IGORRE SAREAN

Mezua: Eskoi autoritarioari: Zorionak eta eskerrik asko!

2009-06-04

13:49:59, Atalak: GUTUNAK

Eskoi autoritarioari: Zorionak eta eskerrik asko!

Ez da batere erraza, gutun hau nori zuzendu behar jakon jakitea. Atzo, behintzat, asko ziren euren ordezkariek antolatu dabenagaitik haserre zeuden PNV-ko boto emaleak. Beraz, ez litzake bat be justua izango autoritarismo erakustaldi hau Igorreko PNV osatzen dauen kolektibo osoari leporatzea, eta jakina, ez dot egingo.

Baina, ze demontre, eurek egindakoa errepikatuko dot eta izen abizenak ipiniko dodaz ardurak banatzeko orduan: Andere Ortuzar. Bera da jelkideen (jaungoikoa eta lege-zarrak) bozeramalea udaletxean eta gainera kultura zinegotzia aurreko legealdian, beraz, zeozer jakingo dau honetaz. Berari zuzenduko najako ba.

Zorionak Andere, eta eskerrik asko. Barriro be, ezker abertzaleko zinegotziak auzi bidean ipini dozuez. Aurretik be gogor saiatu bazarie be ez dozue lortu, baina nork jakin, Andere, agian oraingoan lortuko dozue Galder, Oihane eta besteak gartzelarako bidean ipintea. Eta gero betiko leloa “epaileen erabakiagaz ez gatoz bat”. Bai zera!

Zorionak Andere eta eskerrik asko. Lortu dozue gure herria espainiar hedabide denetan agertzea eta gure herritarrak odolzale gisa agertaraztea. Orain, jaietan zehar gerta litekeen edozein istilu erabat justifikatuko dabe. Aresek, lasai asko bidal ditzake gure dabezan poliziak, horrek izango lituzkeen ondoriokaz. Txosnak polizi enkaputxatuez betetzen badira, zuen ardura izango da, Andere Ortuzar. Zuen ardura. Gero esango dozue ” Aresek egindakoagaz ez gatoz bat”. Bai zera!

Zorionak Andere eta eskerrik asko. Gure herriko udaletxearen irudia toki denetan irten da eta tartean, Manos Limpias-eko ultraeskuindarrek ikusi ahal izan dabe piperpotoa ez dagoela eskegita. Jakina, honen ondorioak gertatzerakoan, orduan be “ez gatoz bat” botako dozue, ezta?. Bai zera.

Zorionak Andere eta eskerrik asko. Basagoiti berak, zuen tesiak defendatu dauz, eta horren bitartez ezker abertzalea kolpatzeko argudio gehiago topatu dauz. Lortu dozue, beraz, ustez zuen aurkako politikoekaz bat egitea. Gero esango dozue “Basagoitik dinonagaz ez gatoz bat”. Bai zera.

Zorionak Andere eta eskerrik asko. Bide demokratikoak erabiliz lortu ez dozuena, epaileen eta enparauen indarkeriaren bidez lortu dozue. Igorreko jaiak nahastu dozuez, herritarren arteko apurketa faltsu bat eragiten saiatu zarie, eta espero dot lortu ez izana. Espero dot gainera, zuon jarrera autoritarioak, herriko jaietara batzuk eta besteen etorrera ez eragitea jaien zentzua erabat hondatuz.

Zorionak Andere eta eskerrik asko. Pregoi barik utzi dauz jaiak eskoi autoritarioak. Umeentzako hain garrantzitsua dan hori dana, Zuztertxu eta musika eta berba egiten dauen norbait eta txupina eta jaiak eta barrakak eta… eta agian hori dana poliziaz inguraturik. Eta jaiak izorratu badozuez? "Hau ez dogu gure izan" esango dozue orduan. Bai zera.

Baina Andere, dena den, herritarrok, bai jaien hasiera ekitaldira baita ekitaldi ezberdinetara lasaitasunez joaten saiatuko gara. Gora Igorre, gora sanantonioak eta gora igorreztar… danak!

Zabaldu•

Bildu•

Twitter• Permalink-a • 4 erantzun

Erantzunak:

Bidaltzailea: Manu Legarreta [Bisitaria] · http://manulegarreta.wordpress

Ni Manu Legarreta , EAJko militantea naiz.
Eta arrituta izten nauzu Andere Ortuzar , EAJko Zinegotzia erasotzen hasteaz.
Hori bai zure idaztia ez izen bategan izkutatuta.
Benetan oso balientea zara.
Andere Ortuzar EAJko zinegotziak ez eban eta ez dau ezetan be parterik hartu zalaketa publiko honetan.
Zerbai jarraitu ba dozu nire blogean, bere momentuan surrumurrua zanean, hasi nintzan zalatzen eta gero surrumurrua egian bihurtu zanean be nire blogean horrela jarri neban.

Askenez EAJren Uri Buru Batzarrak bere postura ofiziala agertu eban medioari bere komunikua zabalduz. Zertan esan be nire alderdiaren komunikatua, hitzez hitz, neurea egiten dodala.
Beraz Andere Ortuzar alderdikideak, nire iritziz, ez dau parterik hartu zuzenean.
Zetan esan be ez dago pentsetan ba zendu irain honen aurrean ixilik egongo nintzela ez nauzue ezagutzen eta zure adin nagusiagoko lagunei galdetu beharko deutsazu.
Eta beste baten horrelako zerbait egiten ba dozue ziur egon zaitez zalatuko dodala neure indar apalekin.
Udaletxeko erabaki honek zikindu dau berriro be Igorrren izena , lehen Txikiren ibilaldiak zikindu eban lez.
Eta ez ba dakizu gaur egun Txiki Zeanuriko herritarra da eta ez Igorrekoa. Orduan zein aparteko meritukoa dauko?.
Alkateak nahi eban ixil ixilik eta azkenengo orduan Txiki Marañon balkoian agertzea eta hori ez da posible izan eta hor amaitu da.

Printzipio etiko minimo batzuk izan behar dira.
Giza printzipioak eta kristau printzipioak: Ez dozu iñor hilgo.
Uste ba dozu pertsona hiltzen saiatu dan bat gure herriko pregoilari izaten merezi dauala , beste printzipio batzuk dozuzala bukaru behar dot.
Ondo izan eta zure lainoaldia zerbait argitu daitela.

2009-06-06 @ 00:01

Bidaltzailea: Julen [Bisitaria]

Lehenengo gauzea, Manugez bat nator. Ze balientea zara Andere Ortuzar-en izena emoteagaz ezta? Bai zera !!! Zergatik ez dozu emoten zeure izena, holango balientea bazara?
Ta orain zeutzako galdera bat, baliente horri, zer irudituko jatzun, zeure familie bonba bategaz "tragetan" badaurie eta gero bonba horren erantzulea pregoilari ipinten bada? Zuri ondo irudituko jatzu, seguru ezta? Bai zera!! Hipokrita batzuk zarie. Ganera Guillermo Marañón, joan daitela pregoiak emoten bere herrire.
Animo Andere eta jaietan kanpora urten eta gozatu lelo honiri eta beste papau batzuri kasu puterik ein barik.

2009-06-06 @ 13:54

Bidaltzailea: Andere Ortuzar [Bisitaria]

Nire izena ipini dozue zuen web horrialdean. Nire izena entzun dot kaleko mehatxuetan. Nire izena entzun dot telefonozko mehatxuetan. Eta zergaitik? Zuok moduen ez pentsatzeagaitiño. Nik ez dodaz pertsonak (pertsona modulez) juzgatzen, ez Txiki ez iñor (ez naz iñor horretarako)baiña bai heuren akzioak. Eta horregaitik uste dot herri guztiaren ordezkari moduan pregoia bota behar dauenak giza eskubide printzipio minimoak bete behar dituela.Bestelakoak puntuz puntuz argituko doguz.
Andere Ortuzar

2009-06-06 @ 17:07

Bidaltzailea: Mikel [Bisitaria]

Benetan be Julen , honik dire balienteak. Ta listoak, listoak iñor baño gehau! Ni Lemoakoa naz ta nire auzolagune dan gizon on eta ohoredun beteri eta bere familieri holango geuze bat iteak harritute itzi dostela gusteko jatan esatea, baia oin edozer geuze etxoten dot honingandik. Zuek, hain listoak zarienok, eztait egunen baten ezkontako asmorik dekozuen (senar-emazte gaixoak horrik...) baia pentzeizue momentu beten, asko eskatutea ezpada, zelango bizie eroango zeunkien eurrera zuen ezkontzan zuon ama ta aite hilgo baleukiez.Ze honek, eztait zelan deitu be, horixe gurizieuen in. Eztait, zarien modukoak izinde, asko afekteko badotzue. Jakin eizue guk berbeagaz peusu bet independentzirantz iten dogunean, holango akziñoakaz zuek bi iten dozuezala atzera. Lehen nire aitite-amamak eukieurezan kartzelan faxistek ta geur egun zuok zarie faxiste barriek. Amorrurik handiena emoten dostena da herri honen izena erabilten dala hori iteko. Grazie emoten doste autoritario deitzea EAJ-ri, zuek defendiduten dozuezanek euren moduen pentzetan ez deuriezanak hilten dabizenean. Zuek segidu hain baliente eta lisstoak iziten ta ikusiku non amaitukozuen. Andere ezaitut ezetan baia honik eztekie ezer iterik gure kontran oseake animo e!!

2009-06-15 @ 22:05

Erantzun:

Kudeaketa

Bloga kudeatu

Arratia, Gorbeiaren magaleko txoko zoragarria, parke naturalez inguratutako haran miragarria. Karlisten lurraldea omen. Eskubi politikoa jaun eta jabe da lurralde honetan, baina bagara egoera iraultzearen alde beharren gabizen beso, ahots eta buruak. Eta ziberespaziora jauzia emotea pentsatu dogu, gure herri zoragarri hau astindu gura dogulako, eta gure ahotsa sareratu; gure historia txikia aldatuko daben esku, beso, berba eta burmuinak izan gura dogu. Erdu geugaz!
BISITATU GAITUZTE, ESKERRIK ASKO DENOI