galdakotar bloga

Mezua: Apirilean hil ziren pertsonak

2008-04-23

10:35:20, Atalak: galdakotar, dokumenta

Apirilean hil ziren pertsonak

1937.ko Gerra Zibilean pertsonak, banaka edo multzoka, hiltzen joan ziren, jausten diren tantak bezala.
Apirilean Mola Generalak eraso egin eban "Iparraldeko Frentea": negu hotz bat pasatu ondoren, udabarri beroa bizi eben Galdakaon. Eleizako liburuak

Danetara 8 hildako erregistratu eban abadeak Santa Maria Parrokian.

Gerrako frentean 3 gazte hil ziren:

Ramon Legina, 23 urteko larrabetzuarra, Ubidean hil zen apirilaren 17an;
Nicomedes Pomposo,22 urtekoa, Saibigainen hil zen
Valentin Olabarrieta, 23 urtekoa, Saibigainen ere hil zen hilaren 14an

Zugutzuko errefugioan 3 pertsona hil ziren Apirilaren 24an, nahiz eta 25ean idatzi ebezan abadeak bere datuak:

Casimiro Bujedo, 73 urteko nagusia
Ildefonso Larrondo 14 urteko gaztea
Maria Arrieta, 24 urteko emakumea

Horrez gain beste bi pertsona hil ziren:

Jose Izagirre, Morgako 40 urteko gizon bat, Olabarrin Apririlaren 9an bonba batek harrapatuta, Victor Bengoetxeak urtebetetzea ospatzen zuen egunean
Leon Egiarte, apirilaren 18an Begoñako errefugioan hil arren, "fué trasladado al cementerio de este pueblo" abadearen iskribuan agertzen den moduen.

Liburuon argazkiak Picasa Albumean ikus ditzakezu, ondoko hauek bezala.