2010-03-29

Permalink 10:53:54, Atalak: argazkiak  

Galdakao eredu moduan

egunaren bigarren orriaGaldakao eredu bat lez ipintzen dauen eguna topatu dogu: 1937 urtean.
Hara non, Aberri Egunaren besperan, Eguna egunkarian, Galdakao jarraitzeko moduko eredu bat izan zen... Euskal izenak jartzeagaitik.
Egunaren Bigarren orrialdean Galdakano izenburupean hauxe dino:
"Epailean eta otsailean uritxo onetan jaio diranen artean edozeinbat euzkel-izendun ikusi doguz ta pozkarri izan yaku. Euzkel-izenak yakuz.
Galdakano'ko semean beste urietan be, gaituaz badoaz euskel-izendunak oba litzateke. Eredugarri yaku ba, Galdakano. Jarraitu besteok be, Galdakanoren bideari.
Ona emen, ilabete bi orreitan jaio ta euzkel-izena ezarri yakoenen zerrendea:
- Etxebarria eta Orue'tar Julen Iñaki, Bitor eta Simone'ren semea, Usansolo'n.
- Martinez eta Etxebarria'tar Guruzne, Domeka ta Pantzeskeren alabea.
- Arribaltzaga eta Elortza'tar Elixabete Miren, Joseba ta Iruneren alabea.
- Arriaga eta Yurrebaso'tar Peli, Sekunda eta Josebe'ren semea.
- Etxebarria eta Galastegi'tar Miren Begoñe, Matai ta Martine'ren alabea
- Olabarrieta eta Azkueta'tar Iñaki, Kepa'ren eta Kataliñe'ren semea
- Garai eta Elekuria'tar Sabin, Joseba eta Josebe'ren semea.
- Garai eta Elekuria'tar Karla, Joseba eta Josebe'ren semea
Orra euskel - izen zerrenda mardul-mardula ta ornidua.
Zorion-agurrik sutsuena euskel-izena seme-alabei ipiñi dautsen gurasoei."
----------

2009-04-11

Permalink 11:55:33, Atalak: argazkiak  

Oroimenaren haziak

2.009ko Maiatzaren 19an 72 urte beteko dira Plazakoetxeko errefugioa bonbardatu zutenetik, 14 pertsona bertan hilda geldituz.
Orduko gertaerak jasan zutenen lekukotasunak ezagutzeko eta gerra zibilaren ondorioz galdutako pertsona guztiak gogoratzeko Oroimenaren Haziak izeneko omenaldia ospatuko da Torrezabal Kultur etxean.
Galdutako Udabarria dokumentala estrenatzeaz gain, filman agertzen diren galdakotar nagusiak egongo dira bertan(ikusi UpComingen ebentoa).
Eta testuingurua ulertzeko azalpenak ematen dituzten adituak ere bai.
----------

2009-03-09

Permalink 12:08:38, Atalak: galdakotar, testigantzak, dokumenta  

Dokumentalaren bertsio barriak

Galdakaon Gerra Zibilaren historia hobeto ezagutzeko dokumentalak bertsio barria dauka (Torrezabal Kultur etxean ikusi hahal izango dana)
  1. Atarian: Galdakao eta Plazakoetxeko bizimodua ezagutzeko
  2. Sarrera: Gerra Zibila sortu zeneko aurrekariak
  3. Lehena: 36ko Urriaren 4tik hasita, udazken lasaia eta negu hotza hasten dira, Euzko Jaurlaritza antolatzen zen artean, gudariak Debaren arroan gelditu eben frentea. Baina martxoaren amaieran, benetako infernua piztu zan.
  4. Oraina: Gure nagusiek pasatu ebena, orain eskuratzeko moduan gagoz, euren ahotik entzuteko era daukagulako
  5. Etorkizuna: Gazteok hartu leikie lekukoa, testigantzak entzuten eta ikertuz.
Gai izango gara oroimen historikoa berreskuratzeko?. Denbora daukagu oraindino!
Gure nagusiei entzun eta euren jakituria batu. Bizi dabenetik eta sufritu ebenetik ikasi geinke.
----------

2009-03-03

Permalink 19:19:55, Atalak: testigantzak, gerra_zibila, dokumenta  

Dokumentalaren historia

Galdakaoko historiari buruzko dokumentalak, badauka bere historia propioa.
Orain bertsio barri bat ikus daiteke, itxura aldatu bategaz.
Eta suerte apur batez, Maiatzaren 19an, bonbardeoa gertatu zeneko urteurrenean, Torrezabal kultur etxean emanaldi berezian egongo dalako.
Hona hemen aurrerapen bat.
----------

2008-09-29

Permalink 14:18:04, Atalak: galdakotar, dokumenta  

Arartekaoren aipamena

Galdakotar blogak aipamen bat merezi izan dau Arartekoaren aldetik. Zergaitik? Praktika on bat dalakoan.
Eskerrik asko blog horren atzean dagozenei, indar barriak emoten dituelako holakoak entzuteak.
Eta animoak galdakotarren testigantza eta lekukotasun gehiago batzeno jarraitzeko.
----------

:: Hurrengo orrialdea >>

Kudeaketa

galdakotar bloga

Galdakaon 1937ko Gerra Zibilean gertatutakoak gogoratzeko bloga. Oroimena berreskuratuz, haurtzaroa lapurtuta izan zuen belaunaldiari omenaldi bat nahi du izan.

Sortzailearen profila

Zure irudia gravatar.com-en jarri

Bilaketa

Atalak

Blog hau sindikatu

Zer da hau?

Zure bloga eraman

  1. Bloga esportatu eta txt moduan gorde.
  2. blogariak.com-era joan Tresnak > Inportatu bidez zure blog berria informazioa ekarri.
Elurnet Informatika Zebitzuek eskaintzen duten zerbitzua
Ikastaroak, garapena, zerbitzu informatikoak, blogak

powered by
b2evolution