GERRILLARI KOMUNIKATIBOA

Artxiboak: Uztaila 2006

2006-07-21

13:53:00, Atalak: Poesia

LAS CORTES

Gizon zahar zikina
kale estu ilunean
neska gazte lirainaren
gorpu xuri xumea
erosten, umiliatzen.
Maitasun gabeko laztan lizunak
gorputz osoa zeharkatzen
etxe gris, gela triste, etorkizun beltza
buruz gora dagoen neska
bagoietan antzera gizonak sartu-irten
diruak ez dio, ordea, zoriona ematen.
Zerbitzu bakoitzaren ostean
negar malkoak irentsiz
hurrengoa etorri eta
irriparrea erakutsiz
berriro ere intimitatea
ezezagunei eskeiniz
horrela ematen du eguna
denek gozatu eta inork maitatzen ez duen
Las Corteseko Beatriz.

Zabaldu•

Bildu•

Twitter• Permalink-a • Erantzun

2006-07-14

12:15:16, Atalak: Albisteak

Sorkunen kontzertua Santutxun

Gaur gauean Bilboko Santutxu auzoan Sorkun taldearen kontzertua egonen da, ekitaldiak argitaratzeko aukera ematen duen botoia probatu dut bide batez:

Sorkun taldearen kontzertua

Kontzertua Santutxun
Bilboko Santutxu auzoa

Sorkun taldearen kontzertua

Informazio gehiago Sangutxuren blogean

Froga batzuk egin ditut ekitaldiak argitaratzeko aukerarekin eta ez nau gehigi konbentzitu eta aldaketa batzuk egin ditut baina ez dira beste munduko beste ezer. Gomendio bat aukera hori sortu dutenentzat (blogarikoei hain zuzen ere) hasierako aukeraren letra tamaina handitu eta horrela hobeto geldituko da nire ustez. Hala ere aukera interesgarria dela deritzot, ideia hona izan duzue.

Zabaldu•

Bildu•

Twitter• Permalink-a • Erantzun

2006-07-10

12:40:51, Atalak: Poesia

MUNDUA 2.0

Isolatua baina mundu guztiarekin harremanetan
begi grabatzailea nire irudiaren erakusle
besteak ikusi baina ezin
ukitu, laztandu, sentitu nire ondoan.
Haiekin bat mundu zibernetikoan
bakarrik, ordea, mundu fisikoan.
Pantaila, CPU, webcam...
mundu berriaren lengoaia
sentimendua, bihotzaren taupadak...
1 eta 0 bihurturik.
Erdibidean bizi naiz,
bi munduren artean,
bakarra erdibiturik.
Bat bi zatitan
Bat bi aldetan
Bat bi punto zeron
bat eta bakarra noraezean.
Nabigatzeko bitakora dut baina ez iparorratza

Zabaldu•

Bildu•

Twitter• Permalink-a • Erantzun

12:34:07, Atalak: Argazkilaritza

Argazki artistikoak

Aupa lagunak, ni eta nire neskak argazki kamera digital bat erosi berri dugu eta harekin hainbat froga egin ditugu. Batez ere argazki kamera ezagutzeko izan dira froga horiek, baina irudiak artistikoak egitea pentsatu dugu horrela nire blog maite honetan igo ahal izateko. Hurrengo estekan klikatzen baduzue, izan ere, hauek flickr-en sartu ditut edota hemen igo dudan argazki bakarrean irudi artistiko horiek ikusteko aukera izango duzue.

Ahaztu baino lehen, argazki kamera digitala Panasonic DMC-FZ20 da. Berarekin frogetan hasi baino ez naiz egin eta oso gustora nago. Izan ere, lehen nuen argazki kamera analogikoaren aukera guztiak ematen baitizkit eta, gainera, teleobjektiboa handiagoa da. Lehen bi objektiboekin egiten nuena (28-80 mm eta 70-300) orain kamera digitalak duen objektibo bakarrarekin egiten dut (28-432 mm).

Zabaldu•

Bildu•

Twitter• Permalink-a • Erantzun

2006-07-04

13:48:22, Atalak: Argazkilaritza

Irungo Alardea 2006

Aurten ere Irungo Alardean egoterik izan dut, froga moduan flicker-en argitaratutako argazkiak pasatzen ditut hemen, klikatu estekan edota argazkian eta flickr-en dauden argazki guztiak ikusi ahalko dituzue. Argazki guztiak nik ateratakoak dira. Gustoko izango dituzuelakoan nago.