Gaur, goizeko 12etan otsailaren 17an aurkeztutako "Udala, bete hitza! Kaleak euskaraz orain!" kanpaina berrartzeko ekimena egin du Getxo udalerriko Euskal Herrian Euskaraz (Gu EHE) taldeak. Hain zuzen, Algortako Telletxe kaleko 15. atari parean (Retoucherie denda alboan) dagoen errotulua ordezkatu dugu: "Calle Telleche" irakurtzen zen bertan eta dagoeneko "Telletxe kalea" irakur daiteke, gainean jarri dugun euskara hutsezko plaka dela medio.

[Gehiago:]

Errotulu hori aldatzeko ez dugu maiatzaren 11 zoriz aukeratu. Izan ere, gaur abiatu da ofizialki uval hauteskunde kanpaina. Bide batez, euskaldunon hizkuntza eskubideak betetzeko direla gogoratu nahi diegu leían arituko diren hautagaiei. Baita maiatzaren 27a eta gero, hortxe edukiko gaituztela horiek bermatzeko.

"Udala, bete hitza! Kaleak euskaraz orain!" kanpainaren barruan herritar guztiak deitzen ditugu euskaldunon hizkuntza eskubideei iseka egiten dieten kale errotuluei argazkia atera eta alkateari bidaltzera gure bitakoran agertzen den salaketa gutunarekin batera. Hilabetean behin horien balantzea egin eta beste plaka batzuk aldatzeko asmoa dugu, alkateak (dena delakoak) zer nolako jarrera azaltzen duen kontuan hartuta.