FiloBlogia

Ricardo Gómezen bloga

Mezua: Mundu osoko unibertsitateek sarean duten lekua

2008-02-11

23:39:10, Atalak: Unibertsitatea/Irakaskuntza

Mundu osoko unibertsitateek sarean duten lekua

World Universities' ranking on the Web izeneko sailkapenak neurtzen du mundu osoko unibertsitate eta ikerguneeek zer-nolako lekua duten sarean. Sailkapena sei hilabetean behin berritzen da eta egunotan 2008ko urtarrila arteko datuei dagokiena argitaratu da.

Zerrendetan munduko 4000 unibertsitate eta 1000 ikergune sartu dira. Gainera, kontinente eta nazio bakoitzeko rankingak ere kontsultatu daitezke, besteak beste.

Pentsatzekoa denez, rankingeko lehenengo postuek Estatu Batuetako unibertsitate eta ikerguneek betetzen dituzte: hala, MIT, Stanford eta Harvard dira lehenengo hiru unibertsitateak.

Europako lehenengoak Cambridge (27. lekuan), Oxford (37.ean) eta Zürich-eko Institutu Teknologikoa (38.ean) dira.

Eta Euskal Herriko unibertsitateei dagokienez, hau da bakoitzak betetzen duen lekua:

UPV/EHU munduko 322. postuan dago
Nafarroako Unibertsitatea 457.ean
Paueko eta Aturri Herrialdeetako Unibertsitatea 1000.ean
Deustuko Unibertsitatea 1129.ean
Nafarroako Unibertsitate Publikoa 1584.ean
Michel de Montaigne Bordele 3 Unibertsitatea 2327.ean
Mondragon Unibertsitatea 2846.ean.

Munduko unibertsitate eta ikerguneen ranking honen helburu nagusia, egileek berek diotenez, Open access moduko ekimenei laguntza ematea da, hala nola zientzia argitalpenek eta mota guztietako material akademikoek sarbide elektronikoa izan dezaten sustatzea.

Rankinga Espainiako CSIC-en barruan dagoen Zibermetria Laborategiaren ekimena da. Webgunean rankingari buruzko xehetasunak eta erabili duten metodologia azaltzen dituzte.

Iturria:

Bibliometría

Lotutako sarrera:

Unibertsitateen sailkapena

Zabaldu•

Bildu•

Twitter• Permalink-a • 2 erantzun

Erantzunak, Pingback-ak:

Bidaltzailea: ji [Bisitaria]

Euskal ikasketak dauzkaten unibertsitate guztiak kontuan hartzen baditugu, ez bakarrik Euskal Herrian daudenak, hor dugu bat munduko 9. lekuan.

2008-02-14 @ 02:50

Bidaltzailea: Ricardo Gómez [Kidea]

Eskerrik asko datuagatik eta zorionak UIUC-k rankingean lortutako lekuagatik!

UIUCren webgunean bilaketa arin bat egin dut eta euskararekin lotutako bi ikastaro aurkitu ditut. Hori da guztia ala aurkitu ezinik geratu zaidan gehiago dago?

2008-02-14 @ 17:36