2.009ko Maiatzaren 19an 72 urte beteko dira Plazakoetxeko errefugioa bonbardatu zutenetik, 14 pertsona bertan hilda geldituz. Orduko gertaerak jasan zutenen lekukotasunak ezagutzeko eta gerra zibilaren ondorioz galdutako pertsona guztiak gogoratzeko Oroimenaren Haziak izeneko omenaldia ospatuko da Torrezabal Kultur etxean. Galdutako Udabarria dokumentala estrenatzeaz gain, filman agertzen diren galdakotar nagusiak egongo dira bertan(ikusi UpComingen ebentoa). Eta testuingurua ulertzeko azalpenak ematen dituzten adituak ere bai.
Lehena: 36ko Urriaren 4tik hasita, udazken lasaia eta negu hotza hasten dira, Euzko Jaurlaritza antolatzen zen artean, gudariak Debaren arroan gelditu eben frentea. Baina martxoaren amaieran, benetako infernua piztu zan.
Oraina: Gure nagusiek pasatu ebena, orain eskuratzeko moduan gagoz, euren ahotik entzuteko era daukagulako
Etorkizuna: Gazteok hartu leikie lekukoa, testigantzak entzuten eta ikertuz.
Gai izango gara oroimen historikoa berreskuratzeko?. Denbora daukagu oraindino! Gure nagusiei entzun eta euren jakituria batu. Bizi dabenetik eta sufritu ebenetik ikasi geinke.
Galdakaoko historiari buruzko dokumentalak, badauka bere historia propioa. Orain bertsio barri bat ikus daiteke, itxura aldatu bategaz. Eta suerte apur batez, Maiatzaren 19an, bonbardeoa gertatu zeneko urteurrenean, Torrezabal kultur etxean emanaldi berezian egongo dalako. Hona hemen aurrerapen bat.
Galdakotar askoren testigantzei esker, 1930eko hamarkadan gertatu zana jakin ahal izan dogu: Libe Asua, Jose Larrea, Victor Bengoetxea, Bittor Atxutegi, eta Pedro Jugori esker, orain gehiago dakigu, Gerra Zibila baino lehen, zelan bizi ziren galdakotarrak. Hona hemen bideo labur bat hobeto ezagutzeko orduko giroa eta bizimodua. Iraupena: 15 min.
Galdakaon 1937ko Gerra Zibilean gertatutakoak gogoratzeko bloga.
Oroimena berreskuratuz, haurtzaroa lapurtuta izan zuen belaunaldiari omenaldi bat nahi du izan.