Artxiboak: Otsaila 2007
2007-02-22
Udala, bete hitza! Kaleak euskaraz orain!
Udal administrazioa eta euskararekiko udal politika dira gure lehentasunak. Prestatutako lehendabiziko ekimena ildo horretan doa. Getxo udalerriko kaleetan asko dira euskaldunon hizkuntza eskubideei iseka egiten dieten errotulu, plaka edo bide-seinaleak, batzuk erdara hutsez daudelako eta asko diglosikoak direlako. Gainera, guk eskubide duguna, 2002an onartutako Getxoko Euskara Planean zein 2003-2006rako EBPNan lehentasuntzat jo zuen Getxoko Udalak. Hala ere, arlo horretan, gutxi egin dute urte guzti hauetan. Hartara, argazki kamera digitala edo sakeleko telefonoa eskuan hartu, kale-izena daroaten errotulu erdaldun eta diglosikoei irudia atera eta alkateari -alkatea(a bildua)getxo.net- bidaltzeko gonbitea luzatzen diezuegu. Argazkiekin batera, udal agintariari igortzeko gutuna prestatu du Gu EHEk horiek berehala desagertzeko exijituz. (Aipatu eskutitza idatzi honen bigarren orrialdean duzue oso-osorik. Kopiatu, datuak bete eta argazkiekin batera bidaltzea besterik ez duzue egin behar).
Zabaldu
Bildu
Twitter
15:52:45, Atalak: Arloka, 459 hitz Getxo udalerriko taldea aurkeztu eta kaleak euskalduntzeko ekimena abiatu du EHEk
Joan den larunbatean, otsailak 17, eman zen ezagutzera, Algortako Aldai kulturgunean (Karitate kalea 1), Getxo udalerriko Euskal Herrian Euskaraz (Gu EHE). Algorta eta Itzubaltzetako taldeak bateratuz, tokiko militantzia berrantolatu ostean, aurrerantzean taldearen erronkak zeintzuk izango diren azaldu genuen Gu EHEko kideok. Euskararen ofizialtasunaren beharra islatu eta eskuratzeko lan egingo dugu udalerri osoan. Halaber, gure hizkuntzak pairatzen dituen erasoeiaurre egingo diegu. Gauzak horrela, taldearekin bat egin edo laguntzeko dei egiten diogu euskaldun eta euskaltzale orori. Argazkian, otsailaren 17ko prentsaurrekoa. 2007-02-20
22:21:32, Atalak: Irakaskuntza, 592 hitz Uribe Kostako ehunaka ume ez direla euskaldunduko salatu eta mobilizazioak deitu dituzte dozena bat elkartek
Oraindik orain, Erandio, Leioa, Getxo, Berango eta Sopelako haur hezkuntzako 1. zikloan dauden 812 ume ez direla euskaldunduko salatu zuten larunbatean Uribe Kostako euskalgintza eta irakaskuntzako dozena bat taldek. Bizarra Lepoan, Berbots, Berbalamiñe, AEK, LAB, EHE, IA, ALBE, EHBE, Betiko ikastola eta ukberri.net-ek emandako prentsaurrekoan, Laura Mintegi idazleak eta Kepa Ugarte kazetariak gogoratu bezala, horrelako egoerari konponbidea jartzeko euskaldunduko duen eskola baten aldeko sinadura bilketa egin zuten iaz. Orduan, 107.768 sinadura batu zituzten Euskal Herrian, horietako 2.746 Uribe Kostan bertan. Egun, “ume guztiak euskalduntzea ekarriko duen eskola eredua ez den bestelako erreforma partzialik, partxe edo iruzur berririk” ez dutela onartuko ohartarazi zuten. Era berean, bi deialdi egin zituzten: bata, ostiral honetarako, otsailak 23, Algortako Telletxe plazan arratsaldeko 5etatik 7etara egingo den jaialdi aldarrikatzailea, bertan umeentzako jolasak eta kalejira egingo dituztela; bestea, datorren martxoaren 10ean, Donostiako Antiguako pilotalekuan goizeko 11:30ean antolatuko den ekitaldi nagusia. Argazkian, otsailaren 17ko prentsaurrekoa / ukberri.net
2007-02-08
19:34:27, Atalak: Deialdiak, 80 hitz Otsailaren 17an aurkeztuko dugu Gu EHE
Prestaketa lanek eta aste hauetako deialdi eta mobilizazioen artean tokitxo bat aurkitu nahiak eragindako atzerapenak gora behera, azkenean, otsailaren 17an, larunbatarekin, egingo dugu Getxo udalerriko Euskal Herrian Euskaraz (Gu EHE) taldearen aurkezpena. Ekitaldia Aldai kulturgunean (Karitate kalea 1-Algorta) izango da eguerdiko 12etatik aurrera. Bertan jorratuko dituen ildo zein kanpainen berri emango du Gu EHEk. Esan barik doa erakunde zein norbanako guztiok zaudetela gonbidatuta aurkezpenera. Horrenbestez, bertan elkar ikusiko dugulakoan, laster arte. Argazkian, Itzubaltzetako antzineko taldeak Areetan egindako ezabaketa / ukberri.net :: Hurrengo orrialdea >> Azken erantzunak
Kudeaketa
Herritarrok zeregin handia dugu. Euskararen ofizialtasuna, legedi berri baten aldeko aldarria eta azken batean hizkuntza eskubideak eremu eta lurralde guztietan errespetatzeko eskaerak kalean presente egon behar du. Euskal Herri osoan, herriz herri eta auzoz auzo. Historian zehar euskal jendartea izan da hizkuntzaren defentsan aitzindaria eta une horretan eta aitzinera begira ere herritarrok eta herri mugimenduak jokatzen dugun funtzioa ezinbestekoa suertatzen da. Bultza dezagun euskarak behar duen aldaketa. Jantzi ditzagun kaleak, errepideak, lantegiak eta ikastetxeak euskararen aldeko aldarrikapenekin. Euskaraz bizi nahi duen herri bat badela erakuts dezagun.
| Ast | Ast | Ast | Ost | Ost | Lar | Iga |
|---|---|---|---|---|---|---|
| << < | > >> | |||||
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | ||||
Bilaketa
Atalak
Estekak
- Euskal Herrian Euskaraz
- Euskararen Gizarte Erakundeen Kontseilua
- Hizkuntz Eskubideen Behatokia
- Bizarra Lepoan euskara elkartea
- Berbalamiñe euskara elkartea
- Berbots Erandion Euskaraz
- Egizu Getxo Euskaldun!
- Bordatxu Gazte Txokoa
- Erandion Berbalagun
- Sendi: Getxoko familiak euskaraz
- AEK
- Hau Pittu Hau
- BIDEAK eskuliburua
- Gu EHEren argazki-bitakora
Artxiboak
- Ekaina 2008 (1)
- Maiatza 2008 (2)
- Apirila 2008 (5)
- Martxoa 2008 (1)
- Urtarrila 2008 (6)
- Abendua 2007 (4)
- Azaroa 2007 (3)
- Urria 2007 (10)
- Iraila 2007 (5)
- Abuztua 2007 (2)
- Maiatza 2007 (5)
- Otsaila 2007 (4)
- gehiago...
Blog hau sindikatu 
- RSS 0.92: Mezuak, Erantzunak
- RSS 1.0: Mezuak, Erantzunak
- RSS 2.0: Mezuak, Erantzunak
- Atom: Mezuak, Erantzunak
Ikastaroak, garapena, zerbitzu informatikoak, blogak
powered by
Original template design by François PLANQUE.
