IGORRE SAREAN

Atzo, iluntzeko 8ek inguruan, Guardia Zibilaren bizpahiru Patrol geratu ziren bidegurutzean. Argiak piztu, pikoleto bat kotxetik atera, txaleko erreflektantea jantzi... Emoten eban kontrola ipini behar euriela gasolindegi parean, herrian bertan! Bien bitartean, jendea herri-afariaren aurreko triki-poteoan egoan, lasai. Segituan hasi zirean txistuak. Eta derrepente, aitu genduan zergaitik zan pikoletoen despliegea. Tanke itxurako dozena erdi bat ibilgailu militar pasatu zirean iñizituen haizean herriaren erdigunetik. Barrukoak, harro, irribarretsu eta burua atarata. Probokazino barria. Bere egunean, kontrako jarrera zabala sortu eban militarren presentziak Igorren. Gure ustez, berba bitan labur daiteke igorreztarron artean sortzen daben sentimendua: alde hemendik!

Gure herria barriro da notizia. Atzo, 25 urteko gizonezkoa atxilotu eben Igorren bikotekide ohiaren anaia eta honen neskalaguna joiazan autoari eskopeta bategaz tiro egitea egotzita. Zorionez, ez da zauriturik egon.  Halan da be, andrazkoen kontrako biolentziaren azkenengo kapitulua, gurean. Noiz arte? Erantzun beharrean gagoz, andrazkoan kontrako indarkeria danon kontua dalako.

Atzo izan zirean Europar Parlamenturako Hauteskundeak Euskal Herrian. Igorren, jaiekaz batera izan zirean eta horrek eragina izango eban abstentzinoaren gorakadan. Egunean zehar ez zan aparteko ezer gertatu. Polemikaren zurrunbiloan egon dan Gillermo Marañonek botoa emon ahal izan eban bere herrian, aspaldiko partez eta normal-normal. Zinegotzi ohia botoa emoten. Gaupasan ebilen baten-batek umore ikutua emon eban luzea eta mahaietan egoazan herritarrentzako aspergarriegia izan zan egun batean.

 Botoen zenbaketa be arin joan zan, eta polemika handi barik. Egia esan, zer kontatu handirik be ez egoan... (Parte-hartzea baxua izan zalako, esan gura dogu). Abstentzioak irabazi eban garbi (zentsuaren %54,64). Hautagaitza bozkatuena EAJ-PNV-rena izan zan (771 boto, zentsuaren %22,77), ostean Iniziatiba Internazionalista (421 boto, zentsuaren %12,43), PSOE (130 boto, zentsuaren %3,84) eta EA, Aralar eta abarren hautagaitza (122, zentsuaren %3,6). PP-k 50 boto atara ebazan eta EB-k 14, zentsuaren %1,48 eta %0,41.

Herri mailatik harago, PP PSOEren aurretik eta pena bat Alfonso Europara bidali ezin izatea! Orain, analista burutsuen txanda da...

  

 

Amaitutear dau jaietako lehenengo asteburua, eta gauzak ondo joan direala esan beharko geunke. Azken astean komunikabide guztietan agartu da gure herria, Telecinco-koak ikusi doguz Igorretik bueltaka Txiki Marañonetaz galdezka, deabruaren pare ipini dabez Txiki bera, gure udal ordezkariak, jai-batzordea eta ez-dakigu-nortzuk-be, kolore guztietako poliziak ikusi doguz herritik bueltaka (eta ez txarto aparkatutako kotxeei isunak ipinten), El Mundo-ko argazkilariak barikuan, eta beste hamaika kontu...

Txupinazo jendetsuagaz hasi ziran jaiak, eta pregoi barik. Poliziak, Gezalan etxoten batzuk (Ertzaintza) eta errepide-kontrola ipinten besteak (Polizia Nazionalak). Larrain-jantza eta gaiteroak eta festa eta alaitasuna subertsioak dira ala? Ordutik aurrerakoa, zoramena... Zuztertxu, karro-karrerea, zaparradaren bat, Kostra orkestra, erromeria, txoznak, euskara... Bihotzean zauritu izan gaitue, jai herrikoiak errementau, bizikidetza erasotu... Zergatik? BIZI GARELAKO, eta horrek egiten deutsie minik handiena!

 

"Somos las manos, los brazos, el arma y la palabra que torcerán la historia del mundo"
El Corazón del Sapo