Itzubaltzeta gaztetxea

Itzubaltzeta gaztetxearen bitakora

Mezua: Otsailaren 16an, osteguna, lan baldintzei buruzko bideoforuma

2006-02-13

18:16:27, Atalak: Itzubaltzeta

Otsailaren 16an, osteguna, lan baldintzei buruzko bideoforuma

"¿Se entera o no se entera la clase obrera?" titulupean, bideo-foruma izango da ostegun honetan Itzubaltzeta gaztetxean, arratsaldeko 7etan. Horretarako, 1985ean ekoiztu zen “La Batalla de Euskalduna” 36 minutuko laburmetraia proiektatuko da. Horrezkero, eztabaida zabalduko da. Filmean kontatzen da Euskalduna ontzioletako langileen borroka, Madrilgo Gobernu "sozialistak" enpresa itxi ez zezan. Garai haietan, Europako Batasunak klub komunitarioan sartzeko Espainiako Estatua behartu zuen ontziolen ekoizpena erdira murrizten eta sektore gehienetan langileen eskubideak sano murrizten. Gaur egun, 14-D greba arrakastatsua ekarri zuen "Gazteriarentzako Lan Kontratua" Ipar Euskal Herrian ezarri dute eta zerbitzuen sektorean lan baldintzen behin-behinekotasuna ekarriko lukeen Bolkestein araua eztabaidagai dago Europako Batasuneko Kontseiluan, Espainia eta beste estatu batzuen oniritzirekin. Bestalde, Aldi Baterako Lan Enpresak (ABLE) hor jarraitzen dute...

Argazkia Diezpalabras-etik hartu dugu (mila esker!)

Itzubaltzeta gaztetxea

Zabaldu•

Bildu•

Twitter• Permalink-a • Erantzun 1

Erantzunak:

Bidaltzailea: koldotxu [Kidea] · http://www.blogari.net/koldotxu

Arazoa ea langile klasea dagoen edo nahiago dugun klase ertain eroso baten ilusioa edukitzea. Gaur egun ez da eskubideen alde burrukatzen, eta nornor saiatzen danean ez dauka inolako laguntzik; hala ere mundu guztia irrikatan dago nornork aurpegia euregatik apurtzea bere burua inplikatu barik. Gure eskubideen alde beste batek bere buruaz beste eitea da gura duguna, geu eskuak zikindu barik. Klase ertainaren ilusioa oso polita da.

2006-02-13 @ 19:26

Erantzun:

Kudeaketa

Itzubaltzeta gaztetxea

Egungo Itzubaltzeta gaztetxea izen hori jaso duen bigarren gaztetxea da. Ertzaintzak EAJren oniritziarekin Santa Eugenia kaleko gaztetxea indarkeriaz hustu eta 3 egunetara, 2004ko irailaren 30ean okupatu zen egun gazteon topagunea den Errekagane 1-5eko gaztetxea. Bertan, antolakuntza, aisia eta borroka autogestionatua topatuko duzu. Itzubaltzeta izena herriko toponimo euskalduna da. Izan ere, Romo bezala ezaguna bada ere, gaztelerazko abizen hori zeukan enpresarioa lantegia eta langileentzako lehenengo etxeak (etxe merkeak) eratu baino lehen itzu beltza gune zen lurraldea.