FiloBlogia

Ricardo Gómezen bloga

Mezua: Arazoak Blogari.net-en. Zer egin?

2008-05-30

22:00:08, Atalak: Denetarik

Arazoak Blogari.net-en. Zer egin?

Barkamena eskatu nahi dizuet atzo edo gaur blog honetan sartu nahi eta ezin izan duzuen guztioi. Egunotan, beste hainbatetan bezala, Blogari.net-en zerbitzariarekin arazoak izan bide dira, baina blogariok ez dakigu etenak noiz gertatuko diren (zaila), ez zenbat denbora iraungo duten (agian ez beti hain zaila), ez eta arazoak noiz amaitu diren ere (oso erraza izan litekeena, nik uste).

Honen harira, beste plataforma batera aldatzea pentsatzen ari naiz eta, zuen iritzia jakiteko, galdera batzuk egin nahi dizkizuet: Uste duzue aldatzea merezi duela? Aldatzekotan, zein gomendatzen didazue? (kontuan hartuta migrazioa egin beharko nukeela). Ez dakit euskarazko gainerako plataformetan halako arazoak egon ohi diren, edo bestelakoak dauden. Nire asmoa ez da plataformen arteko erkaketa sakona egitea (azken batean, nork bere iritzi eta esperientziak ditu), baizik eta laguntza pixka bat izatea erabaki bat hartu baino lehen.

Eskerrik asko aldez aurretik.

Zabaldu•

Bildu•

Twitter• Permalink-a • 5 erantzun

Erantzunak, Pingback-ak:

Bidaltzailea: 27zapata [Kidea]

Nik ere uste dut gehiegitan egiten duela huts blogarik. Eta ni ere aldatzekotan egon naiz eta ez behin. Ez dakidana da nora ez eta orain arteko material guztia nola pasa litekeen beste norabait. Bestela hutsetik hasi beharko litzateke beste nonbait. Nik halere, eskertuko nuke blogarik beste ahalegin bat egitea edo azaltzea zein arazo izaten dituen, zergatik eta abar.

2008-05-31 @ 10:13

Bidaltzailea: praxene [Kidea] · www.youtube.com/praxene

Guztiz ados nago zuekin ni ere pixka bat erretzen hasia bainaiz, baina oraindik blogak topatzen ari naiz. My space-ekoek ez dute fama txarrik, baina ez dute euskarazko zerbitzurik eskaintzen…eibar.org –eko blogek ere ez dakit gure arazo hori izaten ote duten. Egia esan, sarean badago eskaintza ugari baina udalen edo erakunde batzuen orrialdeen menpe gehienbat. Etsaminak amaitzen ditudanean arakatuko dut sarean hobeto eta aurkitzen dudanaren berri emango dizuet, hemen bertan.

Oharra: hotmail-eko helbideren bat baduzue "tu espacio" izeneko gunean sartuta edozer idatzi, igo… daiteke eta Blogari baina errazagoa da erabiltzen (nire iritziz). Euskarazko zerbitzurik topatzen ez badut, pixkanaka-pixkanaka gauzak blog horretara bidaliko ditut.

Ondo izan!

2008-05-31 @ 12:11

Bidaltzailea: issabella [Kidea]

Eskerrak!
Ez naiz bakarra.

Egia esan ez ditut irakurle larregi (nire ingurukoak, eta baten batek ganetik, euskaraz justu dabil eta...). Baina gutxi izan arren, fidelak dira, eta azken aldi honetan gehiegitan esaten didate ezin izan direla sartu... Eta aldi guzti horietan "migratzeko" gogoa satzen zait...

Horregatik, zure post-a irakurri dudanean bertan isladatuta ikusi naiz.
Niri gomendatzen dizkidaten plataformak Blogger eta Blogspot dira. Betikoak, baina gazteleraz. Gainera ez dakit zelan egin nire blogean dauden post-ak beste blog batera pasatzeko....

Beno, ez dut asko lagundu, baina behintzet apur bat lasaitzeko balio izan dit.

Zorte on....

2008-06-01 @ 10:27

Bidaltzailea: Kepa Diegez [Bisitaria] · http://etnomet.blogspot.com

Aupa, Ritxi
ni sarritan egon naiz aldatzekotan Blogger-etik euskalgune batera, baina nagia eman ez dut egin. Badira ia lau urte hasi nintzela eta bizpahirutan baizik ez dut arazorik izan, baina, jakina, euskarria ez dago euskaraz eta norberak egin behar ditu lantxo batzuk.

2008-06-04 @ 18:39

Bidaltzailea: praxene [Kidea] · www.youtube.com/praxene

Hitzeman nizuen bezala, honatx blogak sortzeko topatu nituen webguneetatik garrantzitsuenak iruditu zitzaizkidanak;
http://eu.wordpress.com/
http://www.blogak.com/
http://blogspot.es/
https://www.blogger.com/start?hl=es

Lehen bi helbideek zerbitzua euskaraz eskaintzen dute...azken biek ez dut uste.

Ondo izan!

2008-06-25 @ 09:13