IGORRE SAREAN

Atala: IRAGARKIAK

2009-06-11

16:24:38, Atalak: IRAGARKIAK

Mobilizazioa

EMAKUMEEN AURKAKO ERASO MATXISTARIK EZ!!

HASERRE GAUDELAKO, NAZKATUTA GAUDELAKO,

GAUR, EKAINAK 11, ARRATSALDEKO 18:00-etan, IGORREKO KULTUR ETXE AURREAN BILDUKO GARA,

HORRELAKO ERASORIK EZ DUGULA ONARTZEN ARGI UZTEKO!

NOKA, ARRATIAKO EMAKUME TALDEA

Deialdiaren arrazoiak ikusteko, klikatu hemen

Zabaldu•

Bildu•

Twitter• Permalink-a • Erantzun 1

2009-05-08

14:33:39, Atalak: IRAGARKIAK

Geldituko dogu!

Bihar zapatua, arrastiko 5,30 etan Iruñeko Antoniutti Parkean, AHT-ren kontrako MANIFESTAZINO NAZIONALA.

Zabaldu•

Bildu•

Twitter• Permalink-a • Erantzun

2009-04-28

14:44:01, Atalak: IRAGARKIAK

Ziberaktibismoa

Euskal Herriko gehiengo sindikalak (ELA, LAB, ESK, STEE-EILAS, EHNE eta HIRU) Greba Orokorra deitu dau maiatzaren 21erako Araba, Bizkaia, Gipuzkoa eta Nafarroan. Mezua argia da: kapitalistek eurek "ordaindu" behar dabela krisia (irabazi izugarriak eurek poltsikoratzen dabezan moduan), eta ez beharginek, betiko antzean. Kapitalismoaren maxima da auzitan ipini gura dana: "irabazien pribatizazinoa eta galeran sozializazinoa".

Ekimenak sarean ere eukin dauz bere lehenengo ondorioak eta auzolanean oinarritutako webgunea osatu da, grebaorokorra.info. 2.0 filosofiari eta inteligentzia kolektiboa deitzen dan horreri erantzuten deutson ekimena da, sindikatuak eta herritar "soilak" batzen dabezana. Bide interesgarria...

Zabaldu•

Bildu•

Twitter• Permalink-a • Erantzun

2009-04-08

14:23:35, Atalak: IRAGARKIAK

20 urte

1989an izan zen, Berlineko harresia jausi zan urte berean. EAJ eta PSOEk dispertsio-politika sortu eben, euskal preso politikoak ehundaka kilometrotara egoazan kartzeletara urrundu eta kasu askotan, bakartuz. Helburua: pertsona eta militanteak suntsitu eta beren inguruko senide zein lagunei zigor gehigarria ezartzea. Errealitate hau ez ahaztuteko, apirilaren 14tik 19ra, Dispertsioaren kontrako bira antolatu dau Etxerat-ek. Bestalde, Pirritx eta Porrotxek be egoera hau salatzeko bideoa prestatu dabe.

Gure herrietan be hainbat mobilizazino egongo da. Aprillaren 17an, barikuz, kontzentrazinoa egongo da Igorren, 19:30etan. Hurrengo egunean, 18an, kotxe-karabana Lemoatik urtenda (18:30etan eskoletatik) eta 20:00etan, ekitaldia Kultur Etxe ondoko parkean.

Zabaldu•

Bildu•

Twitter• Permalink-a • Erantzun

2009-04-06

15:44:04, Atalak: IRAGARKIAK

Domekan, Aberri Eguna

Azken urteetan indarra galdu dauen ekitaldia izan arren, datorren domekan, Aberri Eguna ospatuko dogu euskal abertzaleok. Indarrak batu behar doguzala entzun dogu behin baino gehiagotan, baina oraingoan ez da deialdi bakarrik izango: Udalbide-k Jata Mendian egingo dau ekitaldia, baina zapatuz, eta EAJ-k, Plaza Barrian ekitaldia egingo dau domekan bertan.

Babes gehien bildu dauan ekitaldia Nazio Eztabaida Gunearena da. Aldaketa garaia, burujabetza garaia goiburutzat hartuta, manifestazinoa deitu dau Irundik Hendaiara artean (aprillaren 12an), 11:30etan Ficobatik urtenda. Hendaian, bazkari herrikoia eta hainbat kontu egingo dira, jai giroan. Honetaz gain, herritarrei balkoietan ikurriña jartzeko deia egiten deuskue (igorreztarroi be, jakina). Garena, harrotasunez erakutsi!

Zabaldu•

Bildu•

Twitter• Permalink-a • Erantzun

:: Hurrengo orrialdea >>

Kudeaketa

Bloga kudeatu

Arratia, Gorbeiaren magaleko txoko zoragarria, parke naturalez inguratutako haran miragarria. Karlisten lurraldea omen. Eskubi politikoa jaun eta jabe da lurralde honetan, baina bagara egoera iraultzearen alde beharren gabizen beso, ahots eta buruak. Eta ziberespaziora jauzia emotea pentsatu dogu, gure herri zoragarri hau astindu gura dogulako, eta gure ahotsa sareratu; gure historia txikia aldatuko daben esku, beso, berba eta burmuinak izan gura dogu. Erdu geugaz!
BISITATU GAITUZTE, ESKERRIK ASKO DENOI