Itzubaltzeta gaztetxea

Datorren asteazkenean, irailak 6, arratsaldeko 8etan, Itzubaltzeta gaztetxeak kurtso berria hasteko batzarra burutuko da. Batzarra horretara gonbidatuta daude gaztetxea erabiltzen duten kolektibo, kuadrila eta tailer guztiak zein interesa duen pertsona oro. Besteak beste, aurtengo tailerrak, eta lehenengo hilabeteen nondik norakoak zehaztuko dira bertan. Asteazkenera arte!

1.- Getxoko Udal Gobernuak (EAJ, Eusko Alkartasuna eta Ezker Batua) polizia indarrak erabiltzeko mehatxua egin du, Itzubaltzeta gaztetxeak gaurko Autogestio Eguneko ekitaldiak bertan behera utziko ez baditu.

12:00. Arropa azoka Xake plazan.
13:00. Murala.
15:00. Herri bazkaria.
17:00. Olerkiak eta bakarrizketak.
19:30. Bideo emanaldia Itzubaltzeta gaztetxean.
20:00. Kontzertua Ehiztari, Noizean Behin eta Biok taldeekin.

Mehatxu hori atzo heldu zitzaigun dekretuz mozorrotuta:
 
“Dekretua: 3282/2006. Data: 15/06/2006. Gaia: Prohibiendo expresamente a ITZUBALTZETA GAZTETXEA celebración actos día 17 de junio de 2006. Arloa: Régimen Interior. Erref.: AC/AU/sa. Interesduna: Itzubaltzeta gaztetxea”.

EAJ, EA eta EB taldeek, egungo erregimeneko legerian babestuz, erabaki dute debeku horretaz “berri ematea Getxoko Udaltzaingoari eta Ertzaintzari, zehatz-mehatz bete dezaten”.

2.- Itzubaltzeta gaztetxeak EAJ, EA eta EB taldeei erantzuten die:

a) Jendarte zentro autogestionatua, edo gaztetxea, bertan parte hartzen duten pertsonen eskuetan dagoen tresna da. Hainbat eta pertsona gehiagok eta anitzagoek osatu, orduan eta hobeto. Horregatik, asanblada bidez eta aho batez erabakitzen duten bertako partaideek osatutakoak ez diren instituzioek edo erakundeek ezin izango dute kontrolatu. Jakina, diru laguntzarik ere ezin du jaso gaztetxeak...

b) Ez ditugu onartzen beraiek nahierara jarritako debekuak, herriko gazteria eta beste auzokideek batera erabakitzen dugunak baino ez gaituelako gidatzen.

c) Gainera, erabilitako argudioak barregarriak dira. Esan digute “hala plazak nola kaleak eta bideak tokiko erabilera publikoko ondasunak direla” eta plazez, kaleez eta bideez gozatzeko baimenak emateko ahalmena jarri diete beraien buruei. Horregatik, “hamar egun lehenago” baimena ez eskatzeagatik, EAJ, EA eta EBk debekatu dituzte Ibaiondo eta Xake plazako ekitaldi guztiak, nahiz eta autoen eta pertsonen trafikoa ez oztopatu  eta inori kalterik ez egin.

Era berean, beste lege bat erabili dute Itzubaltzeta gaztetxean burutzekoak diren zinema eta musika ekitaldiak haien nahiera makurtzeko. “Erakunde antolatzaileak behar bezala egiaztatu badu lokala edo instalazioa (...) erabilgarri dagoela” eta “eska daitezkeen segurtasun eta higieneko baldintzak betetzen dituztela” baieztatzea omen da aitzakia. Halere, dagoeneko Itzubaltzeta gaztetxeak mota horietako 100 ekitaldi baino gehiago burutu dituela gogoratu behar dugu. Itzubaltzeta gaztetxeak arduratsu eta ongi jardun du horietan eta herriko auzokideei ekitaldien berri eman die.

d) Ez da lehenengo aldia jokabide hauekin harritzen gaituztena. Herriko beste kolektibo batzuek bere baitan pairatu dituzte Udalak jarritako oztopoak, nahiz eta zegozkien baimenak eskatu.

3.- Itzubaltzeta gaztetxeak erabaki du:

a) Mantentzen ditugu eta mantenduko ditugu Itzubaltzetako gazteok asanblada bidez erabakitako jarduerak.

b) Gure auzokideak errespetatzeko diogun konpromisoari tinko heltzen segituko gara.

c) Zuen inposaturiko sistemari alternatibak sortzeko antolatzen jarraituko dugu.

Gora gaztetxeak! Gora bihotzak!

Ekainaren 17an Autogestioaren Eguna ospatuko dute Itzubaltzeta / Erromo herrian zehar gaztetxeko kideek. Ekimen horrekin, Itzubaltzeta Gaztetxeak 2004ko ekainaren 19an herriko gazteriak okupatu eta 4 hilabete geroago Ertzaintzak eta Getxoko Udalak eraitsitako gaztetxearen proiektu berarekin jarraitzen duela islatu nahi du. Bi urte hauetan gaztetxea gazteen topagunea, aisi eta borrokagunea izan da eta izaten jarraitzeko asmoa du.

"Bi urtez autogestioan, Itzubaltzeta aurrera" lelopean, egitaraua zabala prestatu dute gaztetxeko kideek, tartean azoka txikia, herri bazkaria eta Ehiztari, Noizean Behin eta Biok taldeen kontzertua izango dela.

Egitaraua:

12:00. Arropa azoka Ibaiondon.
13:00. Murala Xake plazan.
15:00. Herri bazkaria Xake plazan.
17:00. Olerki eta bakarrizketa parte hartzaileak Xake plazan.
19:30. Bideo emanaldia Itzubaltzeta gaztetxean.
20:00. Kontzertua Itzubaltzeta gaztetxean: Ehiztari, Noizean Behin eta Biok (3 euro).
24:00. Jaialdia.

"¿Se entera o no se entera la clase obrera?" titulupean, bideo-foruma izango da ostegun honetan Itzubaltzeta gaztetxean, arratsaldeko 7etan. Horretarako, 1985ean ekoiztu zen “La Batalla de Euskalduna” 36 minutuko laburmetraia proiektatuko da. Horrezkero, eztabaida zabalduko da. Filmean kontatzen da Euskalduna ontzioletako langileen borroka, Madrilgo Gobernu "sozialistak" enpresa itxi ez zezan. Garai haietan, Europako Batasunak klub komunitarioan sartzeko Espainiako Estatua behartu zuen ontziolen ekoizpena erdira murrizten eta sektore gehienetan langileen eskubideak sano murrizten. Gaur egun, 14-D greba arrakastatsua ekarri zuen "Gazteriarentzako Lan Kontratua" Ipar Euskal Herrian ezarri dute eta zerbitzuen sektorean lan baldintzen behin-behinekotasuna ekarriko lukeen Bolkestein araua eztabaidagai dago Europako Batasuneko Kontseiluan, Espainia eta beste estatu batzuen oniritzirekin. Bestalde, Aldi Baterako Lan Enpresak (ABLE) hor jarraitzen dute...

Argazkia Diezpalabras-etik hartu dugu (mila esker!)

Itzubaltzeta gaztetxea

Itzubaltzeta gaztetxea ez da ziberespaziora heltzen den lehenengo gaztetxea eta ez da azkena izango baina Itzubaltzeta herritik gure harri-koxkorra ekarri nahi dugu okupazioaren, gazte sormenaren, jai eta kultur herrikoien, euskararen, parekidetasunaren eta autogestioaren zabalpenerako. Bitakora honen bidez gaztetxean egozten diren kontuen berri izango duzu. Hortaz, adi egon!

Itzubaltzeta gaztetxea