FiloBlogia

Ricardo Gómezen bloga

Mezua: Arriolabengoaren Euskara Ibarguen-Cachopin kronikan liburua kalean da

2008-07-01

18:46:45, Atalak: Filologia, Euskara, Argitalpenak, Liburuak, Dialektologia, Euskararen_historia

Arriolabengoaren Euskara Ibarguen-Cachopin kronikan liburua kalean da

Julen Arriolabengoaren Euskara Ibarguen-Cachopin kronikan lanak 2007ko Mikel Zarate saria irabazi zuen. Orain Euskaltzaindiak eta BBK Fundazioak argitaratutako liburua irakurri ahal dugu (eta gogoz irakurriko dut ere!).

Hona Euskaltzaindiak Plazaberrin atera duen oharra:

Euskara Ibarguen-Cachopin kronikan. Julen Arriolabengoa
Liburu honek 2007ko Mikel Zarate saria jaso zuen.
XVI. mendearen bigarren erdian zehar, fase ezberdinetan idatzitakoa da Ibarguen-Cachopin Kronika izenaz ezaguna den lana, egileek, Juan Iñiguez de Ibarguen eskribauak eta Cachopin doktorearen semeak, Crónica General Española y Sumaria de la Casa Vizcaína izenaz bataiatua. Behin baino gehiagotan azpimarratu zuten lan honen garrantzia, besteak beste, Koldo Mitxelenak, Julio Caro Barojak eta Julio de Urquijok. Ospetsu ere bilakatu zen "munduan" Leloren Kantua izeneko poema zela eta XX. mendearen hasieran. Baina argitaratu gabe dago eta egoera kezkagarrian dirauen eskuizkribua da. Bere 184 koadernoetatik 71 kontserbatzen dira soilik. Arriolabengoak kronika hau aukeratu zuen bere tesia egiteko.
Liburu honetan, gaztelaniaz idatzitako kronika honetan aurkitu dituen euskarazko testu eta hitz guztiak aurkeztea eta ezagutzera ematea izan du helburu Julen Agirrebengoak. Crónica General honetan aurki litezkeen euskarazko materialen bilketa eta azterketan aurrera eginez, atal banatan sailkatu ditu esaerak, esaldiak, etimologiak eta gaztelaniazko prosan emandako euskal hitz solteak. Eta lan zabal honi amaiera emateko Ibarguen-Cachopin Kronikan lanaren euskarazko materialen hizkera aztertu nahi izan du, ikuspegi dialektologikotik zein historikotik.

Lotutako sarrerak:

Zabaldu•

Bildu•

Twitter• Permalink-a • Erantzun 1

Erantzunak, Pingback-ak:

Bidaltzailea: Pruden Gartzia [Bisitaria]

Liburu bikaina, di-da batean irakurtzen dena, interes bizikoa alderdi askotatik (alegia, ez estriktoki filologikotik bakarrik). Pentsatzen dut tesian hainbat gai sakon eta lehor landu ondoren (tesi bati dagokion moduan) biziki eskergarria dela horrelako sintesi atsegin bat eskaintzea euskaldun ororentzat. Eredugarria.