Camille Fauque

Mezua: Mateo Txistu

2008-10-02

16:59:33, Atalak: Mesanotxean, 140 hitz

Mateo Txistu

Mateo Txistu izeneko gizon hau apaiza eta ehiztaria zen. Nahiz eta apaiz ona zen, ehiztari hobea zen eta mugitzen zen edozeren atzetik joaten zen. Behin, Mateo Txistu meza ematen ari zen eta txakur-zaunkak entzun zituen elizatik. Apaiza, orduan, leihora inguratu zen:

-Hara, txakur hauek erbia dakarte aurretik -pentsatu zuen.

Eta jantzita zeramatzan ornamentuak kentzeko astirik gabe, elizatik atera eta txakurren atzetik joan zen. Geroztik, ez omen du inork ikusi. Hori gertatu zenetik hor dabil Mateo Txistu, beti ibili eta ibili, behin ere gelditu gabe. Honela, norbaitengandik gertu dabilen momentu horietako batean hiru txakur desberdinen zaunkak entzuten dira. Batak: au, au, au; besteak: i, i, i; eta azkenak: gro, gro, gro egiten dute zaunka.

Mateo Txistuk, pasatzen denean, ekaitza ekartzen omen du eta berak ekarritako ekaitz horrek hamabost egun irauten omen du.

http://www.ikasbil.net/audio/mateo%20txistu_080709_1257.mp3