FiloBlogia

Ricardo Gómezen bloga

Mezua: Urteren gramatika eta hiztegia Sancho el Sabio Fundazioan

2009-05-26

13:52:18, Atalak: Hiztegigintza, Filologia, Euskara, Euskalaritzaren_historia, Euskararen_historia

Urteren gramatika eta hiztegia Sancho el Sabio Fundazioan

Uste dut honako albiste honek standby egoera une batez etetea merezi duela, laburki bada ere.

Sancho el Sabio Fundazioak Pierre Urteren gramatika eta hiztegia eskuizkribatuak erosi ditu, sei liburuki guztira, eta osteguneko inauguraziotik aurrera fundazioaren egoitza berrian ikusi ahalko dira.

Ohi bezala, hedabideek emandako informazioan ez da akatsik falta, baina EiTB Kulturarenak marka guztiak hausten ditu:

Euskal Herrian aurkitu dituzten sei gramatika liburu zaharrenak biltzen ditu erakusketak. Lapurdiko Pierer d´Urte elizgizonak 1715ean topatutako idatziak dira

Nork eman dezake gehiago hain testu labur batean?

Argibide gehiago:

"La Fundación Sancho el Sabio expondrá la gramática vasca más antigua" | adn
"Una 'joya' del euskera, en Betoño" | El Correo
"La Fundación Sancho el Sabio expondrá la gramática vasca más antigua" | Deia
"Se expondrá en Vitoria la gramática vasca más antigua" | Diario Vasco
"Un exilio gramático" | DNA
"Sancho el Sabio de Vitoria inaugurará el jueves su nueva sede con una muestra de los primeros tomos de gramática vasca" | EcoDiario
"Gasteizko Sancho el Sabio fundazioak egoitza berria irekiko du ostegunean" | EiTB Kultura
"Antso Jakituna Fundazioak euskarazko gramatikarik zaharrena erakutsiko du" | Gara
"Sancho el Sabio de Vitoria inaugurará el jueves su nueva sede con una muestra de los primeros tomos de gramática vasca" | gentedigital.es

Lotutako sarrera:

Pierre Urteren gramatika eta hiztegia enkantean saldu dira

Zabaldu•

Bildu•

Twitter• Permalink-a • 3 erantzun

Erantzunak, Pingback-ak:

Bidaltzailea: Pruden Gartzia [Bisitaria]

Egun pozgarria da hau euskaldunontzat. Gogora dezagun Urteren eskuizkribuak ia mende batez egon direla egoera aski bitxian, hots, partikular batzuen eskuetan eta, praktikan, hura kontsultatzeko aukerak guztiz murrizturik. Gainera, enkantearen ondoren arrisku bizian geunden urte luze-luzeetarako haien arrastoa guztiz galtzeko, partikularren baten etxeko apaletan edo bankuren baten babes-kutxan.

Orain, aldiz, Euskal Herrian egongo dira, biblioteka publiko batean eta ikerle ororen eskura. Zorionak Antso Jakituna Fundazioari. Zuen lorpena euskaldun guztiontzat da onuragarri eta atsegina.

2009-05-27 @ 08:47

Bidaltzailea: Nineu [Bisitaria]

Eta, jakin badaiteke, noizko digitalizazioa edo argitaratze bat?

2009-05-27 @ 23:59

Bidaltzailea: Ricardo Gómez [Kidea]

Digitalizazioari buruz Sancho el Sabiokoei galdetu beharko.

Argitaratu, biak, gramatika eta hiztegia argitaratuta daude. Ez da guztiz egia hedabideetan agertu dena, alegia orain arte bi lan hauek Macclesfieldtarren gazteluko apaletan "ezkutatuta" egon direnik. Euskalariek aspaldidanik ezagutu dute Urteren lana (nire urriko sarreran, Urteren lanei eta eskuizkribuei buruzko bibliografia aurkitu ahal duzu).

Gramatikaren argitalpena: