HerriTek

Formatu grafiko estandar berria eztabaidatzen ari dira: OpenRaster.

OpenDocument estandarraren estrategia eta Gimp aplikazioaren XCF fitxategi formatua izango ditu oinarri nagusiak.

Hainbat programa libreetako garatzaileak parte hartzen ari dira eztabaidan.

Informazio gehiago:
http://software.newsforge.com/article.pl?sid=06/06/22/203248
http://create.freedesktop.org/wiki/index.php/General_multilayered_bitmap_exchange_format
http://create.freedesktop.org/specs/OpenRaster-draft.pdf

Pozgarria

Microsoftek iragarri du Office 2007ari OpenDocument formatu librea ireki eta idazteko gaitasuna emango dion gehigarri bati babesa emango diola.

Orain dela hilabete batzuk "B plan" horren zurrumurrua zabaldu zen, eta horren berri eman genuen hemen, oraingoan berretsi egin dute. Hau ez da OpenDocument fundazioak jada iragarri zuen gehigarria, Microsoftek berak babestutako bat baizik, BSD lizentziapean banatuko dutena.

Ez da harritzekoa, orain bi aste jakin genuen Belgikako gobernuak, Europar Batasunak 2007an hartuko omen duen erabakia aurreratuz, bere administrazioan OpenDocument estandar librearen erabilera legez ezarri zuela. Horrek Microsoftek Europan aldaketa prozesua gelditzeko zituen esperantzak zapuztu zituen.

Kale egin dio Microsofti aurrez aurreko enfrentamentua eta munduko administrazioak apurka estandar libreen alde egiten hasi dira, OpenDocument delarik Microsofti kalte gehien egin diezaioken estandarra, Microsoften etekinen %80 inguru Windows eta Office saltzetik bait datoz.

Formatuaren kontrola galdu dute jada eta OpenDocument ISO estandarra izango da etorkizunean administrazioetan erabiliko dena, baina zein aplikazio erabiliko den erabakitzeko dago, funtzionari askok nahiago izango dute bere betiko Word hori erabiltzea  alternatiba libreren bati aukera ematea baino, eta hori da orain monopolistek aurrean daukaten erroka, formatuaren bataila galdu izana ez dezala galera handiago bat ekarri.

Web munduan ikusi dugun estandarren nahaste planifikatua espero dezakegu, hasieran estandarrari eutsi baina ez modu oso batean, eta apurka estabere aplikazioak bakarrik erabili ditzazkeen "hobekuntza" jabedunak gehitu, estandarrak ezarritako bidetik aldenduz.

Hobe hasieratik aukerarik ez ematea eta zuzenean alternatiba libreetara jotzea

Aurreko mezuan aipatzen nuen Massachusetts-ek deialdi publiko bat egin zuela Microsoft Office bidez OpenDocument ireki ahal izateko modurik zegoen galdetuz, eta erantzuna berehala heldu da.

OpenDocument Fundazioak badu prest gehigarri bat MS Office-k OpenDocument formatua ireki, erabili eta gordetzeko aukera izan dezan.

Berri ona da ere Massachusettseko funtzionari ezinduentzat, aurreko batean aipatzen nuen bezala Windows sistema eragilearen ezgaitasunak medio gaur egungo teknologia lagungarriak ez zeudelako prest OpenOffice edo bestelako programekin bat egiteko. Eta hau izan zen OpenDocument administrazioan oztopatzeko Microsoftek erabili zuen argudio serio bakarrenetakoa, hipokrita xamarra izanda ere.

Bestalde, Microsoften indar posizioa ahultzen du plugin honek, administrazioek hartutako bidea mozteko asmoz OpenDocument soporterik ez ezartzea erabaki bait zuen, eta munduan instalatuta zeuden MS Office kopurua mahai gainean jarri.

Gehigarri honi esker administrazioek errezago dute erabakia hartzea ez dituztelako MS Office erabiltzaileak epe laburrean programaz aldatzera behartuko.

Orain arte OpenOffice zen Microsoft Officerekin zuen konpatibilitate maila frogatzeko beharrean zegoena, orain tortillak buelta eman du.

Pentsa daiteke ere Doc, Pps eta bestelako Office formatuak Internetetik apurka desagertuz joango direla eta OpenDocument formatuko fitxategiek hartuko dutela leku hori.

Betiere Microsoftek ez badu gehigarria moduren batean boikoteatzen, noski. Ez litateke lehen aldia, baina egingo al dute oraingoan ere? Erabaki arriskutsua dirudi.

Info +:
http://www.groklaw.net/article.php?story=20060504015438308
http://linux.slashdot.org/article.pl?sid=06/05/04/1246256&from=rss

Bulegotika aplikazioetarako ODF edo OpenDocument fitxategi formatua bada jada ISO estandar bat, zehazki ISO/IEC 26300 estandarra.

Europar Batasunak badu jada barne erabilerarako hautagai bat, ISO estandarra izan behar zuela adierazi bait zuen.

Microsoft hasierako harrokeriak eta gero bere Office XML formatua ere ISO estandarra bihurtzeko lasterketa bizian sartu zen, baina oraindik ez du prozesua bukatu.

Europar Batasunak erabakia 2007an hartuko du, baina orain Microsoften aurkako epaiketa baten erdian izanik, ez dirudi erlazioa ona denik, ezta etorkizunean Microsoft Office erabiltzen jarraitzearen alde egiteko gogo handirik izango dutenik.

Epaiketa honetan Microsoftekoek esandakoak eta gero, OpenDocument fitxategi formatura migrazioan aurreratuta dabilen Massachusetts (EEBB) estatuko adminitrazioak deialdi publiko bat egin du inork Microsoft Office erabilita OpenDocument estandarra irekitzeko modurik ezagutzen duen galdetuz. Badirudi Microsoft publikoki lotsaraztea dela deialdi honen helburua.

Laster Europako administrazioak OpenOffice erabiliko duela dirudi.

Aurrekariak:
http://www.blogari.net/herritek?cat=235

Info +:
- http://www.consortiuminfo.org/standardsblog/article.php?story=20060503080915835
- http://www.groklaw.net/article.php?story=2006050308590433

Ez dut blogosfera deritzon fenomenoari buruz sarri hitzegiten, baina beti harritu dit blogetik blogera oso erraz zabaldu daitezkela berri eta iritziak, sarri inolako egiaztapen edo espiritu kritikorik gabe.

Horrek medio klasikoak agortuta daudela ikusi duten enpresari azkar batzuen trikimailuak baimendu ditu, hona adibide bi:

1) FON enpresa: Orain hilda dirudien fenomeno mediatiko buenrrollista horrek, nola lortu zuen hainbesteko entzutea? Nork bere Wifia erabiliz sare herritar bat muntatzeko ahaleginak bazeuden aurretik, eta horretan zebiltzanak ez zuten oso begi onez hartu FON-en proposamen merkatilista. Hala ere blogosferatik ti-ta batean zabaldu zen berria. Ba al zenekiten blogari ezagun askori enpresako partehartzeak eman zizkietela? Enpresako parte hartzeak dituzu ala manipulazioaren intrumentu sentitzen zara? ;D

2) "Amo a Laura": Beste hau medio gehiagorekin egina, eta arlo teknologikotik kanpo. Nik lehen aldiz Buenafuenteren programan entzun nuen "Amo a Laura pero esperare hasta el matrimonio" estribilloa zuen kanta baten zatia. Anaia eta biok ultra-erlijiosoen material barregarriena biltzeko katxondeoa daukagunez, sarean bilatzea bururatu zitzaidan eta blog mordo batean aipatzen zutela ikusi nuen.

Kantaren iturria zen "Asociacion Nuevo Renacer" delakoaren webguneak MTV telebista katearekin zuen gehiegizko obsesioa ikusita |-| publizitate kanpaina baten aurrean nengoela erabaki nuen.

Baina harrigarriena "jendearen" erantzunak ziren: Berdin zuen zein blogetan begiratu, batenbatek beti aipatzen zuen "ze ondo dagoen jertse urdina daraman beltzarana", eta zelakoak egingo zizkion. Erantzun naturala? Berdina leku guztietan? Bai zera!. 88|

Lagun batek kontatu zidan bi egunetara: "Espainolako Telediarioan esan dute MTV-ren kanpaina bat dela". Hau sorpresa. Ni haserretzen nauena ez da parodia: Manipulazioa "berdinen arterko komunikabide" omen diren blogen erabileran datza, kanpaina guztia blogen instrumentalizazio horretara zuzenduta dago: alde batetik amua eta bestetik foroetan partehartze masibo eta planifikatua.

Horren aurrean ez dago burmuina esna izatea baino adblock hobeagorik.:lalala:

(Mezu honetan estekarik zergatik ez dagoen azaltzeko beharrik ez dago, ezta?)