GERRILLARI KOMUNIKATIBOA

Eusko Jaurlaritzak Abiadura Handiko Trena eraikitzeko lanak udar ostean hasiko direla esan zuen atzo. Hari erantzunez, AHTrik Ez plataformak protesta ekintza bat burutu du gaur Bilboko Abando geltokian. Protesta "baketsua eta sinbolikoa" izan dela esan dute AHTrik Ez plataformako kideek. Hala eta guztiz ere, Ertzaintzak hamar lagun inguru atxilotu ditu identifikatzeari uko egin diotelako.

Protesta goizeko 11.00ak aldera hasi da, 30 lagun inguru Abandon bildu eta Adifeko bulegoetara sartzen saiatu diren momentuan. Zinpeko goardiek lagun gehienak sartzea galarazi dute baina hamar laguneko talde bat lehenengo solairura igo ahal izan da. Han bulegoak zeharkatu dituzte "AHT stop" zioten kartelekin, ondoren lehenego solairuan gelditzea erabaki dute.
 

Bien bitartean, kalean zeudenak AHTren kontrako pankarta bat zabaldu eta pasatzen zen jendeari informazio kartelak eskani dizkiote non gaurko ekintzaren inguruko arrazoiak aurkeztu dituzte. Adierazi dutenez Adif da AHTaren obren adjudikazioak ematen dituena eta bertan "gero eta murritzagoak diren lur emankorrak estali eta suntsitzen dituzten makinarien ejertzitoak bidaltzeko erabakiak hartzen dira".

Zinpeko goardiek ertzaintzari deitzea erabaki dute, hauek ordu erdi beranduago agertu dira. Barrura sartu eta bildutakoei identifikatzeko eskatu diete. Bildutako kideak uko egin ostean, "aginteari desobedientzia larria" egiteagatik atxilotu dituzte.

Dirudienez bertsio "ofizial" osoa gezurra da, izan ere, gazteak ez ziren hilobia erasotzen ari zirela atxilotu baizik eta hilerriaren inguruan. Gainera, haiek "ez zutela egin" esan ostean askatu egin zituztela adierazi dute eta lagun taldea bertan beti batzen dela nabarmendu.

Atzo gaztesarea.net-ek jakinarazi zuenez, Egiako zortzi gazte atxilotuek Ordoñezen hilobia erasotu ez zutela nabarmendu zuten. Izan ere, haiek beti hilerriaren inguruan batzen direla esan zuten eta egun horretan kalez jantzitako bi ertzain haiengana hurreratu eta identifikatzeko eskatu ziela azaldu. Identifikatu ostean, hainbat ertzain auto ekarri eta komisaldegira eraman zituzten. Eraman baino lehen, ezagunen batek gertatzen zenaz ohartu eta haietako baten gurasoei abisatu zien.

Komisaldegiko ziegatan atxiloturik zeudela, bakoitza ziega batean isolaturik, haietako batzuk kolpeak ere jasan zituzten. Han bertan hilobiaren erasoaren inguruan galdetu eta haien "ez zutela egin" esan ostean askatu zituztela azaldu zuten gazteek prentsaurrekoan.

Beste hiru identifikatu larunbatean
Bestalde, komunikabideek igandean izan zela esan arren, 20 eta 21 urte bitarteko hiru gazteek larunbatean identifikatu zituztela esan zuten. Hiru gazte horiek beren motorrekin zebiltzatela ertzaintzako agenteek geldiarazi eta identifikatu zituztela esan zuten. Identifikatu ostean igandean komisaldegira joateko agindu zien ertzaintzak. Gainera, motorretako giltzak kendu zizkieten.

Igandean hiru gazteek abokatuaz lagundurik komisaldegira bertaratu ziren eta, berriro identifikatu ostean, Ertzaintzak terrorismo delitua egotzi zietela esan zien. Hiru gazte horiei zaborrontziak gurutzatzea egotzi die Ertzaintzak baina larunbatean Ertzaintzak ez zuen istiluen inguruko inolako informaziorik eman.

Obelix biziko bazan ez luke besterik esango: Espainiar hauek erotuta daude!

Eta halaxe izan beharko du ze, nire titularra irakurri baduzue ni neu ere eroturik nagoela pentsatuko zenuketa. Baina, tamalez, errealitateak nire erotasuna gailendu du oraingoan ze hala da. Alegia, lore batzuk zanpatzeagatik terrorista izendatu eta 20 urte kartzelan pasatzeko arriskua izanen duzu. Bestela galdetu Donostiako zortzi gazteei, Ordoñezen hilobia erasotzeagatik Espainiako Entzutegi Nazionalak terrorismo delitua egotzi nahi dizkie.

Pentsa, zortzi gazte horiek egindako "delitua" egun bat lehenago PPko kidearen hilobian jarritako loreak zanpatzea da. Ez da delitu ekologiko bat ez, delitu terrorista bat baizik. Bai lagunok, ondo entzun duzue, lore batzuk zanpatzea (hilobiak berak ez baitu inolako kalterik jasan) 20 urteko kartzela zigorra ekar lezake.

Bertsio "ofizialaren" hutsuneak
Baina bertsioak bere hutsuneak ditu. Izan ere, eraso hori larunbatean jazo zen. Hasierako informazioek, Eferen teletipo bat kasu, gazteak hilerritik gertu zeudela esaten du eta Ertzaintza hara bertaratu zela zaborrontzi batzuk gurutzatu zirela eta. Zaborrontziena ikertzen ari zirela gazteak hilerriatik gertu ikusi eta identifikatu omen zituzten, geroago hilerrian gertatutako erasoaz konturatu ziren.

Gaur ordea, bertsioak dio Ertzaintzak zortzi gazteak atzeman zituela hilerrian erasoa egiten. Gainera, beste hiru gaztek zaborrontziak gurutzatu zituztela Ertzaintza despistatzeko.

Beste eraso batzuk ez dira terroristak
Betiko moduan, politika tartean dagoenean dena aldatzen da baina alde bateko biktimen inguruan. Michel Collonen "bi pisu bi neurri" teoria ondo baino hobeto egokitzen da gurean. Izan ere, Ordoñezen hilobia erasotzeak terrorista adjektiboa merezi du baina beste hilobi edo monolitoen kontrako erasoek ez. Zerrendatzearren hiru:

1. Donostiako hiritar Olaia Kastresanaren monolitoa apurtzea
2. Gudarien omenez Oiartzunen jarritako monolitoa eta haritzak apurtzea
3. Iruñeako Germanen monolitoa apurtzea

Hiru kasu horiek ez dira bakarrak, baina noski arerioen hilobi edo monolitoak direnez ez dute merezi ez ikerketarik ez terrorismo adjektiborik ere ezta komunikabideetan segundu bakar bat ere (salbuespenak salbuespen).

Lehenik eta behin barkamenak eskatu irakurleei, badakit blogak egunerokotasun batekin eguneratu behar direla baina hainbeste gauza buruan bloga abandonatu egin dudala. Ez dut, eguberriak gertu dauden honetan, promes egingo urtarrilaren 1etik aurrera ohikotasun batekin eguneratzen hasiko naizela. Bada goazen gurera, gaur dakar hona beste blog batetik hartutako sarrera bat, hau beste blog baten sarrera izanik.

Bada, Christianek dalequetepegon abisu eman zuen hurrengo gertakariaz, Hernan Casciarik duen Orsai blogeko idazki batekin Casciariri gertatu zitzaiona alegia. Bada, dirudienez, Casciarik sarrera bat egin zuen bere blogean tontoen inguruan hitz egiten, "El nuevo paraíso de los tontos" izenburua zuena. Bada testu hori Pedro J. Soriano jaunak (jaun goitizena merezi duen zalantzan jartzen dut) idazkia kopiatu eta Valentziako Las Provincias egunkarian idazten duen zutabe batean itsatsi egin zuen, alegia, Casciariren idazkia osorik kopiatu egin zuen bere zutabean.

Casciari konturatu zenean, suposatzen dut haserretu egingo zela, baina haserreaz gain Pedro J. Sorianorekin mendekua hartu zuen. Nola? Bada zutabegile etikadun eta profesional horri elkarrizketa bat eginez. Mendeku hartzeko  modu interesgarria. Ziurrenik, Pedro J. Sorianok uste izango zuen Hernan Casciari blogari ezezagun bat izango zela baina Casciari idazle eta kazetari bat da, Interneten oso irakurria.

Benetan, elkarrizketa irakurtzea gomendatzen dizuet, oso ona baita. Cascarik demostratu egin zuen tontoa batzutan listoarena egiten saiatzen dela. Barregarria, ez balitz negar egiteakoa.

Izaerako abeslari Aritz Roigekin abesten

Roig taldearen bateria jolea jo eta ke

ATKren partaideen itxura

Showak jendea txunditu eta animatu zuen aldi berean

Abeslariaren ahots indartsuak gaueko isiltasuna urratu zuen