irratia eskolan

Albiste hau ere topatu dut Hitzan. Interesgarria gurasoentzat.

Bihar, asteartea, guraso erdaldunei zuzenduriko hitzaldia izango da; ostegunean berriz, guraso euskaldunentzat

Etxean ere euskararen erabilera sustatu nahian, bi hitzaldi antolatu ditu Udaleko euskara zerbitzuak aste honetarako. Lehena, guraso erdaldunentzat; bigarrena, guraso euskaldunentzat.

Asteartea, 18:30 (Foronda): GAZTELERAZ
"No sabemos euskara...¿cómo podemos ayudar a nuestros hijos e hijas?"
Iñaki Eizmendik eta Julio Ibarrak emango dute hitzaldia.

Osteguna, 18:30 (Foronda): EUSKARAZ
"Nola lagundu nire seme-alabei euskaraz bizi daitezen?"
Iñaki Eizmendik eta Julio Ibarrak emango dute hitzaldia.



Guraso erdaldunek seme-alabei laguntzeko dituzten arazoez hitz egingo digute Iñaki Eizmendi eta Julio Ibarra kazetariek aste honetan Forondan. "Nola lagundu nire seme-alabei euskaraz bizi daitezen" izenburuaz bi hitzaldi eskainiko dituzte: lehenengoa gaur izango da arratsaldeko sei t'erdietan eta gaztelaniaz, eta bigarrena, berriz, ostegunean, euskaraz. Esan bezala, Forondan. ANIMATU GURASOAK!!

Zumaiako musikariek protagonismo handia dute hasi berria den Musika Astean. Izan ere, Musika Patronatuko kideen helburu bat horixe baita: herriko musikariek ikasitakoa praktikan jar dezaten. Musika Asteak horretarako aukera ematen du, baita beste herrietako musikariak entzuteko parada ere.

Astelehenean hasita eta astean zehar, hamaika emanaldi eskainiko dira. Aurten, eta programa indartzeko, emanaldi guztiak lotuta daude eta horregatik aste batean emango dira, ez sakabanatuta iaz bezala. Gaur eta bihar, Musika Eskolako ikasleen jaialdi bana izango dugu Maria eta Jose aretoan, arratsaldeko sei t'erdietatik aurrera. Hortik eta igandera arte. musikaz gozatzeko programa zabala duzue herriko hainbat lekutan.

Era berean, eta Musika Aste honen barruan, seigarren klarineta maratoia izango da. Hiru egunetan, 80 parte-hartzaile baino gehiago ariko dira Klarinete Maratoian; horietako asko zumaiarrak dira. Lehenengo saioa ostegunean,  etzi, izango da, arratsaldeko zazpi t'erdietan Ubillos Musika Etxean, eta bigarrena, ostiralean ordu eta leku berean. Ixteko kontzertua, berriz, igandean eskainiko da eguerdiko 12 t'erdietan Maria eta Jose Aretoan.

Igandean bertan, eta umeei zuzenduta, Bazen behin opera izeneko emanaldia ikusgai izango da Aita Mari aretoan, eguerdiko 12etan. Bazen behin opera haurrei zuzendutako opera didaktikoa da, eta Mozarten  etxean gertatzen den istorioa azaltzen da. Musikaren espirituak Mozarti haurrekin hitz egiteko ahalmena ematen dio eta Mozartek operaren garai ezberdinak aurkeztuko dizkie ikusleei, eta garai bakoitzean abesti bat joko dute Mozarten etxeko zerbitzariek. Antzezlana euskaraz da eta sarrerak doakoak diren arren,  ezinbestekoa da sarrerarekin joatea. Nahi izanez gero, sarrerak dagoeneko Turismo Bulegoan eskura daitezke.

UROLAKO HITZAN TOPATU DUT ALBISTE HAU. INTERESGARRIA IZAN DAITEKE GURE SAIORAKO. BAINA EZ HORRELA EMANDA.   EGOKITUKO DUGU IRRATIRAKO:


Hona hemen orijinala: Urolako Hitzatik hartua.

 Eskusoinu kontzertua izango da Aita Marin, 18:30ean; hemen duzue egunez eguneko egitarau zehatza

Guztira hamaika emanaldi izango dira Musika Astearen bigarren edizioan, eta lehenengo edizioan bezala, herriko musikariak izango dira protagonista nagusiak, baina ez bakarrak.

Zumaiako Musika Astea formato berri batekin aurkezten da aurtengoan. Aurreko urteetan emanaldiak antolatzen ziren arren, ez zeukaten loturarik bata bestearekin. Joan den urtean, Musika Astearen lehenengo edizioan, zenbait emanaldi bateratu antolatu zituzten. Aurten ordea, antolatzaileek emanaldi guztiak aste berean jartzea erabaki dute. "Musika Asteari indarra emateko, emanaldiek lotura izan behar zutela ohartu ginen, alegia, zerbait bateratua behar zuela izan eta horretarako aste osoko formatua hartzea pentsatu genuen", azaldu dute. Etorkizunean bide beretik jarraitzeko asmoa iragarri dute, "hori delako bide egokia".

Musika Astean Zumaiako musikariek protagonismo handia izango dute, hori baita beste helburuetako bat. Musika Patronatuko kideek (Musika Eskola, San Pedro Abesbatza, San Pedro Txiki Abesbatza, Beheko Plaza Jubilatuen Elkarteko Abesbatza, Udal Txistulari Banda eta Udal Musika Banda) formazio akademikoaz gain, ikasitakoa praktikan jartzeko beharra azpimarratu dute eta Musika Asteak horretarako aukera ematen die. Hala ere, beste herrietako musikariek ere izango dute bere tartea.

VI. Klarinete Maratoia
Musika Astearen barruan, VI. Klarinete Maratoiko entzunaldiak izango dira. Hiru egunetan, 80 parte-hartzaile baino gehiago ariko dira Klarinete Maratoian. Horietako asko zumaiarrak dira, baina Donsotiatik, Hendaiatik, Zumarragatik, Urretxutik, Azpeitiatik, Azkoitiatik, Legazpitik, Durangotik, Altsasutik edo Tolosatik gerturatuko dira klarinetea jotzera. Lehenengo saioa ostegunean, azaroaren 22an, izango da, arratsaldeko 19:30ean Ubillos Musika Etxean. Bigarrena, azaroaren 23an (ostirala), izango da leku eta ordu berean. Klarinete Maratoiko Amaiera Kontzertua, berriz, igandean izango da, azaroaren 25ean, eguerdiko 12:30ean Maria eta Jose Aretoan.


EGITARAUA, EGUNEZ EGUN

Astelehena 19

Emanaldia: Eskusoinu kontzertua
Musikariak: Amaia Zubimendi, Aritz Iturralde, Maria Zubimendi eta David Gordo
Lekua: Aita Mari zinema
Ordua: 18:30

Musika Astearen bigarren edizioa lau musikari gaztek zabalduko dute, Amaia Zubimendik (Zumaia, 1999), Maria Zubimendik (Zumaia, 1994), Aritz Iturraldek (Hondarribia, 1997) eta David Gordok (Gasteiz, 1982). Gazteak izan arren, eskarmentu handikoak dira eta zenbait lehiaketetan sari garrantzitsuak irabazitakoak. Besteak beste, Amaiak, Mariak eta Aritzek Gipuzkoako Akordeoi Lehiaketan Urrezko Dominak jaso dituzte, eta Davidek Arrasateko Akordeoi Lehiaketa ospetsuan lehenengo saria irabazi zuen 2003 urtean.

Emanaldian La niña de las cejas negras (Errumaniako abesti herrikoia), Minueto (L. Mozart), Una historia de piratas (Badett/Iturralde), Capricho (A. Repnikov) edo Preludio y fuga (J.S. Bach) bezalako piezak entzuteko aukera izango da.

Asteartea 20

Emanaldia: Musika Eskolako Jaialdia
Musikariak: Musika Eskolako ikasleak
Lekua: Maria eta Jose aretoa
Ordua: 18:30

Musika Eskolako ikasleak izango dira bigarren eguneko protagonistak. 200 neska-mutil baino gehiago pasako dira Maria eta Jose aretoko oholtza gainetik, orain arte ikasitakoa eskaintzeko.

Asteazkena 21

Emanaldia: Musika Eskolako ikasleen entzunaldia
Musikariak: Musika Eskolako ikasleak
Lekua: Maria eta Jose aretoa
Ordua: 18:30

Musika Eskolako irakasleek ikasleekin prestatzen dituzten emanaldiak ikusteko aukera izango da. Besteak beste, lengoaia musikala, gitarra, klarinetea, pianoa edo saxofoia bezalako instrumentuak entzuteko aukera izango da.

Osteguna 22

Emanaldia: Xixili eguna
Musikariak: Musika Patronatuko taldeak
Lekua: Herrian zehar
Ordua: 18:30

Musika Eskolako, San Pedro Abesbatzako, San Pedro Txiki Abesbatzako, Beheko Plaza Jubilatuen Elkarteko Abesbatzako, Udal Txistulari Bandako eta Udal Musika Bandako musikariak herriko kaleak alaituko dituzte Xixili egunean, hau da, musikarien egunean.

Osteguna 22

Emanaldia: Klarinete Maratoiko entzunaldia
Musikariak: Herri ezberdinetako klarinete-jotzaileak
Lekua: Ubillos Musika Etxea
Ordua: 19:30

Ostegunekoa VI. Klarinete Maratoiko lehenengo entzunaldia izango da. Hiru egunetan 80 klarinete jotzaile baino gehiago entzuteko aukera izango da.

Ostirala 23

Emanaldia: Klarinete Maratoiko entzunaldia
Musikariak: Herri ezberdinetako klarinete-jotzaileak
Lekua: Ubillos Musika Etxea
Ordua: 19:30

VI. Klarinete Maratoiko bigarren entzunaldia. Hiru egunetan 80 klarinete jotzaile baino gehiago entzuteko aukera izango da.

Ostirala 23

Emanaldia: Xixili eguneko kontzertua
Musikariak: San Pedro Abesbatza
Lekua: Parrokia
Ordua: 19:45

San Pedro Abesbatzaren emanaldia bi zatitan banatu dute. Lehenengo zatia korutik abestuko dute eta pieza hauek eskainiko dituzte: Guztiz ederra, Gloria-Gloria, Veni Sancte Spiritus, Sanctus-Benedictus, Tu es sacerdos, Libera Me, Cantantibus Organis eta Poz Abestia. Lehenengo zati honetako bakarlaria Miguel Angel Manterola izango da eta organo-jolea, Mª Carmen Azpeitia.

Bigarren zatian abesbatzako partaideak aldaretik abestuko dute. Arri Zubimendik eta Iñaki Agirrezabalak egingo dituzte bakarlari lanak, Agustin Zubimendiren gidaritzapean. Bigarren zati honetan Señor, me cansa la vida, Bagare, Illunabarra, Goizian argi, Ku-Ku, Axuri beltza eta Herriko festa abestiak eskainiko dituzte.

Ostirala 23

Emanaldia: Musikak eta hitzak
Musikariak: Carlos Casadó eta Damián Hernández
Lekua: Ubillos Musika Etxea
Ordua: 22:00

Carlos Casadók (klarinete baxua) eta Damián Hernándezek (pianoa) Musika eta hitzak izeneko emanaldi literarioa eskainiko dute. Musika eta literatura uztartuko dituzte. Horretarako Johan Favoreelen Zebus, Eugene Bozzaren Ballade, Francois Rasseren Lied,Carlos Guastavinoren Rosita Iglesias, Wolfgang Gabrielen Ballade Op. 23 eta Dirk Brosséren Elegy lanak eskainiko dituzte.

Larunbata 24

Emanaldia: Santa Zeziliaren omenez
Musikariak: Zumaiako Udal Musika Banda
Lekua: Maria eta Jose aretoa
Ordua: 19:30

Marixi Sesmaren zuzendaritzapean, Udal Musika Bandak bost abesti eskainiko ditu: Concerto Für 2 Klarinetten (Carlos Casadó eta J.L. Barredo izango dira bakarlariak), Concertino (Asier Martinek egingo ditu bakarlari lanak), Combo Concertino (Joseba Kortak, Nagore Aizpuruak eta Nerea Alonsok egingo dituzte bakarlari lanak), Portrait of a city eta Overture to "Candide".

Igandea 25

Emanaldia: Bazen behin opera
Musikariak: Belatrix taldea
Lekua: Aita Mari aretoa
Ordua: 12:00

Bazen behin opera haurrei zuzendutako opera didaktikoa da, neska-mutilak operaren munduan murgiltzeko ahalegin xumea. Kontatzen den istorioa Mozarten etxean gertatzen da, Musikaren espirituak Mozarti haurrekin hitz egiteko ahalmena ematen dionean. Mozartek operaren garai ezberdinak aurkeztuko dizkie ikusleei, eta adibide gisa, garai bakoitzean abesti bat joko dute Mozarten etxeko zerbitzariek. Antzezlana euskaraz da eta sarrerak -emanaldia doan da, baina ezinbestekoa da sarrerarekin joatea- dagoeneko Turismo Bulegoan eskuratu daitezke.

Igandea 25

Emanaldia: Klarinete Maratoiko amaiera emanaldia
Musikariak: Herri ezberdinetako klarinete-jotzaileak
Lekua: Maria eta Jose aretoa
Ordua: 12:30

VI. Klarinete Maratoiko amaiera emanaldiarekin bukatuko da Musika Astearen bigarren edizioa.

Zumaian, zerua oso hodeitsu egongo da gaurkoan.
Asteazkenean, zerua estalita egongo da eta euria egingo du.
Hegoaldean (Araban eta Nafarroan) meheagoak izango dira hodeiak eta euria arina eta noizbehinkakoak.
Nahiz eta tenperaturak egonkor mantendu, haizea zakarra izango da, eta, ondorioz, giro ezatsegina sortuko da.
Beraz, euritakoa ondo prestatu!!!


NIK PROPOSATZEN DUT GEHIAGO HURBILTZEA, HAU DA, GURI INTERESA ZAIGUNA AZALTZEA ETA ULERTERRAZA IZAN DADIN. ADIBIDEZ:

Zumaian, zerua oso hodeitsu egongo da gaurkoan eta, dirudienez, horrela jarraituko du bihar ere (ASTEARTEAN EMATEN BAITA SAIOA). Ez dut uste eguzkia ikusiko dugunik.
Hegoaldean, Araban eta Nafarroan, hodei gutxiago eta euria arina eta noizbehinkakoak. Beraz, kontuz hara joateko asmoa duzuenok (HEMEN SARTUKO NITUZKE ANTOLATURIKO TXANGOETAN IZANGO DEN EGURALDIA)
Tenperaturak egonkor mantenduko dira, hau da, ez dira jaitsiko. Hala ere, eta haizea zakarraren ondorioz, giroa ez da atsegina izango eta hotz sentsazioa izango dugu.
Beraz, euritakoa ondo prestatu, baina kontuz haizeak apur ez dezan!!!

IRRATIAN, IRRATI-HIZKUNTZAN, DENA EZ DA TESTUA; BESTE ELEMENTU BATZUK SARTZEN DITUGU:
 MUSIKA, HOTSAK (ERREALITATETIK JASOAK ETA SOINU-EFEKTUAK) ETA ISILTASUNA (GUTXIAGO). Orain, testuaren gainean elementu horiek txertatuko ditugu, testua gidoi bihurtzeko:

MUSIKA LP (15") ETA LAGUNTZEN eta AMAITU (...estropadak, adibidez)
 ESAT.1: (MANU): Euskal Herrian, antzinatik jokatu izan diren kirol mota desberdinak
ditugu Herri kirolak. Horietako batzuk Euskal Herrian bertan sortutakoak eta bereziak
dira. Beste batzuk, berriz, beste herrietan jokatzen direnen antzekoak dira.
Herri kirol asko lan jardueratik sortu ziren; baserrietako lanak joku bihurtzen zituztenean.
MUSIKA LP (5") ETA LAGUNTZEN
ESAT.2: (XABI) Hau da, Euskal Herriko kirol mota
desberdinak, baserritarrak bere baserrian burutzen dituen ekintzetatik datoz.
ESAT.1: Adibidez,  nekazariak eraikuntzarako eta erregai
bezala erabiltzeko behar zuen egurra, aizkoraz ebakitzen zuen. Hortik sortu ziren aizkolariak.
ESAT.2: Bestetan, harri handiak mugitu behar zituen hesiak eraikitzeko. Horretarako indar handia behar zen: gizonena ala idiarena. Eta horrela jaio ziren gizon- eta idi-probak.
ESAT.1: Beraz, segalarien lehia belarra ebakitzeko beharretatik  sortu zen; abereentzako belarra segaz mozten baitzuen. 
ESAT.2: Horixe da. Eta gaitasun guzti hauek bere auzokoekin lehian erabiltzen zituen jaiegunetan.  Eta gaur, lan horiek mekanizatu direla, kirolak dira: herri kirolak. Hor ditugu, beraz, aizkolariak,segalariak eta idi-demak, esan bezala, baita ere
harri-jasotzaileak,  korrikalariak, txingak, lokots edo koskol biltzea.
ESAT.1: Badaude ere beste lanetan oinarritzen diren herri kirolak, estropadak, adibidez. 
SOINUA: ESTROPADEN EFEKTUA (5")
ESAT.2: Hauetaz aparte, Gudan
oinarritutako herri kirolak ere badira: palanka, korrikalariak edo bolo jokua, esaterako.
ESAT.1: Edo erlijio eta jai-ospakizunetan oinarritutakoak pilota bezala.
SOINUA: FRONTOIKO HOTSA (5") MUSIKA LP (10") ETA LAGUNTZEN
ESAT.2: Mendeetan zehar joko hauen arautegia aldatuz joan da. Hala ere,
badira joko hauek definitzen eta bereizten dituzten baldintza batzuk.
ESAT.1: Beste aldetik, kirol guzti hauek indar fisiko handia edukitzea eskatzen dute.
Energia handia izan behar da kirol horiek jokatzeko. 
ESAT.2: Eta jokalariak esfortzu luzea egin behar duenez, erresistentzia handia ere beharrezkoa da. 
Euskaldunok indar fisikoari izan dioten mirespena jasoa geratu da kondairatan eta
mitologian.
ESAT.1: Eta asko dira legenda bilakatu diren kirolariak, eta haustutako markak, ez pentsa!
MUSIKA LP (10") ETA AMAITU