FiloBlogia

Ricardo Gómezen bloga

Mezua: Blanca Urgell, euskaltzain osoa izateko hautagai

2008-07-23

23:14:22, Atalak: Filologia, Euskara, Unibertsitatea/Irakaskuntza

Blanca Urgell, euskaltzain osoa izateko hautagai

Euskaltzaindiak, hilaren 18an Hendaian egin zuen osoko batzarrean, Blanca Urgell lankide eta adiskidea hautagai bezala onartu du Henrike Knörren hutsunea betetzeko.

Bi hautagai aurkeztu ziren, bestea Patxi Uribarren izanik.

Hona hautagai bakoitza aurkeztu duten euskaltzainak:

Blanca Urgell: Patxi Goenaga, Joseba Lakarra eta Miren Lourdes Oñederra.
Patxi Uribarren: Jose Luis Lizundia, Andoni Sagarna, Sagrario Aleman eta Jean-Louis Davant.

Bozketa irailean egingo den osoko batzarrean izango da eta euskaltzain berria aukeratzeko gehiengo osoa beharko da.

ZORIONAK, BLANCA!!! Aspaldidanik behar zintuen Euskaltzaindiak, ea oraingoan ez duen hutsa errepikatzen. Hala espero dut.

Argibide gehiago:

Blanca Urgell eta Patxi Uribarren euskaltzain oso izateko hautagaiak | Plazaberri
"Patxi Uribarren eta Blanca Urgell proposatu dituzte Henrike Knörren hutsunerako" | Diario Vasco
"Patxi Uribarren eta Blanca Urgell euskaltzain izateko hautagai" | Diario de Noticias de Gipuzkoa

Zabaldu•

Bildu•

Twitter• Permalink-a • 5 erantzun

Erantzunak, Pingback-ak:

Bidaltzailea: zentsuratua [Bisitaria]

Ricardo: ez nuen zuregandik zentsurarik espero. Baina argi dago oker nengoela. Bada, "zorionak" inkonpetente horri.

2008-07-28 @ 14:29

Bidaltzailea: Ricardo Gómez [Kidea]

Zentsuratua: Nork nori zer non zentsuratu? Nik ez ulertu. Zuk zeure identitatearena, beste zentsurarik ez dut hemen ikusi.

2008-07-28 @ 19:35

Bidaltzailea: zentsuratua [Bisitaria]

Ederto ulertu duzu Ricardo. Eta ez egin tontoarena: nork bere identitatea gordetzea ez baita zentsuratzea, babestea baizik. "Zorionak" Blancari. Blanca euskaltzain?!

2008-07-29 @ 03:39

Bidaltzailea: Ricardo Gómez [Kidea]

Aitortu beharra dut: tontoa naiz, jarraitzen baitut jakin gabe nork nori zer non zentsuratu dion.

2008-07-29 @ 15:27

Bidaltzailea: Juankar LOPEZ-MUGARTZA [Bisitaria]

Nik neronek ere "zorionak" ozen eta gora esan nahi diot Blancari. Ziur naiz Henrike bera poztuko zela jakitean bere lekukoa Blanca bezalako euskalari euskaltzale fin batek hartu duela. Bestalde, Henrikeri batere atsegin egiten ez zitzaizkion gauzen artean "zentsuratua" izan omen denaren mintzoaren antzekoak zeuden. Gauzak aurrez aurre esan behar dira eta gizabidez. Ahotsa goratu gabe eta minik egin gabe. Bistan da, Henrikeren irakaspenetatik ikasteko asko dugu oraindik ere.