Camille Fauque

Askotan, gaztelaniazko egituran oinarrituta erabiltzen ditugu bihurtu eta bilakatu aditzak. Galdera ez da zertan bihurtu...? Aitzitik, zer bihurtu...? da galdera zuzena. Bihurtu aditzaren aurreko hitza bakarrik badago, mugagabean jarri behar dugu.

-          Printzesa igel bihurtu da (ez, ordea, igel batean, ezta igel bat ere).

-          Ura ardo bihurtu zuen (ez, ordea, ardoan, ezta ardotan ere).

Ostera, lagunduta-edo baldin badago, hau da, ondoan zerbait baldin badu (izenondoa, izenlaguna, adjektibo konparatiboa, erlatibozko perpausa, etab.) artikulua eskatzen du askotan.

-          Lehengo lantegia parke publikoa bihurtu dute.

-          Emakumerik ederrena bihurtu zen.

-          Inork nahi ez duen zabortegia bihurtu nahi dute auzoko pagadia.

Erreportaje honetan babestutako etxebizitzetan izan ohi den iruzurra aztertzen da, erantzun itzazue hurrengo galderak:

1. Etxebizitzaren eskubidea bermatuta dago gaur egun?.
2. Etxebizitzaren eskubidea zoriaren esku laga dezakegu?.
3. Zergatik jendeak ez ditu suertatutako etxebizitzak modu egokian erabiltzen?.
4. Zergatik batzuen berekoikeria hain nabaria da?.
5. Nahiz eta irregulartasunak denon ahotan egon, zergatik ez da ezer egiten?. Ikuskatzaileen lana nahikoa al da?.
6. Iruzurrak etxea behar bezala ez erabiltzeagatik, alokatzeagatik, utzik edukitzeagatik edo saltzeagatik datoz. Gobernuaren errua ala biztanleen arteko iruzurra?.
7. Esleipenean irregulartasunak egon ziren, beraz zozketa erabiltzen hasi ziren. Hori al da esleipenetatik modurik egokiena?.
8. Etxebizitza sozialak alokairurako baino ez ziren izan behar?. Zoriaren esku baldin badago etxebizitza duin bat eskuratzea, zergatik jabetzan eta betiko lortu behar ditugu, zergatik ez dira alokatzeko etxebizitza gehiago egiten?.

Erabili auto(mobil) edo beribil euskara batuan. Hala ere, kotxe hitza zalgurdi, bagoi, eta abarren kidea denean edo Hegoaldean haurrak eramatekoa denean bakarrik erabiliko dugu maila jasoan.

Nire ikasle Montseri esker jakin nuen nire ikasle argentinarrak telebistan agertu zirela Andoni Aizpuruk gidatzen duen “Horrelako da bizitza” saioan. Ez nekien artistak zinetenik!!. Hau sorpresa!!!!. Ongi etorri Euskal Herrira!!.

Ez dute esanahi bera. Hau da, saio hitzaren esanahiak badu nolabaiteko lotura saiatu edo jardun aditzek dutenarekin. Aldiz, sesio besterik da: iskanbila, kalapita, astrapala…

"Udaleko gaurko saioan (jarduna) egundoko sesioa (iskanbila) izan da"

Iturria: http://www.ivap.org/admeusk/ae29z.pdf

Berdinak ote dira hirurak? Saio honetan hirurei buruz hitz egiten digute hainbat emakumek. Beraien ustez alde handia dago hiruren artean. Zu ere ados al zaude?.

http://www.ikasbil.net/audio/maitasuna_maitemintzea_080114_1258.mp3

Zer da maiteminduta egotea?.

Zer sentitzen da?.

Maiteminduta egotea eta maitasuna bera gauza bera al da?.

Zer da maitasuna?.

Nork ez ditu izakitxo urdinak ezagutzen?. Nork ez du izan potxokiren bat etxean?. Eta nork ez du Gargamel gordeta ganbaran?. Horrela bada, ikus ezazu hurrengo bideo eta esan esaldi hauetatik zeintzuk diren EGIA eta zeintzuk GEZURRA.

1. Mexikarrak dira jatorriz, Peyo marrazkilaria mexikarra zelako.
2. Herrialde batetik bestera hainbeste izen hartu dituzte: schtroumpfs, smurfs, potxoki aita, potxokina, potxoki sukaldaria...
3. 1971ean salto egin zuten telebistara eta euren arrakasta ez zuen etenik izan.
4. Ume guztiak bat datoz potxokien aurkaririk beldurgarriena potxokina zela esanez.
5. 2007a potxokien urtea izan zen eta aurten ospatuko dute erakusketa ezberdinen bitartez.
6. Urteurrena mundu osoan ospatuko da, baina lehendabizi Bruselasen.
7. Potxokiak Europako hiri txikiren batean agertuko omen dira.

Ez dakit Charlize Theron perfekzioaren eredua den eta zenbat ebakuntza izango dituen soinean, baina perfekzioaren inperfekzioa aintzat hartuta entzun itzazu sendagilearen azalpenak, kirurgia estetikoaren arriskuen gainean eta egin ohi diren aldaketa nagusiei buruz.

http://www.ikasbil.net/audio/03484.mp3

Ikastetxe batean istiluak izan dira ikasle ijito batzuk eskolaratzeko orduan. Atzerrian duzun lagun batek gai horri buruzko informazioa eskatu dizu posta elektronikoaren bidez. Emaiozu gai horren berri, zure iritziarekin batera. Horretarako erabil ezazu hurrengo irratsaioko informazioa.

http://www.ikasbil.net/audio/04450.mp3

Ane Miren Uranga dietistak eguberrietako janari gehiegeikeriak aipatu eta horiei aurre egiteko aholkuak ematen ditu. Irratsaioa entzun ondoren, adierazi ea egia edo gezurra diren hurrengo baieztapenak:

http://www.ikasbil.net/audio/02216.mp3

1.      Ariketa fisiko gutxi egiten dugu.

2.      Gabonetan jaki berezi gutxiegi jaten ditugu.

3.      Jaki gogorregiak pilatzen dira otordu berean.

4.      Jatorduak laburregiak izaten dira.

5.      Ohiko platerrak jaten ditugu gehienetan.

6.      Oso indartsuak diren produktu gehiegi gehitzen ditugu.

7.      Ura, azido urikoa kanporazteko behar-beharrezkoa da.

8.      Urak gizentzen du.

9.      Dieta azkarren porrotaren arrazoirik nagusienetakoa, ura galdu ordez koipea galtzen dela da.