Camille Fauque

Haragia da argentinarren dietaren oinarria. 7 egunetatik 6etan okela jaten dute. Biztanle eta urteko  80 kilo inguru kontsumitzen da. Bestetik, jendeak okela auzoko harakinari erosten dio konfiantza harengan jarria dute supermerkatuan baino.

Buenos Aireseko Jose Tiburcio Borda ospitaletik aireratzen dituzte Colifata irratiko saioak. Buruko gaitzak dituzten gaixoentzako zentroa da, eta haiek dira saio horietako protagonistak. Buenos Airesen lunfardoa hitz egiten dute, eta, lunfardoz, ero esan nahi du colifato-k edo colifata-k. Alfredo Olivera medikuak, 1991ean martxan jarri zuen irratia, gaur Udalak ospitalea itxi nahi du, han bulegoak eraikitzeko. Colifato eta colifatak telebistako izar bilakatu dira, halaber, Aquarius enpresak egindako iragarkiaren eskutik. Larunbatetan aireratzen dituzte Colifatako saioak zuzenean, 14:30etik 18:30era. Gainera, webgunea badute: www.lacolifata.org

1969an Pablo Neruda idazle txiletarrak eskuz idatzitako “Álbum de Isla Negra” liburua aurkitu du abokatu eta bildumagile txiletar batek. Pablok bere emazte Matildek zuen ilobari eskeinitako amodiozko olerkiak ditu liburuak. 60ko hamarkadan senar-emazteek Matilderen iloba eta haren alaba, Isla Negra herrian zuten etxean hartu zituzten. Garai hartan ilobak, Alicia Urrutiak, 25 urte baino ez zituen eta bere osabak aldiz 60. Hala ere, pasiozko harreman hark gutxi iraun zuen, Matilde jakinaren gainean zegoelako eta ohean aurkitu zituenean iloba etxetik bota zuelako.

Henrike Knörr euskaltzain eta filologoa hil da. Euskaltzaindiko Iker sailburua zen, eta EHUko katedraduna. Tarragonan sortu zen 1947an, baina Gasteizen bizi zen umetatik. Argitalpen ugari utzi ditu. Onomastika eta toponimia ziren Knörren iker eremu maiteetako batzuk.

2003. urtean, Jennifer Vanderbes idazle amerikarrak Easter Island eleberria idatzi zuen. 1913. urtean, Elsa Pendleton, protagonistak,  bidaia bat egiten du bere ahizparekin eta bere senar antropologoarekin Pazko uhartera. Ingalaterrako portutik irteten dira eta urte bete ematen dute itsasoan irlara heldu arte. Kanpamentua Anakena hondartzan kokatzen dute, hau da, argazkian ikusten duzuen hondartza zoragarri honetan. Elsak “Maori Rongo Rongo” idazkera misteriotsua ikertuko du eta Edwardek berriz moaiak aztertuko ditu. Irlak bi hondartza ditu, bata Anakena eta bestea Ovahe eta irlan zehar, 270 ahu edo altare daude eta 900 moai baino gehiago. Argazkian Ahu Nau-Nau altarea ikus dezakezue.

Ea asmatzen duzuen, nola esaten da kaixo eta agur Rapa Nui hizkuntzan?.