FiloBlogia

Ricardo Gómezen bloga

Mezua: Gure ikerketa taldea hedabideetan gaur (II)

2008-09-04

22:15:18, Atalak: Hiztegigintza, Hizkuntzalaritza, Filologia, Euskara, Unibertsitatea/Irakaskuntza, Euskalaritzaren_historia, Euskararen_historia

Gure ikerketa taldea hedabideetan gaur (II)

Gaur El Correo egunkariak argitaratu du gure lanari buruzko artikulu bat:

"Descifrando el manuscrito de Lazarraga"
Eta atzoko artikuluen artean, aipatu gabe utzi nuen Diario Vasco-koa:

"El equipo de Joseba Lakarra editará el manuscrito de Lazarraga a finales de año"
Bestalde, Radio Vitorian elkarrizketa bat egin diote Joseba Lakarra ikerketa-taldeko buruari, "Plaza Nueva" irratsaioan. Ez dut podcastik aurkitu, baina inork lortuko balu, biziki eskertuko nioke blogean eskegi ahal izateko.

Zabaldu•

Bildu•

Twitter• Permalink-a • 5 erantzun

Erantzunak, Pingback-ak:

Bidaltzailea: filokolarpea [Kidea]

Zorionak Ricardo! Irakurri dut El Correoko berria eta asko poztu naiz ikerketa zuen eskuetan dagoela jakiterakoan. Beraz, zorte on! Lana irakurtzeko irrikitan nago!

Ondo izan

2008-09-04 @ 22:30

Bidaltzailea: Ricardo Gómez [Kidea]

Eskerrik asko. Dena dela, kontuan izan urte amaierarako atera nahi duguna ez dela edizio "definitiboa" izango, behin-behineko bertsio bat baizik, eta ez testu osoarena.

2008-09-05 @ 17:30

Bidaltzailea: Gastiz [Bisitaria]

Gehiegi galdetzea ez bada, zein testu zati kanpoan geratuko da?

2008-09-10 @ 11:36

Bidaltzailea: Ricardo Gómez [Kidea]

Gastiz: ez prentsa-oharrak ez, ondorioz, hedabideek ez dute edizioaren nolakoaz gauza handirik argitu. Urte amaierarako atera nahi dugun edizioa Interneten izango da eta, beraz, aukera emango digu lanean aurreratu ahala gauza gehiago gehitzeko.

Lehenengo sareratze honetan gutxienez eskuizkribuko testu nagusia atera nahi genuke (gehi hari dagozkion ohar behinenak), oso orokorrean esanda eskuizkribuaren lehenengo idatzaldia izan zitekeena; hau da, geroago hainbat orrialdetako zuriuneetan erantsitakoak hurrengo baterako utziko ditugu.

Hortaz, ez da ediziotik kanpo ezer geratuko, baina ez dugu testu osoa, eta inguruko informazio eta azterketa guztiak, aldi berean argitaratuko; hala egitekotan, oraindik urte batzuk (gehiago) itxaron beharko litzateke.

2008-09-10 @ 22:45

Bidaltzailea: blancatxo [Bisitaria]

Polita da ikustea honelako berriek hauts pixka bat harrotu dezaketela gure artean.
Xehetasunak (okerrak ere bai) egunerokotasunaren haizeak eramango al ditu!
Ricardorenean izango dugu, noski baino noskiago, sarean agertuko den edizioaren berri zehatza, agertu bezain laster.

2008-09-14 @ 00:49