gogor eta ekin pilotari!

Itzubaltzeta gaztetxeak "Cuatro razones de Jenny Monzon para ser Jenny Monzon" Katastrofen! emakume konpainiaren antzezlana eskainiko du bihar, ostirala, gaueko 21:30ean, herriko oholtza bakarra inguruko artistei eskaintzeko hilean behin antolatzen duen antzezkizuna jasoz. Jone Garciaren zuzendaritzapean eta bere abestiek girotuta, Leire Olaran aktoreak etxe-aldaketa baten lekukoa eskainiko du 50 minutuko saioan zehar. Izan ere, Jenny Monzon pertsonajea auzoz aldatuko da bihar, 32 urte dituela, eta bakarrik ari da bere gauzak antolatzen. Baina arropa poltsa batean bizi den Jenny etxe txikiago batera aldatuko denez, gauza tolesgarriak baino ezin izango ditu eraman. Istorioaren zehar, aldaketak Jennyrengan sortzen dituen beldurra eta ilusioaren jabe egingo gara. Era berean, atzean utziko dituen harremanak, egiteke utzitako kontuak, munduan kokatzeko eta ulertzeko saiakerak ere izango dira antzerkigai. Katastrofen!-ek azaltzen duenez etxebizitza arazoaz ere hitz egiten du saioak "beltza izan arren, umorea ez galtzen saiatuz". Sarrera 3 eurotan eros daiteke gaztetxean bertan. Argazkia: Onintza Elorriaga.